Tɔn-Fɔɛ-Fila-Nyɔgɛ 33:17 - ALLALA KUMƐ

¹⁷ Fanka ye Yusufu bɔnsɔn-mɔgɛnu na iko turɛ. A bɔnsɔn filɛ, Manasa anubɛ Ifɛrɛm, wonu tagbɛlɛ iko sigi-kere. Manasa bɔnsɔn kɛlɛ-den waga siyamɛnu anubɛ Ifɛrɛm kɛlɛ-den waga tan-tannu, wonu si anu yogenu kɛlɛ ka anu tasɔgɔ-sɔgɔ iko sigi-dalamɛ si mɔgɛ rasɔgɔ nya min. Hali minnu fɛ-yan anu na, anu si ta wonu gbenna ka anu nato dogbe!”

Tɔn-Fɔɛ-Fila-Nyɔgɛ 33:17 ပူးပေါင်းရင်းမြစ်များ

Ko-Dabirɛnu 48:19

A fa ma sɔn wo ma. A ko, “Nna den, min bi a tola n bi kɛ mala, n ya wo lɔn. Manasa-kegeyɛ fanan si siyaya ka ma bɔnsɔn-malɔnnɛ la. Kɔnɔ a dɔgɛ wo si sɛnbɛ sɔrɔn ka tenbi ale la. A kegeyɛ fanan si siyaya ka ma bɔnsɔn-malɔnnɛnu na.”

1 Mansɛnu 22:11

Nɛbi do ye kɛnu tɛma, Kɛnayanala den Nɛbi Sɛdɛkaya, kɔni. Wo ya nɛgɛ donu bi ka anu nadan iko ninki-kere. A ya a fɔ Mansa Ehabu ye ko, “Mari ko i si Siriyanu fasafasan kɛlɛ rɔ iko ninki-tura-feremɛ si mɔgɛ fasafasan nya min. Wo le si a ma, i ni anu nɔ.”

1 Ko-Kɔrɔta-Karan 12:31

Kɛlɛ-dan minnu bɔra Manasa bɔnsɔn-talɛ rɔ tele-yigi wara la, wonu yatɛ bɛnta mɔgɔ waga tan-ni-segin (18,000) ma. Anu ya wonu denu yabɔ ka na Dawuda sigi mansayɛ la.

1 Ko-Kɔrɔta-Karan 12:32

Kɛlɛ-dan minnu bɔra Isakari bɔnsɔn rɔ, wonu kun-tiginu yatɛ bɛnta mɔgɔ kɛmɛ fila ma, ado anu nara anuna kɛlɛ-dannu na anu bolo. A bɛnta, Isirɛla mɔgɛnu ni min ma a wati-bɛnnɛ rɔ, wo hɛnkili ye anu denu denu bolo.

1 Ko-Kɔrɔta-Karan 5:1

Yakobala sarɛ tɔgɛ le Rubɛn. (A ya a sa a na-dɔgɔma do fɛ min kɛ, wo le ya a ma, den-kei-sarɛta sɔ tinɛ, ale Rubɛn foora wo la. Den-kei-sarɛta sɔ tinɛ wo tora Yusufu ye.

1 Ko-Kɔrɔta-Karan 5:2

Sɛnbɛ taranta Yuda bɔnsɔn-mɔgɛnu na, ado kun-tigi bɔra anu tɔ kɔnɔ hali wo, Yusufula dannu ya den-kei-sarɛta sɔ tinɛ wo sɔrɔn.)

1 Ko-Kɔrɔta-Karan 5:23

Manasa bɔnsɔn-talɛ minnu bi Yorodan bɛ tele-bɔɛ wara la, wonu tara sigi Basan nyamanɛ rɔ. Anu tara sigila kantɔ-wara la ha ka ta ke Beyali-Hɛrɔman soe dafɛ anubɛ Siniri kɔnkɛ kɔrɔ, anu bi a fɔla kɔnkɛ min ma fanan ko Hɛrɔman. Anu tora yirila nyɔ ka siyaya.

2 Ko-Kɔrɔta-Karan 18:10

Nɛbi do ye kɛnu tɛma, Kɛnayanala den Nɛbi Sɛdɛkaya, kɔni. Wo ya nɛgɛ donu bi ka anu nadan iko ninki-kere. A ya a fɔ Mansa Ehabu ye ko, “Mari ko i si Siriyanu kɛlɛ iko turɛ min kere manɛ nɛgɛ-gbansan la. Wo le si a ma, i ni anu nɔ.”

