Tɔn-Fɔɛ-Fila-Nyɔgɛ 32:41 - ALLALA KUMƐ

⁴¹ Mari ko a si ata faan dɛ lasa alako telenbagayɛ ni to wole anubɛ wo yogenu tɛma. A si wo tayili sara wo yogenu na ka a yogenu tɔrɔ ale ma di minnu ye.

Tɔn-Fɔɛ-Fila-Nyɔgɛ 32:41 ပူးပေါင်းရင်းမြစ်များ

Yaburi 149:9

Anu ni sibolenu tɔrɔ iko Alla ara a latɛgɛ nya min. Allata mɔgɛnuta nɔlɛ le kɛnu na. Bɛɛ ni Mari tanto.

Yaburi 31:23

Wole Marita lanaya-mɔgɛnu, wo ni Mari keni. Mari si to ata telenbagɛnu natankala kɔnɔ a si mɔgɔ-wasinɛnu tɔrɔ iko a bɛnta, anu ni tɔrɔ nya min.

Yaburi 7:12

Ni mɔgɔ ma fara hakɛ kɛla, ile Alla ye ila faan dɛ lasala wo tigi tɔgɔ rɔ. I ye ila kalɛ rasaganna ka a bɛn wo tigi ma.

Yaburi 7:13

I ye ila kalabɛn birala i kɔɛn la ka tɛ tugu wo sungban la.

Bɔ-Koe-Iyipiti 20:5

wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.

Aiseya 1:24

Woletɔ Isirɛlata Mari Alla Sɛnbɛ-Bɛɛ-Tigi ye nala min fɔla, wo ni wo tole masɔ wo la. A ko a si a tayili sara wo la, wole, a yogenu, kɔni. A ko wo ti nanparan-wo-nanparan di a ma tun!

Aiseya 27:1

Ninkinankɛ min bi kɔgɔ-yi rɔ, hali a ye a mamagala a buri tinɛ, wo wulɔn nyɛrɛ rɔ, Mari si wo tɔrɔ ata faan-damɛ sɛnbɛmɛ la.

Aiseya 59:18

Mari-yogenu bi min mala a la, a si a tayili sara wonu na. Minnu bi a kan ma, a si ata fondo-bɔɛ yira wonu na ka anu tɔrɔ. A si kɔgɔ-yi dafɛ-mɔgɛnu tɔrɔ iko a bɛnta anu ni tɔrɔ nya min.

Aiseya 66:16

Mari si kiti tɛgɛ tɛ la. A si hadama-dan bɛɛ tɔrɔ faan la, ado a ye minnu wara-koe kala-a-la, wonu denu siya.

Aiseya 66:6

Wo ni wo tole masɔ yerelen-kan la Yerusalɛm soe burɔ. Wo ni wo tole masɔ sɔnkɔ-sɔnkɔ-kan la Bato-Bɔn la. Mari le a yogenu tɔrɔ tinɛ wo la. Tɔrɔyɛ min bɛnnɛ anu ma yɔ, a ye wo le sigila anu ma wo la.

Yɛrɛmaya 44:26

Mari ara a keli a nyɛrɛ rɔ ka a tɛgɛ wole, Yuda mɔgɛnu ma minnu bi Iyipiti nyamanɛ rɔ yan. Wo ni wo tole masɔ lanyiri wo la. A ko a ti sɔn wo ni a tɔgɛ rakele lanyiri-kiri-tinɛ. Ka a fɔ ko, “A ye mabɛ ma tigi Alla tɛma,” wo ti ma tun!

Yɛrɛmaya 50:18

Woletɔ Mari Sɛnbɛ-Bɛɛ-Tigi Isirɛlata Alla si Babilɔn mansɛ anubɛ ata nyamanɛ tɔrɔ iko a ya Asiriya mansɛ tɔrɔ nya min.

Yɛrɛmaya 50:28

(Mɔgɛnu buri-kɛ-kan ye bɔla Babilɔn ka na Yerusalɛm. Anu bi ma Mari Alla tayili-sara-nya rakaranna ka a tɛgɛ a Bato-Bɔn tinya-nya ma Babilɔn kɛnu bolo.)

