Tɔn-Fɔɛ-Fila-Nyɔgɛ 33:16 - ALLALA KUMƐ

¹⁶ Alamɛ wola nyamanɛ lafara fen-kinyɛnu na ka bɔ Mari bolo min kumara nde, Musa ye ta-mɛlan rɔ kɔlɔma-mɛsɛ do la. Alamɛ Yusufu bɔnsɔn-mɔgɛnu ya duwɛ kɛ sɔrɔn bawo kun-tigi le ale Yusufu la nun a na-kelen-nyɔgɛnu kun na.

Tɔn-Fɔɛ-Fila-Nyɔgɛ 33:16 ပူးပေါင်းရင်းမြစ်များ

Ko-Dabirɛnu 37:28

Midiyan yila wonu tenbimatoe, Yusufu kɔrɔnu ya a layɛlɛ ka a labɔ kɔlɔn rɔ. Anu ya a mayira Sumanyila kegeyɛ wonu ma wodi-gbɛ-gbu mogan na. Wonu tara Yusufu la anu bolo Iyipiti nyamanɛ rɔ.

Ko-Dabirɛnu 37:36

Midiyan yila wonu kera Iyipiti tumɛ min, anu ya Yusufu mayira Iyipiti mansa-makandanna-kun-tigi wo ma min tɔgɛ Pɔtifa.

Ko-Dabirɛnu 43:32

Anu ya Yusufuta dɔn-fan sigi a dan na ka a yɛ lamunun a na-kelen-nyɔgɛnu na. Yusufu ya a kɔrɔnu sigi tala anu dan na iko anu kina tala anu nyɔgɔn ko nya min. A kɔrɔnu ya wo yen min kɛ, anu kawara. Iyipiti kɛnu fanan sigira anu dan na. Ni i ya a yen anu sigira anu dan na bawo Iyipiti kɛnu ti sɔn anubɛ Hiburunu ni anu bolo layigi miran kelen tɔ fen dɔn tinɛ.

Ko-Dabirɛnu 49:26

N bara duwɛ minnu kɛ ile Yusufu ye kɛ la, wo kolo ndeta duwɛ ko i benbanu ya min kɛ nde ye. Iko kɔnkɔ-wɛnu bara mɛ dugu-kole kɛ kuma nya min, ileta duwɛ si mɛ wo nya na le. Ile Yusufu min bi i na-kelen-nyɔgɛnu kun na kɛ la, alamɛ duwɛ kɛnu birara ile ma.

Yaburi 24:1

Duninya anubɛ fan min bɛɛsi ye a rɔ anubɛ male hadama-dannu, Maritɛ le wonu na.

Yaburi 50:12

“Ni kɔnkɛ le n na nun, n ti wo manyinika dɔnta ko rɔ bawo fan min bɛɛ ye duninya rɔ, ntɛ le wonu na.

Yaburi 89:11

Ile letan ye san-kole anubɛ dugu-kole la. Ile le ya duninya anubɛ fan bɛɛ dan a rɔ.

Bɔ-Koe-Iyipiti 2:2

Musi wo ya buyi bi ka den-kei sɔrɔn. A ya a yen min kɛ ko a kin, a ya dan wo dogon ha karɛ sawa.

Yɛrɛmaya 8:16

Ma yogenu bara ke Dan soe ma kantɔ pan! Ma ye ma yogenuna kɛlɛ-kɛ-soeenu sun-tafɛ-kan lamɔɛnna. Dugi ye yɛrɛyɛrɛnna soeenu na-kan bolo. Ma yogenu bi dugi kɛ anubɛ a fan bɛɛ tinya-tinɛ le kɛ la. Anu bi Yerusalɛm soe anubɛ a mɔgɛnu halaki-tinɛ le.”

Yilan-Yilan Koe 26:28

Yusufu ya den-kei mɔgɔ fila sɔrɔn. Kelan tɔgɛ le Manasa. A fila nyɔgɔn tɔgɛ le Ifɛrɛm. Mɔgɔ filɛ wonu mara bɔnsɔn-kun-tiginu na.

Maraka 12:26

Nba, ka furi-lawuli-koe fɔ, Alla ya min fɔ wo ye, wo ma wo karan bɛ, wa? Ta-mɛlan ye kɔlɔma-mɛsɛ min tɔ, Musa ya wo sɛbɛ kan min, Alla ya a fɔ Nɛbi Musa ye ko Iburayimata Alla le ale la anubɛ Isiyakata Alla anubɛ Yakobata Alla.

Luka 2:14

“Gbiliyɛ ni ke Alla ye san-kole rɔ pon! Minnu ya Alla hɛnɛ, yisi-kimɛ ni to wonu fɛ!”

Kɛwɔlɛnu 7:35

“Ado nfan, Musa wo le kɛ la, Isirɛla mɔgɛnu ya anu ban min na ka a fɔ a ma ko, ‘Yon ya ile ma kun-tigi anubɛ kiti-tɛgɛlɛ la ma kuma?’ Alla ya ale le sɔ ka a ma kun-tigi anubɛ kisilɛ la, yɔ! A ya melika min yen ta-mɛlan rɔ kɔlɔma-nɛ rɔ, melika wo le ye a dɛnbɛna mɔgɔ-kisi-koe la.

1 Kɔrɛnti 10:26

ado iko a sɛbɛnɛ Allata kitabu rɔ nya min ko, “Duninya anubɛ fan min bɛɛsi ye a rɔ, Maritɛ le wo bɛɛ la.”

1 Kɔrɛnti 10:28

Kɔnɔ ni mɔgɛ do ya a fɔ wo ye ko, “Dɔn-fan kɛ dinɛ bɛsɛnu denu ma kɔɔ,” wo kana dɔn-fan wo dɔn ka a tɛgɛ mɔgɛ wo sɔndɔmɛla ko ma.

Hiburunu 7:26

Nba, mala Saraka-Masɔla-Kun-Tigi-Wɛ Yisa si ma makoe bɛɛ nyinya! A sɛnima! Fɛɛ-wo-fɛɛ sa a la, ado a ma hakɛ si kɛ! A sa iko male hakɛ-tiginu feu! A layɛlɛta san-kole bɛɛ kuma pon!