Tɔn-Fɔɛ-Fila-Nyɔgɛ 32:21 - ALLALA KUMƐ

²¹ Wo ara a ma, Mari fonde ara bɔ wola bɛsi-kɔ-koenu tɔ. Wo ara a ma, Mari ye wo makeliyala bawo wo ye bɛsɛnu kelela ko alla, ado Alla ma wonu na hali! Wo ye yɛlɛnna sibole minnu ma, Mari si wonu bi ka anu ma wole lamɔniya-fan la. Wo tɛgɛnɛ mɔgɛ minnu tɔ, wonuna keliyɛ si wuli wo fanannu na.

Tɔn-Fɔɛ-Fila-Nyɔgɛ 32:21 ပူးပေါင်းရင်းမြစ်များ

1 Mansɛnu 14:22

Yuda mɔgɛnu ya hakɛ kɛ Mari la. Anu tora ko-yogoma-siyaman mala ka tenbi anu benbanu na alako Mari fonde ni bɔ.

1 Mansɛnu 14:9

Ta a fɔ a ye ko ale ara hakɛ min nyɔgɔn kɛ, hali a ya min taran a yarɔ, wonu ma wo nyɔgɔn kɛ. A fɔ a ye ko a ara a ban ale Mari la. Mari ko bawo a ara sɛnɛ lalee ka bɛsɛ donu nadan mɔgɛnu bi minnu kɔla, wo ara a ma, Mari ara diminya a ma.

1 Mansɛnu 16:13

Mari diminyara Mansa Beyasa anubɛ ala den Mansa Ila ma bawo anu bara bɛsɛ kɔ ka Isirɛla mɔgɛnu nadon hakɛ rɔ fanan.

1 Mansɛnu 16:26

A ara Isirɛlata Mari Alla ladiminya bawo a ara hakɛ kɛ ka Isirɛla mɔgɛnu nadon hakɛ rɔ katarala bɛsi-kɔ-koe ma iko Mansa Yɛrabowami ya a ma nya min nun.

2 Mansɛnu 17:11

Anu tora isɛnti mintanna Alla-batobɛlɛnuna kan-tina-mayɛlɛnɛnu tɔ iko Mari ya mɔgɛ minnu gben anu yarɔ, wonu ya a ma nya min. Anu ya a ma, Mari fonde bɔra anu kuma anuna ko-yogomɛ wonuna ko la.

2 Mansɛnu 17:15

Mari ko anu ma sɔn ata sereyanu birala. Anubɛ anu benbanu sarata min na, anu ma sɔn wo birala. A ko a ya anu makawandi minnu ma, anu ma sɔn anu tole masɔla wonu na. Anu ya bɛsi-fufafuyinu kɔ ka anu nyɛrɛ ma mɔgɔ-fufafuyinu na. Mari ya a fɔ anu ye nun ko anu kana anu dan-masa-nyɔgɛnuna namunu bi kɔnɔ anu ya wonuna namunyɛnu bi.

2 Mansɛnu 21:6

A ya ala den-kei ma saraka-mintantɛ la, ado a bolo-tafɛlɛn wo, a duruya wo, a yi-kɔrɔ-fɛlɛn wo, a ya wo dama ma. Hali nyina-kɔlɛnu, a tara ke wonu fanan ma. A ya hakɛ min kɛ Mari la, wo da rakoloyara. Wo le ya a ma, Mari fonde bɔra a kuma.

2 Mansɛnu 22:17

Yerusalɛm kɛnu ya anu ban ale Mari la ka sarakɛ bɔ anubɛ ka isɛnti mintan anuna bɛsɛnu ye. Woletɔ Mari fonde ara bɔ. A ko fenfen sa nyɔ min si ala fondo-bɔɛ makimɛ.

Yaburi 31:6

Minnu bi bɛsɛnu kɔla, wonu gbo n ye kosɛbɛ! Nde lanɛ ile Mari le la.

Yaburi 78:58

Anu ya Alla-lɔnbɛlɛnuna bɛsi-kɔ-tinɛnu ma anuna batoli-kɛ-tinɛnu na min kɛ, Mari kɔrɔtɔra anu ma kan-tina-mayɛlɛnɛ wonuna ko la. Anu ya a ma, a diminyara bɛsɛ wonuna ko la.

Aiseya 65:3

A ko anu bi anu tuila ka ko-latinyanɛnu nadan iko a ya sa anu na. Anu bi sarakɛnu bɔla anuna bɛsɛnu ye anuna kan-tina-hakikɛnu tɔ. Anu bi isɛnti mintanna kan-tina-hakikɛ rɔ.

Yɛrɛmaya 10:8

Hɛnkilimɛ wonu hɛnkili sa, ado kuntan le anu na. Anuna hɛnkilimayɛ wonu bɔnɛ anuna bɛsi-fuyi wonu denu tɔ.

Yɛrɛmaya 14:22

Sibolo-gbɛrɛnuta bɛsɛnu si ke bandɛ lanala le, wa? San-kole si ke bandɛ lanala a nyɛrɛ ma, wa? Ade fɔ ile mata Mari Alla kelan min si wo ma. Ma yili-madiyanɛ ile kelen pe le ma. Ile le kelen pe si ko sufa kɛnu ma.

Yɛrɛmaya 18:15

Kɔnɔ a ko wole, ala mɔgɛnu bara nyina a ko. Wo ye sarakɛnu bɔla bɛsi-fuyinu ye. Wo ara sama kilɛ ma. Wo ara sama ka wo benbanuna kila-kɔrɛnu bi. Wo ye bɔla kila-nɛnu fɛ ka kila-wɛnu to.

