Tɔn-Fɔɛ-Fila-Nyɔgɛ 32:14 - ALLALA KUMƐ

¹⁴ Wo ya nono-siyaman sɔrɔn wola ninkinu anubɛ wola baanu tɔ. Wola kolo-fannu tɔlɔta ka kɛɛnya. Wola dɛgɛ-munkenu kin kati! Wola baan-yinu tuninyanɛ.

Tɔn-Fɔɛ-Fila-Nyɔgɛ 32:14 ပူးပေါင်းရင်းမြစ်များ

Ko-Dabirɛnu 18:8

Iburayima ya kɛkɛ wo bi anubɛ ninki-tuli anubɛ nonɛ ka ta sundan wonu fanda wo la. Wo tumɛ anu bi fen-dɔn la, a sɔra anu dafɛ kɔlɔma kɔrɔ.

Ko-Dabirɛnu 49:11

Mansɛ wo ti kilan ala sofɛlɛ kirila nɔnbɔ-kurinu tɛma nɔnbɔ-gbɔɛnu siya kan min! A si ala kurɛnu ku nɔnbɔ-gbɔ-yi wo la siyayɛ bolo.

Nihɛmaya 9:25

Anuna so-latankanɛ wo, anuna wɔli-kɛ-tina-nyimɛnu wo, fen-kolomɛnu bi bɔn minnu na wo, yi lamara tinɛ minnu sinnɛ nun wo, anubɛ ki-fen-su bɛɛ, anu ya wo bɛɛ bi anu bolo. Anu ya anu de-nyini ha anu kunbayara pɔti! I ya fen-nyimɛ min bɛɛ di anu ma nun, wo ya a diya don anu tɔ.”

Nihɛmaya 9:26

“Kɔnɔ ita mɔgɛnu murutiyara i ma ka i kan bɔ a gbɛ rɔ. Anu ya anu kan-kɔ sɔ ila tɔn la. Nɛbi minnu ya anu makawandi, anu ya wonu faga bawo wonu bi anu makawandila ko anu ni sɛgi i ma. Tuma-wo-tuma, i lafɛyanɛ anu bolo.

Yobu 20:17

A ti ala nɔnfulu-ladɛnnɛ diya bɔ. Wo ti ma a bolo iko liyi anubɛ fɛnɛ.

Yobu 29:6

Wo wati rɔ, n bi nonɛ bɔla nna ninkinu anubɛ nna baanu tɔ. Hali kurinu siya kan min, nna ki-fannu si nanfa nyɔ kubukubu!

Yaburi 147:14

Dan minnu bi ila nyamanɛla foolɛ rɔ, a si wo kandan i ye ka i hɛnɛ dɔn-fen-hakikɛnu na.

Yaburi 22:12

N yogenu bara a mini n ma iko mɔgɛ tenbi sɔni Basan tura-feremɛnu tɛma.

Yaburi 81:16

N si wo de-nyini fui-fen-hakikɛ la. N si faratɔ-liyi di wo ma, min si wo wasa.”

Aiseya 7:15

Yanni a hɛnkili la ni kiri, a ye fɛnɛ anubɛ liyi dɔnna tumɛ min,

Aiseya 7:22

wonu si nonɛ min nabɔ, wo si a makoe bɛɛ nyinya nonɛ wo rɔ, ado a mɔgɛ toe min tonɛ nyamanɛ rɔ, wonu si to fɛnɛ anubɛ liyi dɔnna.

Isikiyɛli 39:18

Anu si kɛlɛ-dannu anubɛ duninya kun-tiginu suyi dɔn ka anu yele min iko saga-yigi min bi sarakayɛ la, ni wo ma, saga-dan, ni wo ma, baa, ni wo fanan ma, ninki-tɛgan.

Hoseya 11:4

N ya wo madon n na kinikinɛ anubɛ keninteyɛ la ka wo sigi n kian kuma ka wo mayɛgɛyɛgɛ. N ya n mayigi wo ye ka wo de-nyini.

Emɔsi 4:1

Wole Samariya musu-ba-kunbanu Basan nyamanɛ rɔ, wo kunbayanɛ iko bɔrɔkɛ. Wo ni wo tole masɔ. Wo sa fɛlɛtenɛnu anubɛ bolo-kolɔnnu birala a kin na! Wo ye wola keinu fɔrɔsɛla alako anu ni to nala baan la wo ye tuma-wo-tuma.

Maika 7:14

I yandi Mari, i ni ma ila mɔgɔ-yabɔnɛ kɛnu ye iko saga-fɛ-biralɛ. Ma ye dugi min tɔ kaka, dugu-hakika ma wo la. I yandi Mari, a ma, ma ni ta ma sigi Basan nyamani-hakikɛ rɔ anubɛ Kaliyadi nyamanɛ iko ma benbanu ya a ma nya min wati-tenbinɛ.

Yilan-Yilan Koe 18:12

“Isirɛla mɔgɛnu ba na dɔntɛ kɔ-fan kun-fɔlɛ min na nde ye, wo si ma woletɛ la san-bo-san, a mara ɔlifi-tuli la wo, a mara nɔnbɔ-gbɔ-yi la wo, a mara nyɔɛ la wo. Minnu sɛninyanɛ iko tɔn ya a fɔ nya min, wonu denu dɔrɔn si a dɔn.”

Tɔn-Fɔɛ-Fila-Nyɔgɛ 28:47

Wo ma sɔn Mari sako-kɛ-koe ma wo yisi-sewanɛ la wo tumɛ wo ye wo diya,

Lankɛnimayɛ 14:20

Anu ya nɔnbɔ-gbɔɛ radɔn soe kɔma. Yele bɔra nɔnbɔ-gbɔɛ radɔn tinɛ wo rɔ. A fara ka yɛlɛ iko bɛ. Ala yanyɛ si mɛli kɛmɛ fila bɔ. A rayanyɛ si nunkan-nya nani bɔ.

Kɛlɛ-Kurugbɛnu 5:25

Sisara ya yi tara ale le ma, a ya fɛnɛ di a ma miran-nyimɛ rɔ.