Tɔn-Fɔɛ-Fila-Nyɔgɛ 32:30 - ALLALA KUMƐ

³⁰ Nfen ya a to, anu mɔgɔ kelan ya wo mɔgɔ waga kelan gbesi? Nfen ya a to, anu mɔgɔ filɛ ya wo mɔgɔ waga tan gben? Min ya a to, wonu mara bawo wota Fara-Kole Mari ya a bɔ wo fɛ.

Tɔn-Fɔɛ-Fila-Nyɔgɛ 32:30 ပူးပေါင်းရင်းမြစ်များ

1 Mansɛnu 14:16

Mari ko bawo Mansa Yɛrabowami ara mɔgɛnu bɔ ale wara la ka anu nadon hakɛ rɔ, a si a ban Isirɛla mɔgɛnu na.”

2 Mansɛnu 7:5

Wurala-tumɛ kenɛ, anu tara Siriyanuna dagɛ rɔ kɔnɔ anu ma mɔgɔ-wo-mɔgɔ taran nyɔ.

1 Ko-Kɔrɔta-Karan 12:14

Minnu tɔlɔbɔ-tɔlɔbɛ kɛnu tɔ, wonu bɛrɛmɛ le mɔgɔ kɛmɛ la kɛlɛ-kɛ-tinɛ. Minnu tagbɛlɛ anu tɔ, wonu bɛrɛmɛ le mɔgɔ waga kelan la kɛlɛ-kɛ-tinɛ.

2 Ko-Kɔrɔta-Karan 24:24

Hali Siriyanu ma siya, Mari sɔnta ko anu ni Yuda kɛlɛ-den-siyamɛnu nɔ bawo anu bara anu kan-kɔ sɔ anu benbanuta Mari Alla la. Mari ya Mansa Yohasi tɔrɔ nya min, wo le kɛ la.

Yobu 11:10

Ni Alla ya i ladon yele la, a tenbi i kitila, yon si a lakala?

Yobu 16:11

Alla ara n don ko-yogoma-kɛlɛnu bolo. A ara n don karagbɛlɛnu bolo.

Yaburi 31:8

I ma sɔn, n yogenu ni n bira kɔnɔ i ya a ma, n nafɛrɛnɛ tara.

Yaburi 44:12

I ma ila mɔgɛnu dɛ lagbɛlɛya. I ya ma mayira ka ma ma iko fan min dɛ ma gbɛlɛ.

Aiseya 30:17

Wo wa kɛlɛ-den kelen yen, wole mɔgɔ waga kelen si a buri wo kɔrɔ. Kɛlɛ-dan mɔgɔ loli si a ma, wo dama ni a kɔ a rɔ. Wole kɛlɛ-den fenfen ti to nyɔ fɔ wola gbaran min sɔnɛ kɔnkɛ kuma.

Aiseya 50:1

Mari ko i miri ko a ara a ban wole, ata mɔgɛnu na iko mɔgɛ si a ban ala musi la nya min? Ni tonyɛ le wo la, boloka-kɛdi wo ye mintɔ? A ko i miri ko a ara anu mayira iko yɔɔn ka anu ma yili-sarɛ la? Ade, anu hakɛ le ya a ma, Mari ya a ban anu na iko mɔgɛ wa a ban ala musi la. Ni i ya a yen wo mara bawo ile fɔlɔn bara to i kan-kɔ sɔla a la.

Aiseya 52:3

Ma Tigi Mari ko wole, ata mɔgɛnu donta yɔɔnyɛ rɔ tumɛ min, mɔgɔ-wo-mɔgɔ ma sɔn wo sanna wodi la, ado mɔgɔ ti wo kunka fanan wodi la.

Saraka-Masɔlɛnuta Tɔnnu 26:7

Wo si nɔ-ko sɔrɔn wo yoge damasi kuma.

Saraka-Masɔlɛnuta Tɔnnu 26:8

Wole mɔgɔ loli si ke le mɔgɔ kɛmɛ gbesila. Wo mɔgɔ kɛmɛ si ke le mɔgɔ waga tan forondola.

Matiyu 18:25

Min bi a bolo, a ma yili-sarɛ bɔ min kɛ, mansɛ ko ale wo, ala musi wo, ala dannu wo, anu ni anu mayira iko yɔɔnnu ka a bolo-fan bɛɛ mayira alako ala yili si sara nya min.

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

Yasowa 23:10

Hali wole mɔgɔ kelen si ke ka mɔgɔ waga kelen gben bawo wota Mari Alla ye kɛlɛ kɛla wo ye iko a ya lanyiri kiri nya min.

Kɛlɛ-Kurugbɛnu 2:14

Woletɔ Mari fonde bɔra Isirɛla mɔgɛnu kan ma. Mari sɔnta ko kankannu ni bui anu ma. Anu yoge minnu bi anuna foolɛ rɔ, Mari sɔnta ko wonu ni Isirɛlanu nɔ. Wo le ya a ma, Isirɛla mɔgɛnu ma ke anu nyɛrɛma-kɛlɛ kɛla.

Kɛlɛ-Kurugbɛnu 3:8

Wo ya a ma, Mari fonde bɔra anu kuma. A sɔnta ko Mɛsopotemiya nyamani-tigi Kusan-Risatam ni anu nɔ. San segin, a ye anu kun na.

1 Samuwɛli 2:2

“Mɔgɔ-wo-mɔgɔ sɛninyani ma iko Mari, ado a nyɔgɔn sa. Fenfen sa nyɔ min si mɔgɔ matanka iko mata Alla kɛ.