Tɔn-Fɔɛ-Fila-Nyɔgɛ 32:22 - ALLALA KUMƐ

²² Marita diminyɛ si ma iko tɛ wa bin-gbalɛ bira ka mintannɛ kɛ dugi kɔrɔ ha ka ta ke lakira ma. Ata diminyɛ si ki-fannu anubɛ dugu-kole mintan gburr! A si kɔnkɛnu sule mintan.

Tɔn-Fɔɛ-Fila-Nyɔgɛ 32:22 ပူးပေါင်းရင်းမြစ်များ

Yaburi 144:5

E, Mari, i ni san-kole fara ka yigi n dafɛ yan, ado i kɔɛn wa tugu kɔnkɛ min na, wo si a sisi labɔ.

Yaburi 21:9

Mansɛ yisi wa bɔ, a si a yogenu kasara iko tɛ wa nɔrɔn bira. Mari si anu ban ala fondo-bɔɛ la. Ata tɛ si anu mintan gburr!

Yaburi 46:2

Hali duninya mumɛ bɛɛ ramagara, ma ti kilan. Hali kɔnkɛ bɛɛ buira kɔgɔ-yi-dumɛ rɔ, ma ti kilan.

Yaburi 83:14

Iko fira-mintan-tɛ si firɛ bunden nya min kɔnkɛnu ma,

Yaburi 86:13

Ila keninteya-dannatɛgɛbɛlɛ kolo n ye. I wara n nakanan lakira-masibɛ ma.

Yaburi 97:3

Tɛ ye tala a yarɔ ka a yogenu mintan kan tinɛ bɛɛ rɔ.

Aiseya 24:6

Woletɔ Alla ara dugi danka ka mɔgɛnu sara anuta ko-yogomɛla ko la. Minnu bara to anu niyi la, donu bi tola bɔla wonu na.

Aiseya 30:33

Mari ara ta-bondɔn ladan Asiriya mansɛ ye, bi ko ma, a si mintan kan min gburr! Nyɔ rayan, a kolo, a lafanɛ sɔgɛ la pim. Mari si tɛ lafɛ alako tɛ ni bira ale mansɛ la kiribo!

Aiseya 54:10

A ko hali kɔnkɛ bɛɛ mara gbangban la, ata kinikinɛ ti ban i wara la. A ara lanyiri min kiri yisi-kimɛla ko rɔ, a ko wo ti tinya mumɛ! Wo kenite Mari kan le kɛ la.

Yɛrɛmaya 15:14

A ko a si wo don yɔɔnyɛ rɔ wo yogenu bolo. Anu si ta wo la nyamani-gbɛrɛ rɔ, wo ma min lɔn kɔrɔma la. A ko a fonde kaliyanɛ iko ta-belebele-wɛ. A si wo dama mintan gburr!

Yɛrɛmaya 17:4

A ko a ara nyamanɛ min di wo ma, wo si foo wo la, ado wo gbɛ le wo la. A ko a si a ma, wo yogenu ni wo ma yɔɔn la. Wo si taran yɔɔnyɛ wo rɔ nyamanɛ do rɔ wo ma min lɔn mumɛ! Ni wo ara a yen wo ye mala, wo mara bawo a fonde kaliyanɛ iko tɛ min si to mintanna kudai!

Yɛrɛmaya 4:4

Wo ni wo nyɛrɛ dantɛgɛ Marita wɔlɛ ma. Wo ni ala kumɛ bira wo yisi bɛɛ la. Wole Yerusalɛm kɛnu anubɛ Yuda nyamanta-mɔgɛ bɛɛ, Mari ko wo ni kɛnu ma. A ko ni wo tantanta kɛ do ma, a si wo halaki ata fondo-bɔɛ la min manɛ iko tɛ, ado mɔgɔ ti ke tɛ wo ladufenna ka a tɛgɛ wo sɔn-yogomɛla ko ma.

Nimisa Koe 2:2

N Tigi Mari ma kinikini so-mɛsɛ fenfen ma Yuda nyamanɛ rɔ. A ara anu bɛɛ halaki pɔ! So-latankanɛ min bɛɛ ye Yuda nyamanɛ lakanan-koe la, a ara wo bɛɛ labui fugbu! A ya nyamanɛ anubɛ a mɔgɔ-banu fɛrɛn dugi la yarabiyi bolo.

Nimisa Koe 2:3

Mari ya Isirɛla fanka ratii ala diminyɛ bolo mɛmɛ! Ma yogenu nanɛ, a ma sɔn ma dɛnbɛn-koe ma mumɛ! Ala diminyɛ ya male Isirɛla mɔgɛnu ban iko ta-belebele si ala foolarɔ-fannu ban nya min.

Nimisa Koe 2:4

Mari ara ala kalabɛn rasagan ma kan ma iko a yoge le ma la. A ya mala mɔgɔ-hakikɛ bɛɛ faga. A ara ala diminyɛ rawuya Yerusalɛm soe ma iko tɛ.

Nimisa Koe 4:11

Mari ya ata diminyɛ bɛɛ labɔ ma kan ma. A ya tɛ tugu Yerusalɛm soe la ka a mintan gburr!

