Tɔn-Fɔɛ-Fila-Nyɔgɛ 30:1 - ALLALA KUMƐ

¹ “Wota Mari Alla si wo ranyɛnsɛn wo yogenu tɛma. Hali wo ye tɔrɔyɛ kɛnu tɔ, wo hɛnkili si to wota bi-koe ko duwɛ anubɛ dankɛ tɛma.

Tɔn-Fɔɛ-Fila-Nyɔgɛ 30:1 ပူးပေါင်းရင်းမြစ်များ

Ko-Dabirɛnu 4:14

Bawo i wara i yakɔrɛ firindi n ma min kɛ ka n gben nna sɛnɛ kuma, ka a dabira bi ma fɔ n ba ma yilan-yilantoe la, ado ni mɔgɔ-wo-mɔgɔ ya n yen, wo si n faga.”

1 Mansɛnu 8:34

i ni i wɔlɔ matɔlɔ anu na ka anu makoto anuna hakɛ la. I ya nyamanɛ min di anu benbanu ma, i ni anu nasɛgi nyɔ rɔ tun.

2 Ko-Kɔrɔta-Karan 30:9

Ni wo sɛgira Mari ma, kɛlɛ tara wo na-kelen-nyɔgɛ minnu na, anu si kinikini anu ma ka anu nasɛgi wo ma. Mari Alla fanɛ ko-nyimɛ anubɛ kinikinɛ la. Ni wo nara a ma, a si sɔn wo la ka wo bira tun.”

Nihɛmaya 1:9

Kɔnɔ ni ma sɛgira i ma tun ka ileta tɔnnu bira, i si ma kundɛn tun kan tinɛ wo rɔ ile ya min yabɔ i bato-tinayɛ la. I ko hali ma basanta duninya-tonko-nanɛ bɛɛ la, i si ma kundɛn tun.

Aiseya 46:8

Mari ko wole min bara wo kan-kɔ sɔ a la, wo ni wo hɛnkili lamiri kɛ ma. Wo ni wo miri tun, ale Mari ara min ma.

Yɛrɛmaya 29:14

A ko a si a ma, wo ni a yen. A si wo bɔ biralɛ rɔ ka sɛgi wo la wo halala-nyamanɛ rɔ yan. A ko hali a ara wo fɔrɔsɛ ko wo ni bɔ Yerusalɛm, a si wo yatɔnbɔn sibolo-gbɛrɛnu tɛma. A ya wo lata biralɛ rɔ kan tinɛ minnu tɔ, a ko a si wo kundɛn kan-tina-kelen ka na wo la Yerusalɛm yan. Ale Mari kan le.

Yɛrɛmaya 3:13

Alako tun, wo ara wo sɔ wo hakɛ la bawo wo ara wo kan-kɔ sɔ wota Mari Alla la. Wo ara sibolo-gbɛrɛnuta bɛsɛnu kɔ. Wo ma ale sako kɛ fɔ ka bɛsɛnu kɔ kɔlɔma-kuru-wɛnu kɔrɔ. Ale Mari kan le kɛ la.

Yɛrɛmaya 8:3

Mari Sɛnbɛ-Bɛɛ-Tigi ko wole, mɔgɔ-yogomɛ toe minnu tonɛ, a si wo gben wola nyamanɛ rɔ, ado gbɛlɛyɛ si karagbɛlɛ wonu bira nyamanɛ wonu tɔ ha saya-sɔgɛ ni wo bira a ye wo ranyɛnsɛnna kan min.

Isikiyɛli 18:28

A ya a lɔn a ye min kun na, woletɔ a ya a bɔ wo da kun tɔ. A ti faga kɔnɔ a si to a niyi la.

Isikiyɛli 6:9

Minnu si to biralɛ rɔ nyɔ rɔ, wonu si anu miri n ma. Anu si a lɔn yati, ko nde le ya anu tɔrɔ ka anu nayarabi bawo bɛsi-kɔ-koe diyara anu ye nde bato koe ko, ado anu bara anu kan-kɔ sɔ nde la. Anu si tɛgɛ anu nyɔgɔn tɔ kasikasi, ka a tɛgɛ anuna wunduyogoyɛ anubɛ kisimiriya-koenu ma.

Sakaraya 10:9

A ko hali ale ara a ma, anu ta ara nyɛnsɛn sibolo-gbɛrɛnu tɛma, hali anu bi wula-yan wonu na, anu si anu miri ale ma. A ko anubɛ anuna dannu si to anu niyi la ha anu ni anu kɔ sɛgi anu nyɔgɔn fɛ.

Luka 15:17

Tɔ-a-la, a ya a hɛnkili masɔ. A miriya tara a fala wɔli-kɛlɛnu ma. Wonu bi fen dɔnna, anu ti a ban kɔnɔ ale ye fagala nyɔ kɔnkɛ bolo!

Tɔn-Fɔɛ-Fila-Nyɔgɛ 28:28

Mari si wo kumakɔ ka wo fiyonya. Wo ni ma tɔlɔn-tɔlɔn!

Tɔn-Fɔɛ-Fila-Nyɔgɛ 28:64

“Ka a fɔlɔ duninya-tonko kelan ma ha ka a sigi a tonko-doi la, Mari si wo ranyɛnsɛn sibolo-gbɛrɛkɛ-mɔgɛnu tɛma. Wo tenbi anu tɛma, hali wo benbanu ma bɛsɛ minnu kɔ, wole si wonu kɔ. Kɔlɔma-malɛsɛnɛ anubɛ kuru-malɛsɛnɛ le wonu na.

Tɔn-Fɔɛ-Fila-Nyɔgɛ 29:27

Woletɔ Mari fonde bɔra anu kuma ka kasarɛ sigi anuna dugi la. Dankɛ min bɛɛ sɛbɛnɛ buku kɛ rɔ, wo ya anuna dugi bira.

Tɔn-Fɔɛ-Fila-Nyɔgɛ 29:28

Marita fondo-belebele bɔra anu kuma ka anu wurun ka anu nabui nyamani-gbɛrɛnu tɔ fugbu! Anu bi nyɔ ha bi.’

Tɔn-Fɔɛ-Fila-Nyɔgɛ 30:15

“Bi, Mari ko a ara fan kɛnu sa wo kɔrɔ. Wo ni wota bi kɛnu tɔ, ko-nyimɛ anubɛ ko-yogomɛ, simayɛ anubɛ fagalɛ.

Tɔn-Fɔɛ-Fila-Nyɔgɛ 30:19

Kaka, nde nyɛrɛ fanan bi fɛrɛ dila wo ma ka wota bi duwɛ anubɛ dankɛ tɛma, simayɛ anubɛ fagalɛ tɛma. San-kole anubɛ dugu-kole si ma sereyɛ la wota bi-koe kɛ rɔ. Nde, Musa ko wo ni simayɛ bi.

Tɔn-Fɔɛ-Fila-Nyɔgɛ 32:36

“Mari wa a lɔn tumɛ min fanka sa wole Isirɛla mɔgɛnu na tun, a si wo kisi. A wa a yen wo niyi sani ma wola bɛsɛnu kuma tun, a si kinikini wole, a batolɛnu ma.