Tɔn-Fɔɛ-Fila-Nyɔgɛ 33:12 - ALLALA KUMƐ

¹² Musa ya a fɔ Bɛnyamɛ bɔnsɔn-mɔgɛnuna ko la ko, “Mari ya anu denu keni kosɛbɛ! Alla ye anu kandanna su-ni-tele, ado ata bato tinɛ ye anuta nyamanɛ tɛma.”

Tɔn-Fɔɛ-Fila-Nyɔgɛ 33:12 ပူးပေါင်းရင်းမြစ်များ

2 Samuwɛli 12:24

Mansa Dawuda tara Batasiba makawandi. Saya-koe makimanɛ, a ya a latenbi a kɔma. Ala musi Batasiba wo ya buyi bi ka den-kei sɔrɔn. A ya dan wo tɔgɔ sa Silamɛni. Kɔnɔ dan wo di Mari ye min kɛ,

2 Samuwɛli 12:25

wo le ya a ma, a ya Nɛbi Netan lata dan wo tɔgɔ sa tinɛ ko a ni wo kele Mari Diyana-Mɔgɛ.

1 Mansɛnu 12:21

Mansa Rihobowami ke Yerusalɛm soe burɔ, a ya kɛlɛ-dan mɔgɔ waga kɛmɛ kelen ani mɔgɔ waga bi-segin (180,000) kundɛn ka bɔ Yuda bɔnsɔn anubɛ Bɛnyamɛ bɔnsɔn rɔ. A ya wonu nadɛn de alako ka ta Isirɛla mɔgɛ wonu kɛlɛ minnu siginɛ kantɔ-wara la bawo a sɔgɛ ye a la, wonu ni taran a kɔrɔ tun.

2 Ko-Kɔrɔta-Karan 11:1

Mansa Rihobowami ke Yerusalɛm soe burɔ, a ya kɛlɛ-den-kɛndɛ mɔgɔ waga kɛmɛ kelen ani mɔgɔ waga bi-segin (180,000) kundɛn ka bɔ Yuda anubɛ Bɛnyamɛ bɔnsɔn rɔ. A ya wonu nadɛn de alako ka ta Isirɛla mɔgɛ wonu kɛlɛ minnu siginɛ kantɔ-wara la bawo a sɔgɛ ye a la, wonu ni taran a kɔrɔ tun.

2 Ko-Kɔrɔta-Karan 15:2

A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

Yaburi 132:14

A ko a ye a fɛ, a ni to sigini nyɔ habadan! A si maralɛ kɛ nyɔ le.

Yaburi 60:5

I ni mala madiyali-kan lamɔɛn ka ma kisi ila sɛnbɛ-wɛ la alako i diyana-mɔgɛnu si kanan nya min.

Yaburi 91:4

A si a kanbannu burun i kuma. A kanbannu si i lakanan. Ata lanayɛ, wo le ye i lakisila.

Bɔ-Koe-Iyipiti 28:12

Wo ni kuru filɛ wonu sa saraka-masɔla-wɛta kura-kundi-fugbɛ kɛɛ filɛ kuma. Anu si ma tamasere-kurinu na alako nde, Mari yili ni to Isirɛla mɔgɛnu ko. Aruna si kura-kundi-fugbɛ wo don a kan na. Wo si ma yili to kurinu na a kanban kun filɛ kuma nde, Mari ye.

Aiseya 37:22

A ko Yerusalɛm kɛnu si tɛgɛ Asiriya Mansa Sɛnakaribu rɔ ka a mayɛlɛn.

Aiseya 37:35

Mari ko ka a tɛgɛ ata gbiliyɛ anubɛ ata lanyiri ma a ya min kiri Mansa Dawuda ye, a si soe kɛ latanka.”

Aiseya 51:16

Ale le ya san-kole rafulen ka dugu-kole kurukɛ. Ale le ya a fɔ Yerusalɛm kɛnu ye ko ata mɔgɛ le anu na. A ko a ara ala karan don anu bolo ka anu kumafunfan a kɔɛn la.

Yɛrɛmaya 12:7

“N bara n ban Isirɛla mɔgɛnu na. N bara n ban nta mɔgɛnu na. Anu denu min di n ye bɛrɛbɛrɛkɛ, n bara anu kunyɛ don anu yogenu bolo.

Yilan-Yilan Koe 34:21

Kun-tigi min bɔra Bɛnyamɛ bɔnsɔn rɔ, wo le Kisilɔnila dan Ilaidadi la.

Matiyu 23:37

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Tɔn-Fɔɛ-Fila-Nyɔgɛ 12:10

Wo wa Yorodan bɛ kɛ tɛgɛ wati min, wota Mari Alla si a ma, wo si lanyiri-nyamanɛ wo bi wo si sigi kan min. A si wo tanka wo yogenu ma. Wo si sigi lafɛrɛ rɔ.

Tɔn-Fɔɛ-Fila-Nyɔgɛ 32:11

Mari ya Isirɛla mɔgɛnu makaran iko kokɛ tenbi ala dan karanna gban-bole la. Kokɛ si a nyagan wayan ala dan kɔrɔ. Ala dan tenbi bui-koe rɔ dugi ma, a si ta ala dan sigi a kɔɛ tɛma. Mari ya wole Isirɛla mɔgɛnu natanka bu-koe ma wo nya le.

Tɔn-Fɔɛ-Fila-Nyɔgɛ 33:11

I yandi, Mari, alamɛ Lifayi bɔnsɔn-mɔgɛnu wulita fanka rɔ. Alamɛ anuna ko-kɛnɛnu ya i hɛnɛ, Mari. Anu yogenu ba wuli anu kɛlɛla tumɛ min, alamɛ i ya anu halaki ka anu nato dogbe!”

Tɔn-Fɔɛ-Fila-Nyɔgɛ 4:37

Bawo wo benba benbɛnu di a ye min kɛ, woletɔ a ya wole yabɔ Iyipiti ka na wo la yan ata sɛnbɛ fɛ.

Kɛlɛ-Kurugbɛnu 1:21

Kɔnɔ Yebusi minnu siginɛ Yerusalɛm soe burɔ Bɛnyamɛ bɔnsɔnta nyamanɛ rɔ, Bɛnyamɛ bɔnsɔn-mɔgɛnu ma wonu gben nyɔ. Yebusi wonubɛ Bɛnyamɛ bɔnsɔn-mɔgɛnu siginɛ nyɔ ka a bi wo wati ma ha kaka.

1 Samuwɛli 10:20

Samuwɛli nara Isirɛla bɔnsɔn damasi la. Mari ya Bɛnyamɛ bɔnsɔn yabɔ.