Tɔn-Fɔɛ-Fila-Nyɔgɛ 3:8 - ALLALA KUMƐ

⁸ “Ma ya nyamanɛ min bɛɛ sɔrɔn Yorodan bɛ tele-bɔɛ wara la mansa filɛ wonu bolo, a dabirɛ le Anɔn bɛ ma ha ka ta ke Hɛrɔman kɔnkɛ ma.

Tɔn-Fɔɛ-Fila-Nyɔgɛ 3:8 ပူးပေါင်းရင်းမြစ်များ

1 Mansɛnu 4:19

Yurila den Kibɛri ye Kaliyadi sigisɔn-nyamanɛ kun na. Sigisɔn wo ye Amora mɔgɛnuna Mansa Saihɔn anubɛ Basan mɔgɛnuna Mansa Ɔku bolo nun. Ale kelen pe le kun-tigiyɛ la sigisɔn wo rɔ.

1 Ko-Kɔrɔta-Karan 5:23

Manasa bɔnsɔn-talɛ minnu bi Yorodan bɛ tele-bɔɛ wara la, wonu tara sigi Basan nyamanɛ rɔ. Anu tara sigila kantɔ-wara la ha ka ta ke Beyali-Hɛrɔman soe dafɛ anubɛ Siniri kɔnkɛ kɔrɔ, anu bi a fɔla kɔnkɛ min ma fanan ko Hɛrɔman. Anu tora yirila nyɔ ka siyaya.

Yaburi 42:6

N bi n yogenu bolo min kɛ, n yisi tinyanɛ bawo kɛlɛ ara ta n na. Wo le ya a ma, n ya n miri nta Alla ma. Alla ara yakɔrɔ-mamɔɛ lana n ma iko wasa-belebele-wɛ tenbi sɔnkɔla kurinu kuma. A kuman-kan manɛ iko wasɛ min bi bɔla Hɛrɔman anubɛ Misa kɔnkɛnu kuma ka ta a labila Yorodan bɛ ma.

Yaburi 89:12

Ka a bi nyamanɛ kɛ kantɔɛ ma ha dugulɛ, ile le ya wo dan. Tebɔ kɔnkɛ anubɛ Hɛrɔman kɔnkɛ ye sigi sala i ye sewɛ bolo iko mɔgɛnu.

Tɔn-Fɔɛ-Fila-Nyɔgɛ 4:47

Musa anubɛ Isirɛla mɔgɛnu bɔɛ Iyipiti nyamanɛ rɔ ka na nyɔ, anu ya mansɛ wonubɛ ala mɔgɛnu nɔ. Anu sigira Mansa Saihɔn anubɛ Mansa Ɔkula nyamanɛnu tɔ. Mansa Ɔku, wotɛ le Basan nyamanɛ la nun. Isirɛla mɔgɛnu ya nyamanɛ min bi tele-bɔɛ wara la,

Tɔn-Fɔɛ-Fila-Nyɔgɛ 4:48

dan wo le ya a fɔlɔ Arɔra soe ma min bi Anɔn bɛ dafɛ. Dan wo le tara fɔ Hɛrɔman kɔnkɛ ma, anu bi a fɔla min ma fanan ko Siriyon kɔnkɛ.

Yasowa 12:1

Mansɛ le kɛnu na Isirɛla mɔgɛnu ya minnu nɔ nun ka anuna soenu bi yanni anu ni tenbi Yorodan bɛ kɔma tele-bɔɛ wara la. Mansɛ kɛnuna nyamanɛ ya a dabira Anɔn bɛ ma ha ka ke Hɛrɔman kɔnkɛ ma anubɛ wo soenu ma minnu bi wulɛ rɔ tele-bɔɛ wara la.

Yasowa 13:8

Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ ya anuta nyamanɛ sɔrɔn nun, Marita wɔli-kɛlɛ, Nɛbi Musa ya min di anu ma nun Yorodan bɛ kɔma tele-bɔɛ wara la.