Tɔn-Fɔɛ-Fila-Nyɔgɛ 32:43 - ALLALA KUMƐ

⁴³ Wole sibolo-gbɛrɛnu, a ko wo ni ale Marita mɔgɛ kɛnu matɔgɔ. Ni minnu ya kɛnu faga, Mari si wonu tɔrɔ. Mari si a tayili sara a yogenu na ka ata mɔgɛ wonu makoto anu hakɛ la.

Tɔn-Fɔɛ-Fila-Nyɔgɛ 32:43 ပူးပေါင်းရင်းမြစ်များ

Ko-Dabirɛnu 12:3

Min ba duwa i ye, nta duwɛ si to wo kuma. Min ba i danka, n si wo danka. Duninya-mɔgɛ bɛɛ si duwɛ sɔrɔn ile fɛ.”

1 Mansɛnu 8:43

i ni ala matarali-kan wo lamɔɛn san-kole rɔ. I ni anu makoe nyinya iko anu bi a fɔla i ye nya min. Woletɔ duninya-mɔgɛ bɛɛ si i tɔgɛ lɔn ka ila kumɛ bira iko Isirɛla mɔgɛnu bi ila kumɛ birala nya min. Anu si a lɔn worɔ ko n bara Bato-Bɔn min sɔ kɛ la, a bɛnta bɛɛ ni i bato nyɔ.

2 Mansɛnu 9:7

A ko i ni ila mansɛ faga, Mansa Ehabula dan, kɔni. A ko i ni wo ma bawo Yɛsɛbɛli ara ale Marita nɛbi anubɛ ata wɔli-kɛla-siyaman faga. Wo si ma ale Yɛsɛbɛlita tɔrɔyɛ la.

Yobu 13:24

Nfenna i wara i kan-kɔ sɔ n na ka n lɔn i yoge la?

Yaburi 22:27

Sibole bɛɛ hɛnkili si to Mari ko. Anu si anu ya-lamunun Mari la duninya-tonko-nanɛ bɛɛ rɔ. Sibole bɛɛ si a bato.

Yaburi 58:10

Hakɛ-tiginu ba anuta tɔrɔyɛ sɔrɔn, telenbagɛnu si sewa. Anu kiannu ma si ku karagbɛlɛ wonu yele la.

Yaburi 65:3

ka a tɛgɛ anu hakɛnuna ko ma. Ma hakɛnu ba nɔ-ko sɔrɔn ma ma, i si ma makoto.

Yaburi 79:10

Nfenna sibole doinu bi ma manyinikala ko mata Alla ye mintɔ? Sibolo-gbɛrɛ minnu bara ita mɔgɛnu faga, a ma, ma ni i yen wonu fagala.

Yaburi 79:9

E, Alla, ma dɛnbɛ. I ni ma lakisi. I ni ma lakanan. I ni ma makoto ka a tɛgɛ i nyɛrɛta gbiliyɛla ko ma.

Yaburi 85:1

E, Mari, i wara kinikini ila nyamanɛ ma nun. I wara a ma, Isirɛla mɔgɛnu bara sabati tun!

Yaburi 85:3

I ya i fara diminyala anu ma. I ya a ma, ita diminya-belebele ma kɛ anu ma.

Aiseya 1:24

Woletɔ Isirɛlata Mari Alla Sɛnbɛ-Bɛɛ-Tigi ye nala min fɔla, wo ni wo tole masɔ wo la. A ko a si a tayili sara wo la, wole, a yogenu, kɔni. A ko wo ti nanparan-wo-nanparan di a ma tun!

Aiseya 1:25

A ko fɔ a wa maga wo la. A ko a si wo lalee iko mɔgɛ wa sɛnɛ sa tɛ rɔ, a ye wo boe bɔla a kɛndɛ yala nya min.

Aiseya 11:10

Wati ye nala, mansa-kurɛ do si bɔ Dawuda bɔnsɔn rɔ, wo si ma tamasere la duninya bɛɛ ye. Sibolenu na si dɛn ata mansaya-soe burɔ ka nyɔ gbiliya.

Aiseya 19:23

Wo wati wa na, kila-gbonkan-bɛ si sa Iyipiti anubɛ Asiriyanu tɛma. Nyamani filɛ kɛnu si to ta-ni-sɛgi kɛla anu nyɔgɔn tɛma. Nyamani filɛ kɛnu si to batoli kɛla anu nyɔgɔn fɛ.

Aiseya 19:25

Mari Sɛnbɛ-Bɛɛ-Tigi si duwa anu ye ka a fɔ ko, “N bara duwa wole nta mɔgɛnu Iyipiti kɛnu ye, anubɛ Asiriya kɛnu n ya minnu nadan anubɛ Isirɛla mɔgɛnu, nta mɔgɔ-yabɔnɛnu, kɔni.”

