Tɔn-Fɔɛ-Fila-Nyɔgɛ 32:3 - ALLALA KUMƐ

³ N si Mari Alla tɔgɛ tanto. Ata mɔgɛnu si a tanto ata kabana-koela ko la.

Tɔn-Fɔɛ-Fila-Nyɔgɛ 32:3 ပူးပေါင်းရင်းမြစ်များ

1 Ko-Kɔrɔta-Karan 17:19

Ile le wara ban kɛ latɛgɛla. I ko fɔ i wa a ma. Kabana-koe minnu bi kɛla n ye yarɔ, i wara wonu yira n na kaka.

1 Ko-Kɔrɔta-Karan 29:10

Mansa Dawuda ya Mari tanto nyama wo yala nyɔ rɔ. A ya Alla matara, a ko, “Ma benba Yakobata Mari Alla, i ni to tantolɛ sɔrɔnna habadan!

1 Ko-Kɔrɔta-Karan 29:11

E, Mari, i makawara. Sɛnbɛ-tigi anubɛ gbiliya-tigi le ile la. Mansɛ-bɛɛta-mansɛ le ile la. Fan min bɛɛsi ye san-kole anubɛ dugu-kole ma, iletɛ le wonu na. Duninya-bɛɛ-mara-mansɛ le ile la.

1 Ko-Kɔrɔta-Karan 29:13

Woletɔ male ye baraka birala i ye ka tantolɛ di ile mata Alla ma.

Yaburi 150:2

A tanto ka a tɛgɛ ata kabana-koenu ma. A tanto ka a tɛgɛ a makawa-nya ma.

Bɔ-Koe-Iyipiti 20:24

“Ni anu bi saraka-mintan-tinɛ sɔla n ye, anu ni a sɔ bɔnkɛ la. Anu ni anuna sagɛnu anubɛ anuna baanu anubɛ anuna ninkinu ma sarakɛnu na saraka-mintan-tinɛ wo kuma ka saraka-mintantɛnu bɔ nyɔ anubɛ yisi-kima-sarakɛnu. N ba n bato tinɛ yira anu na kan-bo-kan, n si anu taran nyɔ ka duwa anu ye.

Bɔ-Koe-Iyipiti 33:19

Mari ko, “N si a ma, i ni nna gbiliyɛ yen tenbila i yakɔrɔ. N si n sereka-tɔgɛ lawasa i ye bi. Mari le nde la. Minna kinikinɛ wa don n tɔ, n si kinikini wo ma.

Bɔ-Koe-Iyipiti 6:3

Nde, Alla Sɛnbɛ-Bɛɛ-Tigi ara n nyɛrɛ yira Iburayima anubɛ Isiyaka anubɛ Yakoba la kɔnɔ n ma n nyɛrɛ tɔgɛ ratɛgɛ anu ye ka a fɔ ‘MARI,’ n habadan-tɔgɛ wo, kɔni.

Yɛrɛmaya 10:6

Mari, i nyɔgɔn sa. I makawara. I tɔgɛ mankan kolo.

Yɛrɛmaya 23:6

A ko a tenbi nyamanɛ wo kun na, Yuda nyamanita-mɔgɛnu si taran anu diya. Isirɛla nyamanita-mɔgɛnu si taran lafɛrɛ rɔ. Anu si ale kele ko, “Mari Mata Kisila-Latelennɛ.”

Matiyu 1:23

“Sunkurun-nasɔlɔnɛ si buyi bi ka den-kei sɔrɔn. Anu si a tɔgɛ rakele ko Imanuwɛli.” Tɔgɛ wo kɔrɛ le ko, “Alla ye ma fɛ.”

Yɔni 17:26

N bara a ma, anu bara i lɔn. Nba, n si to wo mala dɛɛ! N bi wo mala le alako i wara n keni nya min, keninteyɛ wo ni to anu tɔ. N bi wo mala le alako n si taran anu tɔ.”

Yɔni 17:6

“I ya mɔgɛ minnu di n ma duninya kɛ rɔ, n bara a ma, wonu bara i lɔn. Itɛ le anu na kebi fɔlɔ kɔnɔ i ya anu di nde ma. Anu bara ila kumɛ bira.

Ɛfɛsa 1:19

Wo ni ata sɛnbɛ-waranɛ lɔn min bi wɔlila male dɛnkɛninya-mɔgɛnu tɔ. Sɛnbɛ wo min bi male rɔ,

Tɔn-Fɔɛ-Fila-Nyɔgɛ 3:24

‘Allatala, n ya a lɔn ko i ye ko-nyimɛ minnu kɛla ma ye yarɔma, i wara a fɔlɔtɛ yira n na ita kabana-koe fɛ kaka. Alla-gbɛrɛkɛ sa san-kole anubɛ dugu-kole ma min si ke kabana-koe ladanna iko ile.

Tɔn-Fɔɛ-Fila-Nyɔgɛ 5:24

ka a fɔ n ye ko, ‘Mata Mari Alla ya ata sɛnbɛ anubɛ ata gbiliyɛ yira ma la. Kɔnɔ fɔlɔ nun, ma ya a lɔn ko ni Alla kumara mɔgɛ ye, a si faga. Kɔnɔ kaka, wo ara ma tɛrɛna-koe la ma bolo ka a lɔn ko ni Alla kumara mɔgɛ ye, a si to a niyi la.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.