Tɔn-Fɔɛ-Fila-Nyɔgɛ 3:27 - ALLALA KUMƐ

²⁷ Mari ya a fɔ n ye tun ko, ‘I si min ma, yɛlɛ Pisiga kɔnkɛ kuma. I ni lanyiri-nyamanɛ mafɛlɛn. I ni dugula-waralɛ mafɛlɛn anubɛ kantɔ-waralɛ. Wo kɔma, i ni tele-bɔɛ waralɛ mafɛlɛn anubɛ tele-yigi waralɛ. A mafɛlɛn a kila-bɛrɛbɛrɛ fɛ bawo wo sɛ sa i ye ka Yorodan bɛ wo tɛgɛ.’

Tɔn-Fɔɛ-Fila-Nyɔgɛ 3:27 ပူးပေါင်းရင်းမြစ်များ

Yilan-Yilan Koe 20:12

Kɔnɔ Mari kumara Musa anubɛ Aruna ma. A ya a fɔ anu ye ko, “Bawo wo ma la n na ka nta kumɛ bira ka nta gbiliyɛ anubɛ nta fanka yira mɔgɛnu na min kɛ, woletɔ wo ti sɔ mɔgɛ kɛnu yarɔ ka ta anu na lanyiri-nyamanɛ rɔ n bara min di wo ma.”

Yilan-Yilan Koe 23:14

Anu tara Pisiga kɔnkɔ-ralɛɛnɛ kuma. Kan tinɛ wo tɔgɛ le, “Nyamanɛ Mafɛlɛn Tinɛ.” Mansa Balaki ya saraka-mintan-tina wɔrɔnfila ladan nyɔ ka tura kelen anubɛ saga-kɔndɔn kelen mintan saraka-mintan-tina-kelen-kelannu kuma.

Yilan-Yilan Koe 27:12

Mari ya a fɔ Musa ye tun ko, “Ta Abarim kɔnkɛ kuma. N bi nala nyamanɛ min dila Isirɛla mɔgɛnu ma, i ni wo bɛɛ mafɛlɛn.

Tɔn-Fɔɛ-Fila-Nyɔgɛ 1:37

Wole Isirɛla mɔgɛnu denu ya a ma, Mari fonde bɔra nde, Musa kuma. A ko hali nde fanan ti n kian sɔ lanyiri-nyamanɛ wo rɔ mumɛ!

Tɔn-Fɔɛ-Fila-Nyɔgɛ 31:2

“N bara san kɛmɛ ani san mogan bɔ. N ti ke wola kun-tigiyɛ nɔla tun. Min sanɛ wo kuma, Mari ara a fɔ n ye ka a gbɛ feu, ko n ti Yorodan bɛ tɛgɛ tun.

Tɔn-Fɔɛ-Fila-Nyɔgɛ 32:49

“Mohabu nyamanɛ kɛ rayen Yɛrikɔ soe ya-telen tɔ Abarim kɔnkɛnu bi kan min. Ta, i ni yɛlɛ Nibɔ kɔnkɛ kuma nyɔ rɔ. I ni Kenan nyamanɛ mafɛlɛn n bi nala min dila Isirɛla mɔgɛnu ma.

Tɔn-Fɔɛ-Fila-Nyɔgɛ 32:52

N bi nala nyamanɛ min dila Isirɛla mɔgɛ kɛnu ma, i si wo mafɛlɛn wula-yan la kɔnɔ i ti i kian sɔ nyɔ.”