Tɔn-Fɔɛ-Fila-Nyɔgɛ 30:10 - ALLALA KUMƐ

¹⁰ Kɔnɔ fɔ wo ni ata tɔn bɛɛsi bira minnu sɛbɛnɛ Allata tɔn-kitabu kɛ rɔ. Fɔ wo ni sɛgi wota Mari Alla ma wo yisi bɛɛ la.”

Tɔn-Fɔɛ-Fila-Nyɔgɛ 30:10 ပူးပေါင်းရင်းမြစ်များ

Nihɛmaya 1:9

Kɔnɔ ni ma sɛgira i ma tun ka ileta tɔnnu bira, i si ma kundɛn tun kan tinɛ wo rɔ ile ya min yabɔ i bato-tinayɛ la. I ko hali ma basanta duninya-tonko-nanɛ bɛɛ la, i si ma kundɛn tun.

Isikiyɛli 18:21

“Ni karagbɛlɛ ya ata karagbɛlɛyɛ boloka ka nna tɔnnu bira, a ni don ko-telennɛ anubɛ ko-nyimɛ-ladan rɔ, a ti faga worɔ. Fɔ a wa to a niyi la.

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?

Isikiyɛli 33:14

Hali n ya sɔn-yogoma-tigi makawandi ko a ye nala fagala kɔnɔ ni a ya a bɔ ala ko-yogomɛ da kun tɔ, a ni don ko-telennɛ anubɛ ko-nyima-kɛ ladan rɔ, a ti faga.

Isikiyɛli 33:19

Ni sɔn-yogoma-tigi ya a bɔ ala ko-yogoma-kɛ da kun tɔ, a ni don ko-telennɛ anubɛ ko-nyima-kɛ rɔ, a ara a nyɛrɛ niyi lakisi.

Sakaraya 6:15

A ko minnu bi wula-yan la pon, wonu si na wo dɛnbɛ Mari Bato-Bon-sɔɛ la. A ko Bato-Bɔn kun ba don tumɛ min, wo ye a lɔnna wo le ma ko Mari Sɛnbɛ-Bɛɛ-Tigi ya nde, Sakaraya sɔ wo ma. Kɛnu si ma, ni wo ya wota Mari Alla kan to a gbɛ rɔ.

Kɛwɔlɛnu 26:20

Ka a dabira Damasika ha ka ke Yerusalɛm anubɛ Yudiya nyamanɛ bɛɛ ha sibolo-gbɛrɛnu tɛma, n ya kawandili bɔ wo bɛɛ rɔ. N ya a fɔ anu ye ko anu ni fara hakɛ kɛla ko anu ni na Alla wara. N ko anu ni kɛwɔlɛ wonu kɛ min si a yira ko anu bara yɛlɛma.

Kɛwɔlɛnu 3:19

Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

1 Kɔrɛnti 7:19

N bi wo fɔla bawo kemininyɛ wo, kemininyabɛliyɛ wo, dan-nafara wo dan-nafara sa wo la Alla yala bawo Allata tɔn-birɛ, wo le kolo.

Tɔn-Fɔɛ-Fila-Nyɔgɛ 29:21

Mari si mɔgɛ wo ma tamasere la Isirɛla mɔgɛnu yala. Iko dankɛ minnu sɛbɛnɛ kitabu kɛ rɔ, Mari si wo dama kasara-dɛgbɛ sigi mɔgɛ wo la.

Tɔn-Fɔɛ-Fila-Nyɔgɛ 30:11

“N bara Marita tɔn minnu bara-koe fɔ wo ye kɛ la bi, wonu ti ma kɔndɔfili la wo ye, ado wo si a nɔ le.

Tɔn-Fɔɛ-Fila-Nyɔgɛ 30:2

Ni wobɛ wo kegeyɛnu sɛgira wota Mari ma wo sɔndɔmɛ bɛɛ la ka ata tɔnnu bira n bara min bɛɛsi fɔ wo ye kɛ la bi,

Tɔn-Fɔɛ-Fila-Nyɔgɛ 30:8

N bara wota Mari Allata kumɛ minnu di wo ma bi, wo si to wonu birala.

Tɔn-Fɔɛ-Fila-Nyɔgɛ 4:29

Wo wati rɔ, ni wo tora wo yɛ lakalanna wota Mari Alla ma ka a nyini wo yisi bɛɛ la, wo si a yen yati!

Tɔn-Fɔɛ-Fila-Nyɔgɛ 6:5

Wo ni wota Mari Alla keni wo yisi bɛɛ la anubɛ wo sɔndɔmɛ bɛɛ la anubɛ wo sɛnbɛ bɛɛ la.