Tɔn-Fɔɛ-Fila-Nyɔgɛ 3:24 - ALLALA KUMƐ

²⁴ ‘Allatala, n ya a lɔn ko i ye ko-nyimɛ minnu kɛla ma ye yarɔma, i wara a fɔlɔtɛ yira n na ita kabana-koe fɛ kaka. Alla-gbɛrɛkɛ sa san-kole anubɛ dugu-kole ma min si ke kabana-koe ladanna iko ile.

Tɔn-Fɔɛ-Fila-Nyɔgɛ 3:24 ပူးပေါင်းရင်းမြစ်များ

2 Samuwɛli 7:22

E, n Tigi Mari, i makawara. I nyɔgɔn sa! Ka a dabira fɔlɔ ma ha ka a sigi kaka la, ma ya i kelen pe le lɔn Alla la.

2 Ko-Kɔrɔta-Karan 6:14

A ya Alla matara, a ko, “E, Isirɛlata Mari Alla, i nyɔgɔn sa san-kole rɔ anubɛ dugu-kole ma! Minnu bi tagamana ila kilɛ fɛ anu yisi-gbɛnɛ la, i ya ila lanyiri latɔnbagaya anu ye ka ila keninteyɛ yira anu na.

Nihɛmaya 9:32

“E, mata Alla, i makawara. I makilannɛ ita sɛnbɛ la. Sarama-kan min kirinɛ ma tɛma, ile ara itɛ latɔnbagaya. Kebi Asiriya mansɛnu ya ma tɔrɛ min dabira, ha bi, ma ye tɔrɔya kelen wo le kun na. Mala mansa wo, mala kun-tigi wo, mala saraka-masɔla wo, mala nɛbi wo, ma benbanu wo, anubɛ mala mɔgɛ toenu wo, ma dama ye tɔrɔyɛ wo rɔ. I yandi, i miri mala tɔrɔyɛ yirika ma.

Yaburi 106:2

Yon si ke Allata kabana-koe bɛɛ rakaranna? Yon si ke a tantola a kilɛ fɛ?

Yaburi 145:3

Mari makawara, ado a bɛnta, mɔgɛ ni a matɔgɔ. A makawa-nya ti yen.

Yaburi 145:6

Mɔgɛnu si ila ko-makawanɛnu bara-koe fɔ. Nde nyɛrɛ si ila bonya wara-koe rakaran.

Yaburi 150:2

A tanto ka a tɛgɛ ata kabana-koenu ma. A tanto ka a tɛgɛ a makawa-nya ma.

Yaburi 35:10

N si a fɔ Mari ye n sɛbɛ-kuna-wɛ la ko, “Ile Mari nyɔgɔn sa! Sɛnbɛ sa minnu na, i ni wonu nakisi sɛnbɛ-tiginu masibɛ ma. I si bolo-kolɔnnu tanka kensuntenu ma.”

Yaburi 71:19

E, Alla, ila telenbagayɛ kenɛ fɔɔ san-kole ma. I wara kabana-ko-siyaman kɛ, ado i nyɔgɔn sa.

Yaburi 86:8

E, n tigi, i rakɛn sa, ado i kolo bɛsɛ bɛɛ ko. Ha bi, mɔgɔ ma ko ma wɛ iko ile.

Yaburi 89:6

Mari, i rakɛn fenfen sa Arinyɛni tɔ. I nyɔgɔn-takɛn sa nyɔ nima-fannu tɔ.

Yaburi 89:8

E, Mari Alla Sɛnbɛ-Bɛɛ-Tigi, sɛnbɛ ye yon bolo iko ile? Ile Mari si koe bɛɛ ladan lanayɛ rɔ.

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Bɔ-Koe-Iyipiti 8:10

Mansɛ ko, “Nba, sina i ni na madiyali kɛ n ye.” Musa ko, “N si a ma iko i wara a fɔ n ye nya min alako i ni a lɔn ko Alla-dogbɛrɛ sa nyɔ min bi iko mata Mari Alla.

Bɔ-Koe-Iyipiti 9:14

N si tɔrɔya-fitinɛ lana mansɛ nyɛrɛ anubɛ ala mɔgɔ-banu anubɛ ala nyamanita-mɔgɛnu kuma. Anu ni a lɔn ko nde, Alla nyɔgɔn sa duninya kɛ rɔ.

Aiseya 40:18

Mɔgɛ si Alla sanka yon ma? Mɔgɛ si ke Alla faranfasɛ lɔnna kama?

Aiseya 40:25

Mɔgɛ si Alla-sɛnimɛ sanka fan mintan ma? A nyɔgɔn ye nyɔ?

Yɛrɛmaya 10:6

Mari, i nyɔgɔn sa. I makawara. I tɔgɛ mankan kolo.

Daniyɛli 3:29

Ale mansɛ ya a fɔ tun ko, “N bara ban a latɛgɛla bi, n ko ni mɔgɔ-wo-mɔgɔ ya mɔgɔ sawɛ kɛnuta Alla lafɛya, wo tigi si gbegbe ka ala bɔn ma sundu-kunyɛ la. Bɛsi-wo-bɛsi sa nyɔ min si ke mɔgɛ latankala iko kɛnutɛ.”

Yilan-Yilan Koe 23:23

Bɛsi sa nyɔ min si ko ma anu na. Suwagayɛ mako sa anu na. Mɔgɛnu si kawa anu ma, anu ni a fɔ ko, ‘Wo ni mɔgɛ kɛnu mafɛlɛn ba, Alla ya min ma anu ye.’

Tɔn-Fɔɛ-Fila-Nyɔgɛ 11:2

Wo ara a yen Mari ara kabana-ko-siyamɛ minnu kɛ wo yala. Wo nyɛrɛ-nyɛrɛ le kɛ sereyɛ la, wola dannu ma de! Nba, bi, wo ara hɛnkili min sɔrɔn Allata koe rɔ, ado wo ara ko-tenbinɛ minnu tayen wo yɛ la, wo ni wo miri wonu ma. Wo ya a lɔn ko a dan sa, ata fanka kolo.

Tɔn-Fɔɛ-Fila-Nyɔgɛ 3:23

“Wati wo nyɛrɛ rɔ, n ya Alla matara ko,

Tɔn-Fɔɛ-Fila-Nyɔgɛ 32:3

N si Mari Alla tɔgɛ tanto. Ata mɔgɛnu si a tanto ata kabana-koela ko la.