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Aiseya 60:6

Nyomɛnu ta si ka wola nyamanɛ rɔ baraki! Wonu si na ka bɔ Midiya anubɛ Ifa nyamanɛ rɔ. Mɔgɛnu si na i sanbala sɛnɛ anubɛ isɛnti la ka bɔ Siba nyamanɛ rɔ. Anu si to Mari-tanto-sigi sala.

Aiseya 66:10

Ile Yerusalɛm, i ni sewa. Nyɔ di wole min ye, wo ni nyagalen. Wole min donu yisi-magboyanɛ Yerusalɛm wara-koe la nun, wo ni sewa ala ko la gbɛ!

Yɛrɛmaya 13:14

A ko a si a ma, wole Yuda mɔgɛnu ni to tonko-tankanna ka bui wo nyɔgɔn kuma. Den wo, fa wo, bɛɛ si bui a nyɔgɔn kuma. A ko wola hina-wo-hina ti don ale tɔ. A ko ata hinanteyɛ ti a ma, wo ni to wo niyi la.

Yɛrɛmaya 51:36

Nba, Mari ya a fɔ Yerusalɛm kɛnu ye ko a si anu tayili sara anu yogenu na ka a tɛgɛ Babilɔn ya anu bira boloko-yogomɛ min kɛ. Bɛ minnu bi yigila Babilɔn nyamanɛ rɔ, Mari ko a si wonu kunyɛ gbala.

Nimisa Koe 2:5

Ma Tigi Mari ara ma ma yoge la ka Isirɛla nyamanɛ tinya. Tarɛ mininɛ soe minnu ma wo, a bon-kinyɛnu wo, a ara wo bɛɛ halaki pɔ! A ara male Yuda kɛnuna tɔrɔyɛ layiriba kosɛbɛ!

Isikiyɛli 16:63

N si wo makoto wola ko-yogomɛ bɛɛ la. Wo yili ti bɔ wola ko-yogomɛ wonu ko, ado wo si miliya wo dɛ tugula wo sɔn-yogomɛ wonu na. Nde, i Tigi Mari kan le kɛ la.’ ”

Isikiyɛli 25:14

Nta Isirɛla mɔgɛnu si anu tayili sara Idɔm kɛnu na n ye. Anu denu si a ma, Idɔm kɛnu ni nna yisi-bɔɛ dan-natenbi lɔn. Idɔm kɛnu si a lɔn n si n tayili sara mɔgɛnu na nya min. Nde, wo Tigi Mari le ya kɛ fɔ.

Luka 19:27

Nba, n yoge kɛnu, a ma di minnu ye ko n ni ma anuna mansɛ la, wo na wonu na yan ka anu faga n yala!’ ”

Luka 2:32

I wara ila waan raka min si a ma, sibolo-gbɛrɛnu ni ila kilɛ yen anubɛ ka gbiliyɛ di ita Isirɛla mɔgɛnu ma!”

Romu 12:19

N diyana-mɔgɛnu, wo kana wotɛ lasɛgi. Wo ni wotɛ to Alla ma, ado a sɛbɛnɛ Allata kitabu rɔ ko, “Mari si wo tayili sara.”

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

Lankɛnimayɛ 15:2

Wo kɔma, n ya fan do bɛyabɛyɛ yen min manɛ iko kɔgɔ-yi. A manunkunɛ iko nyɛrɛ-mafɛlan. A yabasannɛ tɛ la. N ya mɔgɛ donu yen fanan minnu bara nɔlɛ sɔrɔn sogo-feremɛ anubɛ ala muninyɛ ma. Min tɔgɛ yatɛ bɛnnɛ sogo-feremɛ wo mandan ma, anu bara nɔ-ko sɔrɔn wo fanan ma. Anu sɔnɛ fan wo dafɛ min manɛ iko kɔgɔ-yi. Alla ya sɔrɔn minnu di anu ma, wonu bi anu bolo tɔ.

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”

Lankɛnimayɛ 18:2

A gbele-gbelenta kan-ba la ko, “A ara bui! Babilɔn-so-belebele ara bui fogbo! A ara ma nyinɛnu anubɛ nyina-kɔsɔnɛnu barɛ la gbɛ! Koni-yogoma-su bɛɛ anubɛ koni-haramunɛnu denu gbansan ladɛnnɛ a rɔ kaka.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

Lankɛnimayɛ 19:2

A wa kiti tɛgɛ, tonyɛ le. Wo telenta! Ale musu-yɛlɛn-ba-belebele min taranta dugu-kole tinyana ala yɛlɛnyɛ fɛ nun, Alla ara wo tɔrɔ. A ara a tɔrɔ bawo a ya Allata wɔli-kɛlɛnu faga.”

Lankɛnimayɛ 6:10

Anu gbele-gbelenta kan-ba la ko, “Ma Mari Sɛnbɛ Bɛɛ Tigi, sɛninya-tigi anubɛ tonya-tigi le ile la! I si duninya-mɔgɛ bɛɛ kiti ka anu tɔrɔ ma faga-koela ko la tumɛ nyamintan?”