Tɔn-Fɔɛ-Fila-Nyɔgɛ 30:13 - ALLALA KUMƐ

¹³ Anu sa kɔgɔ-yi kɔgɔma iko komi wo ye mɔgɛ manyinikala anu bi-koe ma wo ye, woletɔ wo si a lamɔɛn ka anu bira.

Tɔn-Fɔɛ-Fila-Nyɔgɛ 30:13 ပူးပေါင်းရင်းမြစ်များ

Hɛnkilimaya-Kumɛnu 16:6

Keninteyɛ anubɛ tonyɛ si a ma, mɔgɔ hakɛ ma si koto. Mɔgɛ min bi kilanna Mari la, wo si fara le ko-yogoma-kɛ la.

Hɛnkilimaya-Kumɛnu 8:11

Nde hɛnkilimayɛ tenbira dugu-kɔrɔ-nɔnfuli la. I ye fan min nyinina duninya-latɛgɛ kɛ rɔ, nde tenbira wo dama la tɛrr!

Matiyu 12:42

Musu-mansɛ min bɔra Siba nyamanɛ rɔ don? Wo si a lasɔ kiti-tɛgɛ-lunyɛ ka wo maburi bawo ale bɔra ata nyamanɛ rɔ pon ka na a tole masɔ Mansa Silamɛnita hɛnkilimaya-karan la. Nba, n bi a fɔla wo ye, mɔgɛ do ye yan min kolo Mansa Silamɛni ko pirr!

Yɔni 6:27

Wo kana wɔli dɔn-fanla ko la min si tinya. Wo ni wɔli dɔn-fanla ko la min si habadan-nimayɛ di wo ma. Nde, Hadama-dan si dɔn-fan min di wo ma, wo ni wo raya ka wo sɔrɔn bawo n Fa Alla ara sɔn nta wɔli ma.”

Kɛwɔlɛnu 10:22

Anu ya a yabi ko, “Romu kɛlɛ-den-kun-tigi Kɔniliyasi le ya ma sɔ i wara. Mɔgɔ-nyimɛ le min bi Alla batola. Yahudiya bɛɛ ye a gbiliyala bɛrɛkɛ! Allala melika do le ya a fɔ a ye ko a ni ile kele ala bɔn la. I ye nala min fɔla, a ye a fɛ ka wo lamɔɛn i bolo.”

Kɛwɔlɛnu 10:33

Nba, n ya anu nata i ma kelenna, ado i na-koe kɛ ara i sɔn-nyimɛ yira n na. Awa kaka, Mari ara i sɔ min fɔ tinɛ, ma dama ye i makɔnɔna Mari Alla yakɔrɔ yan ka wo bɛɛ lamɔɛn.”

Kɛwɔlɛnu 16:9

Pɔli ya Masidoniya kɛ do yen ko-rayirɛ rɔ suyi wo rɔ. A sɔnɛ a madiya tinɛ. Ko-rayirɛ wo rɔ, a ko, “Na ma dɛnbɛ Masidoniya nyamanɛ rɔ!”

Tɔn-Fɔɛ-Fila-Nyɔgɛ 30:12

Tɔn wonu sa san-kole ma pon iko komi wo ye mɔgɛ manyinikala anu bi-koe la san ma wo ye, woletɔ wo si a lamɔɛn ka anu bira.

Tɔn-Fɔɛ-Fila-Nyɔgɛ 30:14

Kɛnu bi wo dafɛ kaka. Hali wo ma anu karan, wo si ke le ka anu fɔ. Woletɔ wo ni anu bira gben!