Tɔn-Fɔɛ-Fila-Nyɔgɛ 31:13 - ALLALA KUMƐ

¹³ Wo si a ma, wo kegeyɛ minnu ma Marita tɔn lɔn, anu ni wo lamɔɛn. Wo si a ma, anu ni anu degen Mari gbiliyɛ ma anu siyi-tele-bɛɛ kɔrɔ lanyiri-nyamanɛ rɔ Yorodan bɛ kɔma wo ye tala kan min.”

Tɔn-Fɔɛ-Fila-Nyɔgɛ 31:13 ပူးပေါင်းရင်းမြစ်များ

Hɛnkilimaya-Kumɛnu 22:6

Mɔgɛ ni ala dan kolo ka a bila kila-nyimɛ fɛ, a bɛnnɛ a ni to min fɛ. Ni i ya wo ma, a ti kila-nyimɛ wo boloka ha a si kɔrɔya.

Hegayi 1:12

Nyamani-Tigi Sarababulu anubɛ Saraka-Masɔla-Kun-Tigi-Wɛ Yasowa anubɛ Isirɛla mɔgɛ toenu damasi ya Mari gbiliya ka Nɛbi Hegayita kuman-kan bira iko Mari ya a fɔ a ye nya min.

Ɛfɛsa 6:4

Wole denbɛnu, wo kana wola dannu manyini fɔ ka anu makolo dɛnkɛninyɛ makololi-nya la.

Tɔn-Fɔɛ-Fila-Nyɔgɛ 11:2

Wo ara a yen Mari ara kabana-ko-siyamɛ minnu kɛ wo yala. Wo nyɛrɛ-nyɛrɛ le kɛ sereyɛ la, wola dannu ma de! Nba, bi, wo ara hɛnkili min sɔrɔn Allata koe rɔ, ado wo ara ko-tenbinɛ minnu tayen wo yɛ la, wo ni wo miri wonu ma. Wo ya a lɔn ko a dan sa, ata fanka kolo.

Tɔn-Fɔɛ-Fila-Nyɔgɛ 31:12

Wo ni mɔgɛ bɛɛ kele kan-tina-kelen, kei wo, musi wo, dennɛnu wo, anubɛ sundan minnu siginɛ wo tɛma. Mɔgɛ bɛɛsi ni bɛn a karan rɔ woletɔ anu si wota Mari Alla gbiliya ka ata kumɛ bira.

Tɔn-Fɔɛ-Fila-Nyɔgɛ 31:14

Mari ya a fɔ Musa ye ko, “A ti mɛ tun ile si so-sɛgi-kɛ. Yasowa kele ka na a la nde, Marita Fani-Bɔn la. N bi nala kumɛ do fɔla a ye ale si min ma.” Musa tara Yasowa kele ka na anu sɔ Marita Fani-Bɔn tenbi-bolɔn la.

Tɔn-Fɔɛ-Fila-Nyɔgɛ 32:47

Fufafu ma karan kɛ la de! Wo niyi-kole le kɛ la. Ni wo ya a bira, wo si simayɛ sɔrɔn lanyiri-nyamanɛ rɔ Yorodan bɛ kɔgɔma wo ye nala tala kan min.”

Tɔn-Fɔɛ-Fila-Nyɔgɛ 6:7

Wo taranta kan-bo-kan, wo ni to wola dannu makolola karan kɛ la. Wo tenbi luyi ma wo, wo tenbi bɔn na wo, wo tenbi wɔlila wo, wo tenbi wo sulenna wo, wo ni to a karanna wola dannu ye tuma-wo-tuma.