Yaburi 22:21

N bɔ yarɛ kɛnu bolo. N dɛnbɛna sa tura-feremɛ kɛnu tɛma.

Yaburi 29:6

A ye a mala, Lɛbanan kɔnkɛnu ni yɛrɛyɛrɛn iko tura-bulannu tenbi gberenya bɔla. Hali Hɛrɔman kɔnkɔ-layan-bɛ, wo fanan si gberenya bɔ.

Yaburi 44:5

Ita sɛnbɛ le ya a ma, ma ya ma yogenu nɔ.

Yaburi 60:7

A ko Kaliyadi nyamanɛ, atɛ le wo la. Manasa nyamanɛ fanan ye wo nya. Ifɛrɛm nyamanɛ manɛ ata kɛlɛ-fulɛ la. Yuda nyamanɛ manɛ ata sɛnɛ-kɔlɔma la.

Yaburi 92:10

I wara n tagbɛlɛya gben, iko sigi-turɛ. A ara duwɛ labɔn n ma ka n nasewa.

Aiseya 34:7

Mɔgɛnu si to buila iko ninki-feremɛ anubɛ tura-bulan si bui nya min bosoli-kɛlɛnu bolo. Anu yele si dugi wo wulen. Anu kɛɛn si nyɔ yamatogon.

Isikiyɛli 34:21

Minnu baranɛ, saga-tɔlɔnɛnu tora wonu tɔntɔnna anu kunyɛ la ka anu gben anu kurun tɔ.

Daniyɛli 8:4

A tugura duninya tonko sawa wara la, fɔ tele-bɔɛ, a ma tugu nyɔ le wara la. Sogo-wo-sogo ti ke tɔn sigila a ma, ado anu ti ke bɔla ata sɛnbɛ kɔrɔ. Koe min ba diya a ye, ale ye wo le mala. A wasinɛ ala fanka wo rɔ.

Hoseya 5:3

Nde, Mari ya a lɔn Isirɛla ye nya min. Wo ti ke wo dogonna n ma. Wo ma wo telen n ye mumɛ! A ma bɛn defan, wo ni n bato.”

Hoseya 6:4

Kɔnɔ Mari ko, “N si nfen ma wole, Isirɛla mɔgɛnu na? Wola keninteyɛ ti mɛ bɔla wo burɔ iko duri ti mɛ tɛgɛla nya min sɔgɔma.

Hoseya 7:1

Mari ko, “Wole nta Isirɛla mɔgɛnu nakɛndɛya-sɔgɛ wa n bira tumɛ min ka wo wara-koe lata yarɔ, n si wola karagbɛlɛyɛ le dɔrɔn yen n yɛ la. Wo ye wo nyɔgɔn kensunyala. Wo ye bɔnnu kerila ka kankanyɛ kɛ. Wo ye buila mɔgɛnu ma lu-kole ma ka anu bolo-fannu bi anu bolo.

Yilan-Yilan Koe 23:22

Alla nara anu denu na ka bɔ Iyipiti. A ye kɛlɛ kɛla anu ye iko sigi-dalamɛ.

Yilan-Yilan Koe 24:8

Alla ya anu nabɔ Iyipiti. A si kɛlɛ kɛ Isirɛla mɔgɛnu ye iko sigi-dalamɛ. Anu si anu yogenu faga ka anu kolenu takeri ka anuna kalabɛnnu takerikeri.

Yasowa 17:14

Yusufula den filɛ, wonu bɔnsɔnnu nara Yasowa wara ka a manyinika ko, “Nfenna i wara nyamani-dɔgɔmanɛ kɛ di ma ma? Ma kebilɛ siya nyamanɛ kɛ ko bawo Mari ara ata duwɛ layigi ma kuma. I yandi, mata nyamanɛ makofu.”

Yasowa 17:18

Wo si ta ka nyɔ-kɔlɔmanu tɛgɛ. Wo ni nyɔ ladan wo nyɛrɛ ye. N ya a lɔn ko wo si ke Kenan mɔgɛnu gbenna le. Hali anuna nɛgɛ-kirindinu siya, wo si ke ka anu nɔ feu!”

1 Samuwɛli 2:1

Hana ya Mari bato. A ko, “Mari ara n yisi lafa sewɛ la. N sewanɛ bawo Mari ara min ma n ye. N si yɛlɛn de n yogenu ma gbɛ! N nyagalennɛ bawo Alla ara n dɛnbɛ.