Tɔn-Fɔɛ-Fila-Nyɔgɛ 31:14 - ALLALA KUMƐ

¹⁴ Mari ya a fɔ Musa ye ko, “A ti mɛ tun ile si so-sɛgi-kɛ. Yasowa kele ka na a la nde, Marita Fani-Bɔn la. N bi nala kumɛ do fɔla a ye ale si min ma.” Musa tara Yasowa kele ka na anu sɔ Marita Fani-Bɔn tenbi-bolɔn la.

Tɔn-Fɔɛ-Fila-Nyɔgɛ 31:14 ပူးပေါင်းရင်းမြစ်များ

Ko-Dabirɛnu 47:29

Yanni a ni faga tumɛ min, a ya ala den Yusufu kele ka a fɔ a ye ko, “I ni i bole ladon n woro filɛ tɛma ka i keli n ye ko n ba faga tumɛ min, ni i si n togon Iyipiti nyamanɛ kɛ rɔ yan.

1 Mansɛnu 2:1

Mansa Dawuda saya-wati gbɛrɛnta tumɛ min, a ya a fɔ ala den Mansa Silamɛni ye ko,

2 Mansɛnu 1:4

Wo ta Mari kuman-kan kɛ latenbi ko a kunyɛ ti bɔ kirayɛ kɛ rɔ muk, ado a ye fagala le.” Nɛbi Ilaya tara ka kilayɛ wonu taran ka Mari kuman-kan latenbi anu ma.

2 Mansɛnu 20:1

Kɛ wati ya a taran, Mansa Hɛsakaya kun ma ara kɔ kirayɛ bolo. A tora doni, a ni lakiraya. Emɔsila den Nɛbi Aiseya tara a kɔndɔn tinɛ. A ya a fɔ a ye ko, “Mari ko yanni i ni faga, i ni i fɛ-koe mumɛ bɛɛ rabɛn bawo a ko i ti kirayɛ kɛ nɔ.”

Yobu 1:6

Lunyɛ do, melikanu tara anu sɔ Alla yakɔrɔ a kɔndɔn tinɛ, mɔgɛnu fɛɛ-donnɛ fanan ye anu tɛma nun, Setanɛ, kɔni.

Yobu 2:1

Lunyɛ do, melikanu tara anu sɔ Alla yakɔrɔ a kɔndɔn tinɛ tun, Setanɛ fanan ye anu tɛma nun.

Bɔ-Koe-Iyipiti 33:11

Mari si kuma Musa ye iko mɔgɔ si kuma a ta-nyɔgɛ ye nya min. Ale si bɔ nyɔ ka sɛgi dagɛ rɔ tun kɔnɔ a dɛnbɛni-kɛlɛ, Nunna den-kei Yasowa, wo ti bɔ Fani-Bɔn wo burɔ.

Bɔ-Koe-Iyipiti 33:9

Musa wa don Fani-Bɔn la tumɛ min, banda-fin-gbɛ si yigi ka sɔ Fani-Bɔn wo dɛ la. Fananta Mari anubɛ Musa ye kumala anu nyɔgɔn na, banda-fin-gbɛ wo ye nyɔ.

Bɔ-Koe-Iyipiti 34:2

I rabɛn ka n taran Sinayi kɔnkɛ kuma sɔgɔma.

Makawandili Kumɛnu 9:5

Tonyɛ le wo la bawo min bi a niyi la, wo fisa bawo wo hɛnkili ye ko kelen pe dɔrɔn ma, wo le ko a ye nala fagala. Kɔnɔ min bara faga, wo sa ko-wo-ko kalama. A sa fenfen taranna a yarɔ lakira, ado mɔgɛnu ti mɛ nyinala a wara-koe la.

Aiseya 38:1

Kɛ wati ya a taran, Mansa Hɛsakaya kun ma ara kɔ kirayɛ bolo. A tora doni, a ni lakiraya. Nde, Emɔsila den Nɛbi Aiseya tara a kɔndɔn tinɛ. N ya a fɔ a ye ko, “Mari ko yanni i ni faga, i ni i fɛ-koe mumɛ bɛɛ rabɛn bawo a ko i ti kirayɛ kɛ nɔ.”

Yilan-Yilan Koe 27:12

Mari ya a fɔ Musa ye tun ko, “Ta Abarim kɔnkɛ kuma. N bi nala nyamanɛ min dila Isirɛla mɔgɛnu ma, i ni wo bɛɛ mafɛlɛn.

