Tɔn-Fɔɛ-Fila-Nyɔgɛ 32:13 - ALLALA KUMƐ

¹³ “A ya a ma, wo taranta wo diya kɔnkɔ-layan-bɛnu kuma lanyiri-nyamanɛ rɔ. Wo ya fen siyaman sɔrɔn wola sɛnɛnu tɔ. Wo ya liyi taran faran-woenu na. Wola ki-fannu mara-a-la hali wɔsɔkɔrɔ-duginu tɔ.

Tɔn-Fɔɛ-Fila-Nyɔgɛ 32:13 ပူးပေါင်းရင်းမြစ်များ

2 Samuwɛli 22:34

Ale le si a ma, n kian ra ni tɛgɛ dugi ma iko mina. Hali n bi kɔnkɛnu tɛma, a ya n sɔ-bole rabɛn.

Yobu 20:17

A ti ala nɔnfulu-ladɛnnɛ diya bɔ. Wo ti ma a bolo iko liyi anubɛ fɛnɛ.

Yobu 29:6

Wo wati rɔ, n bi nonɛ bɔla nna ninkinu anubɛ nna baanu tɔ. Hali kurinu siya kan min, nna ki-fannu si nanfa nyɔ kubukubu!

Yaburi 18:33

Ale si a ma, n kian ra ni tɛgɛ dugi ma iko mina. Hali n bi kɔnkɛnu tɛma, a si n sɔ-bole rabɛn.

Yaburi 81:16

N si wo de-nyini fui-fen-hakikɛ la. N si faratɔ-liyi di wo ma, min si wo wasa.”

Aiseya 48:21

Mari ye wole, ala mɔgɛnu natenbila wula-da-rakolɔn rɔ tumɛ min, anu kan na ma gbala mumɛ! A ya yi latugu farɛ rɔ wo ye. A ya farɛ ratii nya min wo, yi tugura a rɔ le.

Isikiyɛli 16:13

I makirinɛ sɛnɛ anubɛ wodi-gbɛ la. I ya linɛn-kura-bonnɛ anubɛ kura-da-gbɛlɛ do don. I wara biredi don min nadannɛ dɛgɛ-munku-hakikɛ anubɛ liyi anubɛ tulu-hakikɛ la. Ila kinyɛ bɔra gbɛ ma. I mara musu-mansɛ la.

Isikiyɛli 21:17

Nde fanan ba n bole rafɔ, nna yisi-bɔɛ si ban. Nde, Mari kan le kɛ la.”

Isikiyɛli 36:2

anu Tigi Marita sarakanɛ la. Isirɛla yogenu bi anu nyɛrɛ matɔgɔla ko anutɛ le Isirɛla kɔnkɛnu na.

Hoseya 13:6

Wo kenɛ nyamani-hakikɛ kɛ rɔ, wo makoe bɛɛ nyinyara ha wo wasara. Wo kɔma, wo wasira ka nyina nde, Mari ko.

Tɔn-Fɔɛ-Fila-Nyɔgɛ 28:47

Wo ma sɔn Mari sako-kɛ-koe ma wo yisi-sewanɛ la wo tumɛ wo ye wo diya,

Tɔn-Fɔɛ-Fila-Nyɔgɛ 33:26

“Alla dogbɛrɛ sa nyɔ min manɛ iko male Isirɛla mɔgɛnuta Alla, ale min bi tagamana san-kole rɔ, kɔni. Ale le ye bɔla banda-finyɛ rɔ ka wo dɛnbɛ.

Tɔn-Fɔɛ-Fila-Nyɔgɛ 33:29

Wole Isirɛla mɔgɛnu, duwa-dan le wole la. Sibolo-gbɛrɛkɛ sa minnu bi iko wole bawo Alla ya wole kisi. Wo kandan-fan le Mari la anubɛ wola kɛlɛ-kɛ-faan. A ye wo tankala ka nɔlɛ di wo ma. Wo yogenu si kilan wo la ka dɛgɛ min wo ye. Wo si anuna bɛsɛ kɔ tinɛnu tinya.”

Tɔn-Fɔɛ-Fila-Nyɔgɛ 8:15

A sɔra wo yarɔ wula-da-rakolɔn rɔ min makilannɛ, duguma-fen-yogomɛnu anubɛ bondalɛnu bi kan min. Wo tumɛ wo ye tagamana wulɛ wo rɔ yi sa kan min, Mari ya yi labɔ farɛ rɔ nyɔ wo ye.

Tɔn-Fɔɛ-Fila-Nyɔgɛ 8:8

Ki-fen anubɛ fui-fen-su bɛɛ ye nyɔ anubɛ liyi.