Yɛrɛmaya 5:7

Mari ko nde ni ma makoto-kunya fɔ a ye bawo wole, ata mɔgɛnuna ko sa ala ko rɔ tun. Wo dama ara wo gboro bɛsɛnu tɔ Alla ma minnu na. Alla ko a ye wo hayu bɛɛ kasala kɔnɔ hali wo, wo telenni ma a ye. Wo kɛnɛ wo nyɔgɔn kɔma yɛlɛnnuna bɔn la.

Yɛrɛmaya 7:18

A ko n ni n yɛ lata wole, Yuda kɛnu kɛ-nya ma. Wola dannu tenbi nala sɔgɛ la, anu fanu bi tɛ ladɛnna wo la. Anu nanu bi dɛgɛ mintanna ka wo di bɛsɛ wo ma min tɔgɛ Arinyɛnɛ Musu-Mansɛ. Wo kɔma, anu bi minni-sarakɛnu bɔla bɛsɛ doinu ye. A ko wo ye wo damasi mala alako a fonde ni bɔ.

Yɛrɛmaya 8:19

I wɔlɔ matɔlɔ nna mɔgɛnu di-kɛ-kan la wula-yan la. Anu bi a fɔla ko, “Ha bi, Mari sa Yerusalɛm, ba? Ha bi, Yerusalɛm mansɛ sa nyɔ, wa?” Kɔnɔ Alla ya nde, Yɛrɛmaya manyinika ni wole, ala mɔgɛ kɛnu bi bɛsɛnu kɔla min na ka a ladiminya. A ko sibolo-gbɛrɛnuna bɛsi-fufafuyi le wonu na.

Isikiyɛli 8:3

A ya fan do lana n bara la min manɛ iko bole. Wo ya n bira n kun-sigi ma. Nna ko-rayirɛ kɛ rɔ, Allata Sɛnbɛ ya n nayɛlɛ san ma ka ta n na Bato-Bɔn mafɛlɛn-tinɛ Yerusalɛm soe burɔ. A ya n nadon Bato-Bon-kata kantɛ-don-dɛ la, bɛsɛ sɔnɛ kan min, ado wo wara-koe gbo Alla ye.

Hoseya 1:10

Hali wo, Isirɛla mɔgɛnu si na siyaya iko ba-kɛnkɛn. Mɔgɔ ti ke anu danna siyayɛ bolo. Kaka, Alla ye a fɔla anu ma ko ata mɔgɔ ma Isirɛla mɔgɛnu na kɔnɔ yarɔma, a si na a fɔ anu ma ko ale Alla-nimɛta dan le anu na.

Yona 2:8

Minnuna ko sa i wara-koe rɔ tun, wonu denu bi bɛsi-fufafuyinu kɔla.

Kɛwɔlɛnu 11:15

Nba, n wulita kumala tumɛ min, Allata Ni-Sɛnimɛ yigira anu fanan kuma iko a yigira male kuma nya min fɔlɔ-nun.

Kɛwɔlɛnu 14:15

“N fanu, wo ye kɛ mala nfenna? Wo hadama-den-nyɔgɛnu de male la! Ma ye yan ka kibara-nyimɛ lake wo ma. Wo ni bɔ ko-fuyi kɛnu tɔ ka wo yɛ lamunun Alla nimɛ ma min ya san-kole anubɛ dugu-kole anubɛ kɔgɔ-yi dan anubɛ fan min bɛɛ ye wonu tɔ.

Romu 10:19

N ni nyinikalɛ kɛ tun ko Isirɛla mɔgɛnu ma kɛ nya-yen, ba? Anu bara a nya-yen, bi ma. Nɛbi Musa fɔlɔn ya a yabi ko, “Wo ye yɛlɛnna sibole minnu ma, Mari si wonu bi ka anu ma wo lamɔniya-fan la. Wo tɛgɛnɛ mɔgɛ minnu tɔ, wonuna keliyɛ si wuli wo fanan na.”

Romu 9:25

A sɛbɛnɛ Nɛbi Hoseyata kitabu rɔ ko, “Nta mɔgɔ ma minnu na nun, n si a fɔ wonu ma ko, ‘Nta mɔgɛnu.’ Sibole min ma di n ye nun, n si wonu kele ko, ‘N diyana-mɔgɛnu.’

1 Kɔrɛnti 10:22

Ka, a di ma ye, keliyɛ ni don Mari rɔ, wa? Ma miriya ko ma sɛnbɛ kolo atɛ ko woletɔ a ti ma tɔrɔ, wa?

Tɔn-Fɔɛ-Fila-Nyɔgɛ 32:16

Wola bɛsi-kɔ-koenu bi a mala, Mari ye wo makeliyala. Wo ye Mari gboyana-koenu nadanna woletɔ a ara kɔrɔtɔ wo ma.

Tɔn-Fɔɛ-Fila-Nyɔgɛ 32:17

Wo ye sarakɛnu bɔla bɛsɛnu ye Alla bɛrɛ ma minnu na, hali wo benbanu ma minnu lɔn, hali wole Isirɛla mɔgɛnu ma wɔli minnu ye kɔrɔma la.

1 Samuwɛli 12:21

Wo kana wo nyɛrɛ don bɛsi-kɔ-koenu tɔ. Wonu ti ke wo dɛnbɛna, hali ka wo lakisi bawo tonya sa anu bara-koe rɔ.