Tɔn-Fɔɛ-Fila-Nyɔgɛ 31:16 - ALLALA KUMƐ

¹⁶ Mari ya a fɔ Musa ye nyɔ ko, “Musa, i sa mɛla so-sɛgi-kɛla tun. I wa so-sɛgi-kɛ tumɛ min, mɔgɛ kɛnu si n boloka ka sarama-kan tinya ka don lanyiri-nyamanɛ bɛsi-kɔ-koenu tɔ anu bi tala kan min.

Tɔn-Fɔɛ-Fila-Nyɔgɛ 31:16 ပူးပေါင်းရင်းမြစ်များ

Ko-Dabirɛnu 15:15

Kɔnɔ ile si kɔrɔya kɔbɔkɔbɔ! I si faga yisi-kimɛ rɔ.

Ko-Dabirɛnu 47:29

Yanni a ni faga tumɛ min, a ya ala den Yusufu kele ka a fɔ a ye ko, “I ni i bole ladon n woro filɛ tɛma ka i keli n ye ko n ba faga tumɛ min, ni i si n togon Iyipiti nyamanɛ kɛ rɔ yan.

Ko-Dabirɛnu 47:30

Kɔnɔ ni n fagara Iyipiti nyamanɛ rɔ tumɛ min, i ni n furi bi ka ta a la Kenan nyamanɛ rɔ. I ni n togon n benbanuna dugi rɔ.” Yusufu ko, “N si a ma iko i wara a fɔ nya min.”

2 Samuwɛli 7:12

Ale Dawuda wa faga tumɛ min, anu ba ban a togonna, n si a ma, ala dan do ni to a gbɛ rɔ min si ala nyamanɛ to fanka rɔ.

1 Mansɛnu 1:21

Ni i ma Silamɛni ma mansɛ la i gbɛ rɔ, wati do si ke, i wa faga tumɛ min, anu si mabɛ nna den Silamɛni mɔnima-birɛ-kɛ.”

1 Mansɛnu 18:18

Nɛbi Ilaya ya a fɔ mansɛ ye ko, “Nde ma Isirɛla tɔrɔ. Kalabante wobɛ i fa le la bawo wo ara Marita tɔn tinya ka Bɛsi Beyali kɔ.”

1 Mansɛnu 19:10

Nɛbi Ilaya ya a fɔ a ye ko, “Alla Sɛnbɛ-Bɛɛ-Tigi, n bi ile le kelen pe batola tuma-wo-tuma. Kɔnɔ sarama-kan min bi wobɛ Isirɛla mɔgɛnu tɛma, anu bara anutɛ wo tinya. Anu bara ila saraka-mintan-tinɛnu tinya ka ita nɛbinu faga. Nde kelen pe le ye nɛbiyɛ la gbɛ! A sɔgɛ ye anu na, anu ni nde fanan faga.”

2 Mansɛnu 18:12

Samariya soe kasarata bawo Isirɛla mɔgɛnu ya hakɛ kɛ anuta Mari Alla la. Min sanɛ wo kuma, anubɛ Mari sarata min ma, anu ya wo tinya. Marita wɔli-kɛla Musa nyɛrɛ ya tɔn min bɛɛsi di anu ma, anu ya wonu tinya. Anu ma anu tole masɔ ka tɔn wonu bira.

2 Mansɛnu 20:1

Kɛ wati ya a taran, Mansa Hɛsakaya kun ma ara kɔ kirayɛ bolo. A tora doni, a ni lakiraya. Emɔsila den Nɛbi Aiseya tara a kɔndɔn tinɛ. A ya a fɔ a ye ko, “Mari ko yanni i ni faga, i ni i fɛ-koe mumɛ bɛɛ rabɛn bawo a ko i ti kirayɛ kɛ nɔ.”

2 Ko-Kɔrɔta-Karan 21:11

Mansa Yɛhoram kɛ ya bɛsi-kɔ-tinɛnu nadan Yuda kɔnkɔ-nyamanɛ rɔ. A sɔra Yuda kɛnu anubɛ Yerusalɛm kɛnu yarɔ ka hakɛ kɛ Mari la.

Yobu 20:11

Hali a fɛrɛ-bɔnkɛ kin a ma nun, a ragbɛlɛ fanan, a ti mɛ, ale karagbɛlɛ si sɛgi gbangban rɔ.

Yaburi 106:39

Anu kɛ-nya ya anu natinya, ado anu denu ma telen Alla ye.

Yaburi 73:27

Mɔgɔ-wo-mɔgɔ ya a masɛgi ile la, wo tigi si tɔrɔ, yɔ! Ni mɔgɔ-wo-mɔgɔ ma a telen i ye, i si wo tigi halaki.

Bɔ-Koe-Iyipiti 32:6

Bandɛ kanɛ, anu suruta nala saraka-mintantɛnu anubɛ yisi-kima-sarakɛnu na. Anu ya anu de-nyini ka anu min. Wo kɔma, musi wo, kei wo, anu ya bolola-tolɔn dabira.

Bɔ-Koe-Iyipiti 34:15

“Wobɛ nyamanita-mɔgɛ wonu kana lanyiri kiri wo nyɔgɔn tɛma. Wo kana sarakɛnu bɔ anuta allanu ye bawo anu donu si wo kele saraka dɔn tinɛ.

Aiseya 48:8

A ko ale nyɛrɛ ya a lɔn ko a ti ke lala wole la. A ko wo dama manɛ mɔgɔ-murutiyanɛnu na a yala. Wo le ya a to, wo ma ko-kurɛ kɛnu namɔɛn nun.