Yɛrɛmaya 50:29

A ko kalabɛn-nakɛlɛnu ni Babilɔn kɛlɛ. Minnu kusan kalabɛnnu nakɛla, anu dama ni ta. Anu ni anu mini anuna so-karantan ma alako mɔgɔ-den-kelen-kunyɛ kana bɔ a rɔ. Anu ni anuna karagbɛlɛyɛ yili sara anu na. Anu ni Babilɔn bira boloko-yogomɛ-kɛ iko anu bara doinu bira nya min, ado Babilɔn taranta anu nyɛrɛ kɔrɔbila ale Isirɛlata Alla-Sɛnimɛ kan ma.

Isikiyɛli 21:20

min si Amonnuna soe Raba yira mansɛ la. Mandan wo si Yuda kɛnuna so-latankanɛ Yerusalɛm yira ale mansɛ fanan na.

Isikiyɛli 25:14

Nta Isirɛla mɔgɛnu si anu tayili sara Idɔm kɛnu na n ye. Anu denu si a ma, Idɔm kɛnu ni nna yisi-bɔɛ dan-natenbi lɔn. Idɔm kɛnu si a lɔn n si n tayili sara mɔgɛnu na nya min. Nde, wo Tigi Mari le ya kɛ fɔ.

Isikiyɛli 32:10

N bi min sigila a ma, wo si sibolo-siyaman maban. N ba nna faan layigi, mansɛnu si to yɛrɛyɛrɛnna kilan bolo. A wa bui lunyɛ min, mansɛ wonu si to buila kumakɔɛ bolo ka a tɛgɛ anu niyila ko ma.

Nehami 1:2

Mari Alla ti sɔn a senɛ ma. Minnu bi a rasɛla, a si wonu tɔrɔ. A fonde bɔnɛ si a tayili sara.

Sɛfanaya 2:12

Mari si a ma, Sudan kɛnu yogenu ni anu halaki.

Yilan-Yilan Koe 10:35

Kɔnɔ ni anu bi tɔn-kenkirɛ bila tuma-wo-tuma ka ta, Musa si a kan mayɛlɛ ka a fɔ ko, “E, Mari, i lakɔɛnma ka i yogenu tanyɛnsɛn ma yarɔ. I ma di mɔgɛ minnu ye, wonu ni anu buri i kɔrɔ.”

Maraka 1:2

A dabirara iko Nɛbi Aiseya ya Allala kumɛ latenbi nya min ko, “Nta kilayɛ le kɛ la, n bi min natala i yarɔ ka kilɛ laka i ye.

Romu 1:30

ka kuma-yogomɛ fɔ anu nyɔgɔn ma. Alla wara-koe gboyanɛ anu ye, ado tagasibɛlɛ le anu na anubɛ mɔgɔ-wasinɛnu anubɛ nyɛrɛ-matɔgɔlɛnu. Anu bi ko-yogoma-kurɛ rabɛnna tuma-wo-tuma. Anu ti anu sɔrɔnnɛnuna kumɛ bira muk!

Romu 8:7

Mɔgɛ min niyi sanɛ hadama-dan diyana-koenu kuma, wo tigi ara ma Alla yoge la bawo a sa Allata tɔn birala, ado a ti ke a birala mumɛ!

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

Tɔn-Fɔɛ-Fila-Nyɔgɛ 5:9

wo si wo nyɛnkin min kɔrɔ ka a bato. Ale le wota Mari Alla la min sa nyinina a senɛ ma. Ni Mari sɔgɔ labɔra bɛsi-kɔlɛ minnu na, a ko a si wonu tɔrɔya, hali anuna dannu anubɛ anu mamanɛnu ha ka ta a sigi anu tolo-birɛnu na anubɛ anu tolo-bira-sɔɛnu. A ko minnu si anu ban a la, a si wonu tɔrɔ.

Tɔn-Fɔɛ-Fila-Nyɔgɛ 7:10

Mari ti foo wo mɔgɛnu na minnu ma la ale la ka anu ban a la.

2 Timoti 3:4

Anu si ma mɔgɔ-bolo-labiralɛnu na anubɛ tengberannu. Anu wasinɛ ha ka a dan natenbi. Anu nyɛrɛ-diyana-koe di anu ye ka tenbi Alla wara-koe la.