Isikiyɛli 19:12

Kɔnɔ yisi-bɔɛ le ya a ma, anu ya a wurun ka a gbesi dugu la. Fɔn-kalamɛ ya a gbɔɛnu gbala ha a bolɔnnu kara a ma. Minnu gbalata, tɛ ya wonu mintan.

Isikiyɛli 22:21

Tonyɛ le, n si anu damasi ladɛn Yerusalɛm ka tɛ sigi anu kɔrɔ ka anu nalee nna diminya-wɛ la.

Isikiyɛli 36:5

Nde, anu Tigi Mari ara sibolo-gbɛrɛnu makuma n sɛbɛ-kuna-wɛ la, katarala Idɔm ma. Anu buira nna kolo-fannu de-nyini-tinɛnu ma ka wonu bi nna mɔgɛnu bolo bɔrɔbɔnteyɛ anubɛ sewɛ la.

Isikiyɛli 38:19

A wa diminya-belebele-wɛ kɛ, a si a ma, dugi ni yɛrɛyɛrɛn Isirɛla nyamanɛ rɔ wo tele nyɛrɛ ma.

Saraka-Masɔlɛnuta Tɔnnu 26:20

Wo ye wɔli-gbɛlɛmɛ minnu kɛla, fenfen ti bɔ wonu tɔ bawo wola fui-fannu anubɛ ki-fen-gbɔɛnu ti sabati dugi rɔ.

Emɔsi 5:6

Yanni wo ni wo damasi ma, wo ni wo gbɛrɛn Mari ma. A si wo kisi. Ni wo ma sɛgi Mari ma, a si yigi wo kuma iko tɛ. Tɛ wo si Bɛtɛli mintan. Mɔgɔ-wo-mɔgɔ ti ke tɛ wo ladufenna.

Emɔsi 7:4

Wo kɔma, Mari ya ko-rayirɛ do kɛ n ye tun. N ya a yen, Alla ya tɛ rabɛn ala mɔgɛnu halaki-koe la. Tɛ wo ya yinu gbala duninya bɛɛ rɔ. Wo kɔma, tɛ ya a ya-lamunun dugu-kole la.

Maika 1:4

Kɔnkɛnu si lee a tontɛ kɔrɔ iko mɔgɔ wa kɛɛn sa tɛ rɔ. Kɔnkɔ-leenɛ wonu si to yigila folo-wɛnu tɔ iko gboron-gboronna-yi.”

Habakuku 3:10

Kɔnkɛnu bara i yen tumɛ min, anu tora yɛrɛyɛrɛnna. San-kole ya a dɛ bɔ banda-yi kɔrɔ. Yi min bi dugu kɔrɔ, wo ya dugi punsɔgɔ kurɔn bolo. A tora tugula a rɔ.

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Sɛfanaya 3:8

Kɔnɔ Mari ko wo ni a makɔnɔ tun! Lunyɛ do, fɔ a wa sibole bɛɛ kiti. Mari ko a ara ban a latɛgɛla ko a si sibole bɛɛsi ladɛn alako anu ni ata diminyɛ-sɛnbɛ lɔn. A ko ata diminyɛ wo si ma tɛ la min si duninya mumɛ halaki.

Yilan-Yilan Koe 16:35

Wo kɔma, Mari ya tɛ layigi mɔgɔ kɛmɛ fila, mɔgɔ bi-loli kuma minnu nara isɛnti la. Tɛ wo ya anu damasi mintan gburr!

Matiyu 10:28

Minnu si ke fɛrɛ-bɔnkɛ fagala kɔnɔ a ti ke niyi fagala, wo kana kilan wonu na. Wo ni kilan Alla la bawo wo si ke niyi anubɛ fɛrɛ-bɔnkɛ le kɛla nyahanama rɔ nya-kun-kelen.

Matiyu 18:9

Nba, ni i yɛ ya a ma, i ni hakɛ kɛ, a bɔ a rɔ ka a lakɛ a rɔ! A fisa, ni i bɔnɔta i ya-kelan rɔ ka ta nimayɛ rɔ wo nya, yanni i fɛrɛ bɛɛ la ni don habadan-tɛ rɔ.

Matiyu 23:33

Wo sɔn yogo iko duguma-fannu anubɛ duguma-fen-dannu! Wo si kisi nyahanama ma kama?

Tɔn-Fɔɛ-Fila-Nyɔgɛ 29:20

Mari ti mɔgɔ-sufa wo to nyɔ rɔ. Wo si a ma, Mari fonde si bɔ ka sisi lugbu-lugbu! Tɔrɔyɛ min bɛɛsi sɛbɛnɛ kitabu kɛ rɔ, wonu si sigi ale mɔgɛ wo kuma ha Mari si a kasara pɔɔ!

2 Tɛsalonaika 1:8

ta-mɛlan la. A si Alla-lɔnbɛlɛnu tɔrɔ anubɛ minnu ma sɔn ma Mari Yisa, Allata-Mɔgɔ-Yabɔnɛta kibara-nyimɛ bira-koe ma.

Hiburunu 12:29

ado mata Alla mani de iko tɛ min si fan bɛɛ mintan gburr!