Yilan-Yilan Koe 27:13

I wa ban nyamanɛ wo mumɛ mafɛlɛnna tumɛ min, i si so-sɛgi-kɛ iko a mara i kɔrɔ Aruna la nya min

Yilan-Yilan Koe 27:18

Mari ya Musa yabi ko, “N bara a lɔn ka a fɔ ko Nunna den Yasowa, wo si ke le ka sɔ mɔgɛ kɛnu yarɔ. A kele. A ni a sɔ Saraka-Masɔla Ɛliyasa yakɔrɔ anubɛ Isirɛla mɔgɛ bɛɛsi yakɔrɔ. Ile, Musa ni i bole sa a kun tɛma ka a dantɛgɛ nde, Mari ma. I si ale yira mɔgɛnu na.

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

Tɔn-Fɔɛ-Fila-Nyɔgɛ 31:13

Wo si a ma, wo kegeyɛ minnu ma Marita tɔn lɔn, anu ni wo lamɔɛn. Wo si a ma, anu ni anu degen Mari gbiliyɛ ma anu siyi-tele-bɛɛ kɔrɔ lanyiri-nyamanɛ rɔ Yorodan bɛ kɔma wo ye tala kan min.”

Tɔn-Fɔɛ-Fila-Nyɔgɛ 31:2

“N bara san kɛmɛ ani san mogan bɔ. N ti ke wola kun-tigiyɛ nɔla tun. Min sanɛ wo kuma, Mari ara a fɔ n ye ka a gbɛ feu, ko n ti Yorodan bɛ tɛgɛ tun.

Tɔn-Fɔɛ-Fila-Nyɔgɛ 31:23

Wo kɔma, Mari ya a fɔ Nunna den Yasowa ye ko, “I yisi gbɛlɛya ka i kerinteya. Ile le ye mala kun-tigi la ka ta anu na lanyiri-nyamanɛ rɔ. N ti bɔ i fɛ muk!”

Tɔn-Fɔɛ-Fila-Nyɔgɛ 32:50

I si so-sɛgi-kɛ nyɔ iko i kɔrɔ Aruna ya so-sɛgi-kɛ Hɔ kɔnkɛ kuma nya min.

Tɔn-Fɔɛ-Fila-Nyɔgɛ 34:5

Wo kɔma, Marita wɔli-kɛlɛ Musa fagara Mohabu nyamanɛ rɔ nyɔ iko Mari ya a fɔ nya min.

Tɔn-Fɔɛ-Fila-Nyɔgɛ 4:22

Nde sa bɛ tɛgɛla tun, ado n bi nala fagala kaka. Kɔnɔ a ara to doni, wole ye bɛ tɛgɛla ka don nyɔ.

Yasowa 23:14

“Kaka, n bara kɔrɔya, n siyi ma yan tun. Wole ya a lɔn wo yisi rɔ kaka ko mata Mari Alla ya ko-nyimɛ min bɛɛsi rabɛn wo ye lanyiri fɛ, wo bɛɛsi ara ma tonyɛ la. Mari ya lanyiri kiri fen-nyimɛ min bɛɛla ko la, wo mara tonyɛ la.

Yasowa 24:1

Yasowa ya Isirɛla bɔnsɔn bɛɛsi kele Sɛkɛm soe rɔ, katarala a kina wo, a mɔgɔ-ba wo, a kun-tigi wo, anubɛ a kiti-tɛgɛlɛnu ma. Wonu dama nara anu sɔ anu nyɔgɔn fɛ Marila Bɔn yakɔrɔ.

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.

1 Samuwɛli 10:19

A ko ale le wota Alla la min bi wo bɔla wola kɔndɔfilinu tɔ. Kɔnɔ a ko kaka, wo ara don mansa-kura-nyinɛ rɔ ka wo ban ale la. A ko ale le wo la. A ara sɔn wo bolo. Kɔnɔ a ko wo ni wo ladɛn wola bɔnsɔn anubɛ wola kebilɛ ma ale Mari yakɔrɔ.”

1 Samuwɛli 26:10

N bara n keli Mari la, n lanɛ a la ko ale Mari nyɛrɛ-nyɛrɛ le ye Mansa Sɔli kɛ fagala. A siyi si ban, ni wo ma, a si to kɛlɛ rɔ.