Tɔn-Fɔɛ-Fila-Nyɔgɛ 32:24 - ALLALA KUMƐ

²⁴ Kɔnkɔ-fitinɛ anubɛ kiraya-yogomɛnu si wo faga. Mari si sogo-feremɛnu nana wo kan ma minnu si wo dɔn. A si duguma-fen-maralamɛnu natuntun wo ma minnu si wo kin.

Tɔn-Fɔɛ-Fila-Nyɔgɛ 32:24 ပူးပေါင်းရင်းမြစ်များ

Ko-Dabirɛnu 3:14

Woletɔ Mari Alla ya a fɔ duguma-fan wo ye ko, “Bawo i wara ko-yogomɛ kɛ min kɛ, i wara ma dankatoe la gbɛ ka tenbi nima-fan bɛɛsi la. I si i sagan i bu-gbole la. I ti fenfen dɔn i siyi-tele-bɛɛ kɔrɔ ni bɔnkɛ sa min ma.

Ko-Dabirɛnu 49:15

Ile Isakari, i bɔnsɔn si na nyamanɛ min sɔrɔn, wo kin. Yanni anu ni foo anuta nyamanɛ wo la, anu si sɔn ka yɔɔnya-wɔlɛ kɛ nyamanɛ wo rɔ.

Yobu 20:16

Karagbɛlɛ wo si min nayigi a burɔ, wo si ma a burɔ iko dawarɛ. Wo si a faga iko duguma-fan wa mɔgɔ kin.

Yaburi 120:4

A ye wo tɔrɔla kɛlɛ-dannu kalabɛn-lasulennɛ anubɛ ta-wɔlɔn le la!

Yaburi 91:6

Hali i ma kilan kirayɛ la min bi i manɛgɛnna suyi rɔ. Hali i ma kilan teleta kasarɛ la.

Aiseya 65:25

Yarɛ anubɛ saga-dan si anu de-nyini kan-tina-kelen. Kuli si to binyɛ dɔnna iko ninki. Duguma-fan ti ko ma mɔgɛ la tun. Mari ko fenfen yogo, wo ti taran ata kɔnkɔ-sɛnimɛ kuma.

Yɛrɛmaya 14:18

Ni n tara soe kɔma, n ti fenfen yen suyi kɔma. Ni n tara soe burɔ, n ti fenfen yen fɔ kɔnkɛla mɔgɔ-lakirayanɛ. A nɛbi wo, a saraka-masɔla wo, anu bara ban tala mɔgɔ filɛ wonu na nyamani-gbɛrɛnu tɔ.

Yɛrɛmaya 15:3

Mari ko a si kasara-su nani natugu wole, Yuda kɛnu kan ma. A ko a si kɛlɛ lana min si wo lato. Wo kɔma, a si wulinu nana minnu si wo furi sagan. Wo kɔma, a si konanu anubɛ firarɔ-sogenu nana minnu si furi wonu tafarafara anu dɔn-tinɛ.

Yɛrɛmaya 16:4

A ko kiraya-fitinɛ si ta anu na. Anu kunyɛ si to kɛlɛ rɔ, ni wo ma, kɔnkɛ si anu firan dugu-kole kuma. Anu dila-wo-dila ti taran, ado anu togonna-wo-togonna ti taran. A ko anu furi-bolokanɛ si taran dugi ma iko ninki-nyɛ. Anu furinu si ma konanu de-nyini-fan la, ni wo ma, firarɔ-sogenu.

Yɛrɛmaya 8:17

Mari ko wo ma a yen? A ye wo yogenu nanala wo kan ma iko duguma-fen-yogomɛnu. Fenfen ti wonu porokɔlɔ wo ma. Fɔ wonu ba wo kin de serr! Mari ara ban wo latɛgɛla.

Nimisa Koe 5:10

Ma fɛrɛ fafanɛ ma ma kɔnkɛ bolo kodokodo, iko biredi bɔ-san tenbi a mintan-tinɛ.

Isikiyɛli 14:15

“Tumado n si sogo-feremɛnu natugu nyamanɛ wo ma ka mɔgɛnu wara-koe ka-a-la. Nyamanɛ wo ma si kilan, mɔgɔ-wo-mɔgɔ ti sisi tala nyɔ.

Isikiyɛli 14:21

Ma Tigi Mari kan le kɛ la ko, “N si nta tɔrɔya-su nanɛ kɛnu nana Yerusalɛm kɛnu ma min tenbira tɔrɔyɛ bɛɛ la, kɛlɛ wo, kɔnkɔ-fitina wo, sogo-feremɛnu wo, anubɛ wuka. Wonu si mɔgɛnu anubɛ sogenu nato dogbe!

Isikiyɛli 5:17

N si kɔnkɛ anubɛ sogo-feremɛnu natuntun wola dannu ma. N si kɛlɛ anubɛ kiraya-fitinɛ lana wo kuma. Nde, Mari kan le kɛ la, yɔ!”

Saraka-Masɔlɛnuta Tɔnnu 26:22

N si sogo-feremɛnu nana wo tɛma. Wonu si to wola dannu fagala. Anu si wola kolo-fannu kasara. N si wo madɔgɔya hali wola kila-kunyɛ na si kolonya fiyon!

Emɔsi 9:3

Ni minnu ya a dogon Kamɛli kɔnkɛ kuma, a ko a si a nyini nyɔ ha a ni wo yen. Hali minnu ya a dogon kɔgɔ-yi-dumɛ rɔ, a ko a si a fɔ ala yi-kɔrɔ-fen-makilanni-bɛ ye ko a ni wo kin.

Maika 7:17

Anu si anu yakɔrɛ sa gbangban rɔ iko duguma-fan si a ma nya min. Duninya si a lɔn worɔ ko sɛnbɛ sa anu na tun! Anu si kanan kan-tinɛ minnu tɔ, anu yɛrɛyɛrɛnmatoe si bɔ nyɔnu tɔ kilan bolo. Anu si dɛgɛ min mata Mari Alla ye.

Habakuku 3:5

I si kiraya-fitinɛ lata i yarɔ. Sayɛ si ile sagaran.

Tɔn-Fɔɛ-Fila-Nyɔgɛ 28:22

Mari si kiraya-yogomɛnu nana wo kuma minnu si wo bara. Yiri-kirayɛ si wo bira. Kimɛ ti bɔ wo la. Banda mumɛ ti na wola nyamanɛ rɔ. Samɛ si ma iko telema-kerekere wo wati rɔ. Taraba-tele si mɛ wo tɔrɔla ha wola sɛnita-fan bɛɛsi ni gbala. Kɔndɔfili kɛ si to wo kuma ha wo damasi ni faga.

Tɔn-Fɔɛ-Fila-Nyɔgɛ 28:48

woletɔ Mari ye wo yogenu natuntunna wo ma. Wo si tɔrɔ anu ye, wo kannu na si gbala, wo si ma kɔnkɔtoenu na, fɛriyɛ si wo bira, wo si to bolo-kolonyɛ rɔ. Mari si a ma, wo yogenu ni yɔlɔkɛnu sɔ wo kannu na. Ha wo si faga, yɔlɔkɛ wo ye wo kannu na.

Tɔn-Fɔɛ-Fila-Nyɔgɛ 28:53

“Anu ba na bui wola soenu ma tumɛ min, dɔn-fannu-sɔrɔn-koe si gbɛlɛya wo kuma ha wota Mari Alla ya dan minnu kerifa wo la, wo si wonu dɔn.