Tɔn-Fɔɛ-Fila-Nyɔgɛ 31:19 - ALLALA KUMƐ

¹⁹ Mari ya a fɔ Musa ye tun ko, “I ni bɛti kɛ sɛbɛ. I ni Isirɛla mɔgɛnu karan a la woletɔ a si ma sereyɛ la anu kan ma.

Tɔn-Fɔɛ-Fila-Nyɔgɛ 31:19 ပူးပေါင်းရင်းမြစ်များ

2 Samuwɛli 14:3

N bi i labilala min na, i ye tala wo le fɔla mansɛ ye.” Wo kɔma, Yohabu ya musi wo labila.

Yaburi 102:18

Mari ara min kɛ, wo ni wo sɛbɛ wo mamanɛnu ye alako minnu ma sɔrɔn bɛ, wonu ni a matɔgɔ.

Bɔ-Koe-Iyipiti 4:15

N ba kumɛ min fɔ ile ye, i si wo fɔ ale Aruna ye. A si ma ile dɛ la kuma tinɛ. N si wo mɔgɔ filɛ dɛnbɛ kuma tinɛ. A bɛnta, wo ni minnu ma, n si wo karan wonu na.

Aiseya 51:16

Ale le ya san-kole rafulen ka dugu-kole kurukɛ. Ale le ya a fɔ Yerusalɛm kɛnu ye ko ata mɔgɛ le anu na. A ko a ara ala karan don anu bolo ka anu kumafunfan a kɔɛn la.

Aiseya 59:21

Mari ko anubɛ ata mɔgɛnu bi nala sarama-kan min kirila anu nyɔgɔn tɛma, wo le kɛ la. A ko ata kumɛ anubɛ ata Sɛnbɛ ti bɔ anu fɛ. A ko a si to anu denu, anubɛ anuna dannu, anubɛ anu kebilɛnu fɛ burubukai!

Yɛrɛmaya 1:9

Mari ban kɛ fɔla, a ya a kɔɛn lana ka a tugun n dɛ la. A ya a fɔ n ye ko, “I ma a yen, n bi nna kumɛnu donna i da rɔ.

Isikiyɛli 2:5

Anu banta, anu sɔnta, fɔ anu ni a lɔn yati, ko nɛbi ye anu tɛma.

Matiyu 10:18

Ka a tɛgɛ nde ma, anu si wo rasagan kun-tiginu anubɛ mansɛnu yakɔrɔ. Wo si nta kibara-nyimɛ fɔ wonu ye anubɛ sibolo-gbɛrɛnu fanan.

Yɔni 12:48

Min ba a ban n na, ado a ma nna kumɛ bira, nna kumɛnu si ma kiti-tɛgɛlɛ la min si wo tigi yiliki. N bi kumɛ minnu fɔla, wonu denu si wo tigi yiliki tele-laban-lun!

Tɔn-Fɔɛ-Fila-Nyɔgɛ 11:19

Wo taranta kan-bo-kan, wo tenbi luyi ma wo, wo tenbi bɔn na wo, wo tenbi wɔlila anubɛ wo tenbi wo sulenna, wo ni to wola dannu makolola karan kɛ la. Wo ni to anu karanna wola dannu ye tuma-wo-tuma.

Tɔn-Fɔɛ-Fila-Nyɔgɛ 31:18

N ti sɔn anu dɛnbɛna bawo anu bara ko-yogomɛ ladan ka bɛsɛnu kɔ.”

Tɔn-Fɔɛ-Fila-Nyɔgɛ 31:26

“Allata tɔn-kitabu kɛ bi ka a sa wota Mari Allata tɔn-kenkirɛ burɔ. Kitabu wo si to sanɛ nyɔ ka ma sereyɛ la wole Isirɛla mɔgɛnu kan ma.

Tɔn-Fɔɛ-Fila-Nyɔgɛ 31:30

Musa ya bɛti wo bɛɛsi rakaran Isirɛla mɔgɛ bɛɛ yala.

Tɔn-Fɔɛ-Fila-Nyɔgɛ 32:1

“San-kole anubɛ dugu-kole, nde, Musa ye nala min fɔla, wo ni wo tole masɔ nta kumɛ wo la. Wo ni wo tole masɔ bɛrɛkɛ!

Tɔn-Fɔɛ-Fila-Nyɔgɛ 6:7

Wo taranta kan-bo-kan, wo ni to wola dannu makolola karan kɛ la. Wo tenbi luyi ma wo, wo tenbi bɔn na wo, wo tenbi wɔlila wo, wo tenbi wo sulenna wo, wo ni to a karanna wola dannu ye tuma-wo-tuma.

Yasowa 24:27

Yasowa ya a fɔ mɔgɛ bɛɛsi ye ko, “Kuri kɛ si ma tamasere la wo ye. Mari ya min fɔ wo ye, a si ma hɛnkili bila koe wo bɛɛ la. Ni wo ya wo ban wola Mari la, kuri kɛ si wo hɛnkili labila ko wo ara wola sarama-kan tinya.”