Tɔn-Fɔɛ-Fila-Nyɔgɛ 33:11 - ALLALA KUMƐ

¹¹ I yandi, Mari, alamɛ Lifayi bɔnsɔn-mɔgɛnu wulita fanka rɔ. Alamɛ anuna ko-kɛnɛnu ya i hɛnɛ, Mari. Anu yogenu ba wuli anu kɛlɛla tumɛ min, alamɛ i ya anu halaki ka anu nato dogbe!”

Tɔn-Fɔɛ-Fila-Nyɔgɛ 33:11 ပူးပေါင်းရင်းမြစ်များ

2 Samuwɛli 24:23

Arɔna ban kɛnu dila Mansa Dawuda ma, a duwara mansɛ ye ko, “Alamɛ ita Mari Alla ya a ma, sarakɛ kɛ ni bira.”

Yaburi 20:3

Alamɛ a ya a fonde lamiri wola kɔ-fannu ma ka sɔn wola saraka-mintantɛnu na.

Aiseya 29:21

Mɔgɔ-tɔgɔ-tinyanɛnu wo, minnu bi yo dila ko-yogoma-kɛlɛnu ma wo, minnu bi foninyɛ fɔla alako mɔgɔ-telennɛnu kana yo sɔrɔn wo, Alla si wonu dama halaki.

Yɛrɛmaya 15:10

E, n na, alako i kana n sɔrɔn nun. N ma di mɔgɔ-wo-mɔgɔ ye Yerusalɛm soe burɔ. N ma yili tɛgɛ hali ka fen sinka mɔgɔ ma kɔnɔ hali wo, mɔgɛ bɛɛ ye n dankala.

Yɛrɛmaya 17:18

Minnu bi n yakɔrɔ-mamɔla, alamɛ wonu yarabira miliyɛ bolo pɔ! I yandi, n Mari, i kana n namiliya. Anu kumakɔ n ye kɔnɔ i kana sɔn, nde kun ma ni kɔ. Alamɛ i ya kasarɛ sigi n yogenu ma. I ni anu tinya ka anu tabunden n ye iko kɔrɛ.

Isikiyɛli 43:27

A tele segin nyɔgɛ ma, mɔgɛnu si saraka-mintantɛnu anubɛ yisi-kima-sarakɛnu bɔɛ fɔlɔn wulɔn ka wonu don saraka-masɔlɛnu bolo. Wo kɔma, wo wara-koe ni na to n hɛnɛna. Nde, wo tigi Mari kan le kɛ la.”

Emɔsi 5:10

“Minnu bi ko-latelennɛnu kɛla kiti-sa-tinɛ, wonubɛ tonya-fɔlɛnu sɔgɔ-labɔnɛ wo la lass!

Luka 10:16

Yisa ya a fɔ ala karan-dannu ye ko, “Min ba a tole masɔ wole la, wo tigi ara a tole masɔ nde la. Min ba a ban wole la, wo tigi ara a ban nde la. Min ba a ban nde la, wo ara a ban n sɔlɛ la.”

Tɔn-Fɔɛ-Fila-Nyɔgɛ 33:10

Anu si Isirɛla mɔgɛnu karan tɔn-bira-koe ma ka anuna sarakɛnu masɔ anu ye ile Marita saraka-mintan-tinɛ kuma.

Tɔn-Fɔɛ-Fila-Nyɔgɛ 33:12

Musa ya a fɔ Bɛnyamɛ bɔnsɔn-mɔgɛnuna ko la ko, “Mari ya anu denu keni kosɛbɛ! Alla ye anu kandanna su-ni-tele, ado ata bato tinɛ ye anuta nyamanɛ tɛma.”

1 Tɛsalonaika 4:8

Woletɔ mɔgɔ-wo-mɔgɔ wa a ban karan kɛ ma, wo ma a ban mɔgɔ bolo de fɔ Alla min bi ata Ni-Sɛnimɛ dila wo ma.