Tɔn-Fɔɛ-Fila-Nyɔgɛ 30:2 - ALLALA KUMƐ

² Ni wobɛ wo kegeyɛnu sɛgira wota Mari ma wo sɔndɔmɛ bɛɛ la ka ata tɔnnu bira n bara min bɛɛsi fɔ wo ye kɛ la bi,

Tɔn-Fɔɛ-Fila-Nyɔgɛ 30:2 ပူးပေါင်းရင်းမြစ်များ

1 Ko-Kɔrɔta-Karan 29:17

Nta Alla, ile le si mɔgɔ damasi kɔrɔbɔ, ado fɔ mɔgɔ-latelennɛnu, wonu denu bi i hɛnɛna. N bara kɛ damasi latenbi i ma n yisi bɛɛ la. Mɔgɛ min bɛɛsi ladɛnnɛ, anu ya min bɛɛsi labɔ, anu ya a labɔ anu yisi-gbɛnɛ le la.

1 Ko-Kɔrɔta-Karan 29:9

Mɔgɛnu sewanɛ ya fan wonu nabɔ Marila wɔlɛla ko la. Anu dama ya a yen min kɛ ko fen-siyamɛ wo nyɔgɔn bara bɔ, anu dama sewara anubɛ anuna mansɛ.

2 Ko-Kɔrɔta-Karan 30:9

Ni wo sɛgira Mari ma, kɛlɛ tara wo na-kelen-nyɔgɛ minnu na, anu si kinikini anu ma ka anu nasɛgi wo ma. Mari Alla fanɛ ko-nyimɛ anubɛ kinikinɛ la. Ni wo nara a ma, a si sɔn wo la ka wo bira tun.”

Nihɛmaya 1:9

Kɔnɔ ni ma sɛgira i ma tun ka ileta tɔnnu bira, i si ma kundɛn tun kan tinɛ wo rɔ ile ya min yabɔ i bato-tinayɛ la. I ko hali ma basanta duninya-tonko-nanɛ bɛɛ la, i si ma kundɛn tun.

Yaburi 119:2

Duwa-dan le wo tigi la min bi bilala Marita sereyanu fɛ anubɛ min bi ale nyinina a yisi bɛɛ la.

Yaburi 119:80

Alamɛ n ya ila tɔnnu bira n bolo filɛ le la gben woletɔ n ti miliya n yogenu yakɔrɔ.

Yaburi 41:12

Bawo n bi ko-latelennɛ kɛla, woletɔ i ye n dɛnbɛna. I si a ma, n ni to i fɛ tɛban!

Yɛrɛmaya 29:13

A ko wo si to a nyinina, ado wo wa a nyini wo yisi bɛɛ la, wo si a yen.

Yɛrɛmaya 3:10

ado Isirɛla tirisan-musu-wunduyoge kɛ ma sɛgi n ma a yisi bɛɛ la. A ya nyɛrɛmankolayɛ le dɔrɔn ma.”

Yɛrɛmaya 36:3

A ko tumado, a ara kasarɛ min tabɛn Yuda kɛnu kan ma, ni anu suira wo ma ka anu bɔ anu sɔn-yogomɛ da-kun tɔ, a si anu makoto anu sɔn-yogomɛ anubɛ anu hakɛ la.

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Nimisa Koe 3:32

Hali a ye tɔrɔyɛ sigila mɔgɔ ma, a si kinikini a ma bawo ata keninteyɛ da rakolo.

Nimisa Koe 3:40

Ma ni ma tagama-nya fɛsɛfɛsɛ a kila-bɛrɛbɛrɛ fɛ, wo kɔma, ma ni ma sɔ ma hakɛ la Mari ye.

Isikiyɛli 6:9

Minnu si to biralɛ rɔ nyɔ rɔ, wonu si anu miri n ma. Anu si a lɔn yati, ko nde le ya anu tɔrɔ ka anu nayarabi bawo bɛsi-kɔ-koe diyara anu ye nde bato koe ko, ado anu bara anu kan-kɔ sɔ nde la. Anu si tɛgɛ anu nyɔgɔn tɔ kasikasi, ka a tɛgɛ anuna wunduyogoyɛ anubɛ kisimiriya-koenu ma.

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Saraka-Masɔlɛnuta Tɔnnu 26:40

“Bawo wo si wo nyɛrɛ porokɔlɔ n bolo ka murutiya n ma woletɔ wo ti ma n diyana-mɔgɛnu na wo rɔ tun. Nde si ma wo yoge la gbɛ! N si wo latuntun wo yogenu ma ka ta wo la pon! Kɔnɔ n ba a yen n bara tɔrɔyɛ min nana wo kuma, wo ara koloya ha wo ara wo kegeyɛnu famayigi alako anu ni anu sɔ anu hakɛ la anubɛ anu benbanu ya min tinya.

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

2 Kɔrɛnti 3:16

Kɔnɔ mɔgɔ wa yɛlɛma ka bila Mari fɛ, fan wo si bɔ a hɛnkili ma.

Ɛfɛsa 6:24

Alamɛ Allata hinɛ tora wo dama fɛ minnu bi ma Mari Yisa, Allata-Mɔgɔ-Yabɔnɛ kenina tɛban!

Tɔn-Fɔɛ-Fila-Nyɔgɛ 13:3

wo kana wo tole masɔ a la. Ko-sufa wonu si ma wo kɔrɔbɔ-koe le la wota Mari Alla bolo ka a lɔn ni wo ya ale Alla keni wo yisi bɛɛ la.

Tɔn-Fɔɛ-Fila-Nyɔgɛ 6:5

Wo ni wota Mari Alla keni wo yisi bɛɛ la anubɛ wo sɔndɔmɛ bɛɛ la anubɛ wo sɛnbɛ bɛɛ la.

1 Yɔni 1:9

Ni ma ya ma sɔ ma hakɛ la Alla ye, a si ma sɛninya ka ma bɔ mala ko-yogomɛ-bɛɛ rɔ, ado ale min telennɛ, a ye wo le mala. A si ma hakɛ makoto.