Tɔn-Fɔɛ-Fila-Nyɔgɛ 31:23 - ALLALA KUMƐ

²³ Wo kɔma, Mari ya a fɔ Nunna den Yasowa ye ko, “I yisi gbɛlɛya ka i kerinteya. Ile le ye mala kun-tigi la ka ta anu na lanyiri-nyamanɛ rɔ. N ti bɔ i fɛ muk!”

Tɔn-Fɔɛ-Fila-Nyɔgɛ 31:23 ပူးပေါင်းရင်းမြစ်များ

1 Mansɛnu 2:2

“N bi tala duninya-mɔgɛ bɛɛsi ta tinɛ le kɛ la. Wola ko la, i sɛbɛ don ka i kerinteya.

1 Ko-Kɔrɔta-Karan 7:27

Ilasama ya Nun sɔrɔn. Nun ya Yasowa sɔrɔn.

Bɔ-Koe-Iyipiti 3:12

Alla ko, “N si to i fɛ yati! I wa na nta mɔgɛnu na ka bɔ Iyipiti nyamanɛ rɔ tumɛ min, anu si n bato kɔnkɛ kɛ nyɛrɛ kuma. Wo si ma tamasere la i ye ko nde le ya i kilaya.”

Hegayi 2:4

Ile Sarababulu, i kana hɔn. N bi i fɛ. Saraka-Masɔla-Kun-Tigi-Wɛ Yasowa, i sɛbɛ don. Wole Isirɛla mɔgɛ bɛɛsi, wo ni wo sɛbɛ don ka wo raya.

Yilan-Yilan Koe 13:20

Wo ni dugu-kole mafɛlɛn ni dɔn-fan si ma-a-la a rɔ, ka, ni a ti ma-a-la. Wo ni a mafɛlɛn ni kɔlɔma siyaman bi nyɔ, ka, ni kɔlɔma siyaman sa nyɔ. Wo ni na nyamanɛ wo dɔn-fen siyaman na wo bolo.” (Anu tara nyɔ karɛ min na, anu bɛnta nɔnbɔ-gbɔɛ wo mɔ-wati le ma.)

Yilan-Yilan Koe 23:21

N bara a yen, wati ye nala, Isirɛla mɔgɛ kɛnu ti nanparan mumɛ sɔrɔn. Anuta Mari Alla ye anu fɛ. Anu si a fɔ ka a gbɛ feu, ko anuta mansɛ le Alla la.

Yilan-Yilan Koe 27:23

Musa ya a bole sa Yasowa kun tɛma ka a dantɛgɛ Mari ma. A ya a fɔ Isirɛla mɔgɔ damasi ye ko, “Wo ara Yasowa kɛ yen? Kɛ le nde, Musa gbɛ rɔ gbɛ, yɔ!”

Kɛwɔlɛnu 7:45

Wo kɔma, ma benba minnu tara Yasowa fɛ nyamanɛ bi tinɛ nyɔ-sibolenu bolo, wonu ya Allata Fani-Bɔn wo sɔrɔn anu fanu bolo ka ta wo dununa anu bolo, ado Alla le ya sibole wonu gben anu yarɔ. Fani-Bɔn wo tora nyɔ ha Mansa Dawudata wati.

Tɔn-Fɔɛ-Fila-Nyɔgɛ 3:28

Mari ko Yasowa min bi nala sigila n gbɛ rɔ, a si na min ma, n ni wo fɔ ale ye. N ni a makawandi ka a sɛnbɛ don bawo ale le ye tola mɔgɛnu kuma ka ta anu sigi nyamanɛ wo rɔ nde, Musa ya min mafɛlɛn.

Tɔn-Fɔɛ-Fila-Nyɔgɛ 31:14

Mari ya a fɔ Musa ye ko, “A ti mɛ tun ile si so-sɛgi-kɛ. Yasowa kele ka na a la nde, Marita Fani-Bɔn la. N bi nala kumɛ do fɔla a ye ale si min ma.” Musa tara Yasowa kele ka na anu sɔ Marita Fani-Bɔn tenbi-bolɔn la.

Tɔn-Fɔɛ-Fila-Nyɔgɛ 31:24

Musa ya Marita tɔn-kitabu sɛbɛ. A ya a sɛbɛ a fɛrɛma alako a kana nyina fenfen ko.

Tɔn-Fɔɛ-Fila-Nyɔgɛ 31:3

Kɔnɔ wota Mari Alla nyɛrɛ-nyɛrɛ si sɔ wo yarɔ ka ta sibolo-gbɛrɛ wonu kɛlɛ minnu bi nyɔ kaka. Wo si ta wo sigi wo yoge wonu gbɛ rɔ nyamanɛ wo rɔ. Yasowa le ye mala wota kun-tigi la iko Mari ya a fɔ nya min nun.

Tɔn-Fɔɛ-Fila-Nyɔgɛ 31:6

Wo si wo yisi gbɛlɛya ka wo kerinteya. Wo kana kilan anu na bawo wo tigi Mari Alla si to wo fɛ. A ti wo baya, ado a ti wo boloka mumɛ!”