Yɛrɛmaya 31:32

A ko kɛ ti ma iko anubɛ anu benbanu ya min kiri anu nyɔgɔn tɛma anuna bɔɛ Iyipiti. A ko hali anu biranɛ a bolo iko mɔgɛ si ala musi bira nya min, anu ma sɔn ata sarama-kan birala.

Yɛrɛmaya 36:7

Bawo Mari ara anu tagbɛrɛn ata fondo-bɔɛ la, tumado anu si Mari madiya ka anu bɔ anu gbɛ da la.”

Isikiyɛli 16:15

“ ‘I ya ila mankan anubɛ ila kinyɛ wonu ma yɛlɛnya-fan la. Kei-wo-kei nara, wo ti tenbi i la. I kinyɛnu mara kei bɛɛtɛ la iko a di anu ye nya min.

Hoseya 1:2

Mari ya kumɛ fɔlɔtɛ min don Nɛbi Hoseya bolo, a ko, “I ni musu-yɛlan furu bawo nyamanɛ bɛɛ ara ma yɛlan la ka a tɛgɛ anuna lanayabɛlitayɛ ma nde, Mari ye. Wobɛ musu-yɛlan kɛ ni dannu sɔrɔn.”

Hoseya 10:4

Wole ye kuma-fuyinu fɔla ka foninya-lanyirinu kiri ka to wo da le fɔla kɛlɛ-makima-koe rɔ. Latelan ara a laban wo bolo ko-raduyi ma kiti-fɔ-tinɛ. Wo mani de iko mɔgɛ wa fui-fan fui, fen-gbɛrɛkɛ ma fɛrɛn nyɔ fɔ dawurɛ.

Saraka-Masɔlɛnuta Tɔnnu 26:15

Ni wo ma sɔn ka nta sereya kɛnu bira, ni wo ya wota sarama-kan tinya min bi ma tɛma wona,

Yilan-Yilan Koe 27:13

I wa ban nyamanɛ wo mumɛ mafɛlɛnna tumɛ min, i si so-sɛgi-kɛ iko a mara i kɔrɔ Aruna la nya min

Kɛwɔlɛnu 13:36

Dawuda ye a kɛndɛ la nun tumɛ min, a ya Alla sako kɛ. Wo kɔma, a fagara. Anu ya a togon a benbanu dafɛ, ado a furi tulita nyɔ rɔ.

Tɔn-Fɔɛ-Fila-Nyɔgɛ 31:18

N ti sɔn anu dɛnbɛna bawo anu bara ko-yogomɛ ladan ka bɛsɛnu kɔ.”

Tɔn-Fɔɛ-Fila-Nyɔgɛ 32:15

“Wole Marita mɔgɛnu mara nɔnfulu-tiginu na kɔnɔ hali wo, wo murutiyara a ma. Wo ara tɔlɔ ha wo bu-dagɛnu bara sigi kɔnɔ hali wo, wo ya ale Dali-Mari boloka. Wota Fara-Kole min ya wo lakisi, wo ya wo ban wo la.

Tɔn-Fɔɛ-Fila-Nyɔgɛ 32:50

I si so-sɛgi-kɛ nyɔ iko i kɔrɔ Aruna ya so-sɛgi-kɛ Hɔ kɔnkɛ kuma nya min.

Tɔn-Fɔɛ-Fila-Nyɔgɛ 34:5

Wo kɔma, Marita wɔli-kɛlɛ Musa fagara Mohabu nyamanɛ rɔ nyɔ iko Mari ya a fɔ nya min.

Tɔn-Fɔɛ-Fila-Nyɔgɛ 4:25

“Wo mɛra nyɔ nya-wo-nya, wo ni dannu sɔrɔn anubɛ wo mamanɛnu, wo kana bɛsi-wo-bɛsi ladan. Bɛsi-yogomɛ-ladan-koe kana wo don hakɛ rɔ. Ko-yogomɛ le wo la Mari yala. Wo si a ma, a fonde ni bɔ wo kuma.

Lankɛnimayɛ 19:2

A wa kiti tɛgɛ, tonyɛ le. Wo telenta! Ale musu-yɛlɛn-ba-belebele min taranta dugu-kole tinyana ala yɛlɛnyɛ fɛ nun, Alla ara wo tɔrɔ. A ara a tɔrɔ bawo a ya Allata wɔli-kɛlɛnu faga.”

Kɛlɛ-Kurugbɛnu 10:13

Kɔnɔ hali wo, wo ya nde, Mari boloka ka ta bɛsɛnu nyini wo nyɛrɛ ye, wo si minnu kɔ. Woletɔ n ti wo lakisi tun.

Kɛlɛ-Kurugbɛnu 10:6

Isirɛla mɔgɛnu ya hakɛ kɛ Mari la tun. Anu tara anuna bɛsɛnu Beyali anubɛ Asitɔra kɔ tinɛ. Wo kɔma, Siriyanuna bɛsɛnu wo, Saidon kɛnutɛ wo, Mohabu kɛnutɛ wo, Amon kɛnutɛ wo, Filisitinuna bɛsɛnu wo, anu ya wo bɛɛ kɔ. Anu ya anu kan-kɔ sɔ Mari la ka anu ban a bato-koe ma.

Kɛlɛ-Kurugbɛnu 2:11

Isirɛla mɔgɛnu bilara Mari la ka don bɛsi Beyalinu kɔ-koe rɔ.

Kɛlɛ-Kurugbɛnu 2:12

Anu benbanuta Mari Alla min bɔra anu na Iyipiti nyamanɛ rɔ, anu ya anu ban wo la. Anu ya mɔgɛ minnu taran nyɔ, wonu bi bɛsɛ minnu kɔla, anu denu fanan donta bɛsɛ wonu kɔɛ rɔ. Wo le ya a ma, Mari fonde bɔra anu kuma.