Tɔn-Fɔɛ-Fila-Nyɔgɛ 32:10 - ALLALA KUMƐ

¹⁰ “Mari ya wo benbanu taran yilan-yilanna wula-da-rakolɔn le tɔ min ma kin. A ya wo fɛ-bira ka wo matanka iko a niyi.

Tɔn-Fɔɛ-Fila-Nyɔgɛ 32:10 ပူးပေါင်းရင်းမြစ်များ

Ɛsita 6:13

A tara a dantɛgɛ ala musi anubɛ a diyana-mɔgɛnu ye. Ala musi anubɛ a diyana-mɔgɛnu ya a fɔ a ye ko, “I wara fɔlɔla foola Mɔdekɛyai kɛ la le kɛ la, ado Yahudiya le ale la. I don ti a nɔ mumɛ!”

Yaburi 107:40

Alla ma mɔgɔ-tɔrɔlɛ wonu lɔn fenfen na. A ya a ma, wonu tora yilan-yilanna wulɛ rɔ kila sa kan min.

Yaburi 17:8

A ma, n ni to tankɛ rɔ iko mɔgɛ si a yɛ matanka nya min. N sigi i kanban kɔrɔ

Hɛnkilimaya-Kumɛnu 7:2

Ni i ya a ma iko n bara a fɔ i ye nya min, i siyi-fɛ si yanya. I ni a ma i fɛrɛma. I ni nna kumɛnu bira iko i si i yɛ fɛ-bira nya min.

Keninteya-Siginu 8:5

Yonnu bi nala wo la ka bɔ wulɛ rɔ musi gbɔnkunnɛ a rɔ? N ya a ma, n sɔgɛ ya i bira kɔn-gbɔ-kuri kɔrɔ, i na ya a nyɛrɛ-masɔrɔn i la kan min nun.

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Yɛrɛmaya 13:11

Iko kufama gbɛrɛnnɛ mɔgɛ ma nya min, Mari ko a ye a fɛ nun wole, Isirɛla mɔgɛnu anubɛ Yuda mɔgɛnu ni wo gbɛrɛn a ma wo nya na le. A ko a ya wo ma le alako wo ni ma a halalɛ la. Mankan wo, gbiliyɛ wo, matɔgɛ wo, anu si a ma, ale Mari ni wo bɛɛ sɔrɔn mɔgɛnu bolo. Kɔnɔ a ko wole, ata mɔgɛnu ma sɔn wo tole masɔla a la.

Yɛrɛmaya 2:17

A ko wo nyɛrɛ gbɛ le wo la, yɔ! Wo mara bawo wo ara wo kan-kɔ sɔ ale wota Mari Alla la wo tumɛ a sɔnɛ wo yarɔ wulɛ rɔ.

Yɛrɛmaya 2:6

Hali a ya anu kunyɛ bɔ gbaran rɔ Iyipiti nyamanɛ rɔ ka wulɛ ratɛgɛ kasan, wo benbanu ma ale Mari tɔgɛ rakele mumɛ! A bɔra anu na kuru-gbɔgɔsa-gbagasa-nyamanɛ rɔ min tagbalanɛ todo! A bɔra anu na setani-nyamanɛ rɔ min tapinpinɛ. A tenbira anu na kan do mɔgɔ ti tagama kan min, ado mɔgɔ ti sigi nyɔ. Kɔnɔ wo bɛɛ rɔ, anu ma ale Mari tɔgɔ rakele muk!

Isikiyɛli 16:5

Ile Yerusalɛm mani de nun iko den-sufa wo. Wo tumɛ i datɛgɛ san, mɔgɔ ma kinikini i ma ka ko-sufa kɛ do ma i ye. I datɛgɛ san, i ma di mɔgɔ-wo-mɔgɔ ye. I mani de nun iko anu ba den-kurɛ lakɛ a rɔ binyɛ rɔ.

Isikiyɛli 20:36

N si anu tɔrɔ iko n ya anu benbanutɛ ma nya min Sinayi wulɛ rɔ. Nde, wo Tigi Mari kan le kɛ la.

Hoseya 11:3

Hali wo, nde ya wole, Isirɛla mɔgɛnu tɛtɛ. N ya wo bi ka wo sigi n kɔnkɔn tɔ kɔnɔ wo ma n wɔli-nyima lɔn.

Hoseya 13:5

Nde le ya wo fɛ-bira wula-magbalanɛ rɔ.

Sakaraya 2:12

Mari si Yuda ma a halalɛ la tun ata dugu-sɛnimɛ rɔ. Yerusalɛm soe si diya a ye ka tenbi soe bɛɛ la.

Sakaraya 2:8

Mɔgɔ-wo-mɔgɔ ya wole gbesi, a ara fan gbesi min di ale Mari ye iko a yɛ.” Mari Sɛnbɛ-Bɛɛ-Tigi ya sarakanɛ kɛ don n bolo sibolo-gbɛrɛnuna ko la minnu ya ala mɔgɛnu bira.

Romu 2:18

Alla ye a fɛ, wo ni min ma, wo ya wo lɔn bawo wo ara ko-latelennɛ wo karan tɔn-kitabu rɔ.

Romu 3:2

A tɔnɛ kolo a nya ma! A fɔlɔtɛ, Alla ya ala sarakanɛ don Yahudiyanu denu bolo.

Tɔn-Fɔɛ-Fila-Nyɔgɛ 1:19

Musa ya a fɔ tun ko, “Ma ara mala daga wayan ka bɔ Sinayi kɔnkɛ dafɛ iko mata Mari Alla ya a fɔ ma ye nya min. Ma ara ta ka tenbi wula-da-rakolon-wɛ wo rɔ min makilannɛ.

Tɔn-Fɔɛ-Fila-Nyɔgɛ 1:31

Iko kei si ala dan sigi a kɔnkɔn tɔ nya min, a ya ma sigi a kɔnkɔn tɔ wo nya na le wulɛ rɔ ha ka na ke ma la yan.

Tɔn-Fɔɛ-Fila-Nyɔgɛ 4:36

A ya a ma, wo ya a kuman-kan lamɔɛn san-kole rɔ alako a si wo karan. A ya a ma, wo ya ata ta-sɛnimɛ yen. A kumara wo rɔ wo ye.