Tɔn-Fɔɛ-Fila-Nyɔgɛ 3:21 - ALLALA KUMƐ

²¹ “Wo kɔma, n ya a fɔ Yasowa ye ko, ‘Wota Mari Alla ara min ma Mansa Saihɔn anubɛ Mansa Ɔku la, i wara a yen i nyɛrɛ yɛ la serr! I tara nyamani-wo-nyamani kɛlɛ, Mari si wo nyɔgɔn ma wo ye.

Tɔn-Fɔɛ-Fila-Nyɔgɛ 3:21 ပူးပေါင်းရင်းမြစ်များ

Yaburi 9:10

Mari, minnu ya i lɔn, wonu lara i la kosɛbɛ! Min bi nala ile ma, i ti wonu boloka.

2 Kɔrɛnti 1:10

A ya ma kisi saya-masiba-wa-su wo ma, ado a si to ma kisila. Wo ye ma dɛnbɛna wola madiyalɛnu tɔ tumɛ min, ma ara ban ma yigi sala a kuma ko a si ma kisi tun. Mɔgɔ siyaman bi anu kan nabɔla Alla ma ka baraka bira a ye mala ko la, ado Alla si wonu yabi ka duwɛ layigi ma kuma.

2 Kɔrɛnti 12:10

Woletɔ n bi fɛrɛta-dumɛ wo kɔrɔ, hali mɔgɛnu ba n manyini wo, gbɛlɛyɛ wa na n ma wo, mɔgɛnu ba n tɔrɔ Kirasitila ko la wo, n sewanɛ wo bɛɛ rɔ. Bawo ni n sɛnbɛ sa tumɛ min, Allata sɛnbɛ ye n tɔ worɔ.

Ɛfɛsa 3:20

Nba, Alla si ke ka ko-belebele-wɛ kɛ ka tenbi mala taralɛ anubɛ ma miriyanu na iko ata sɛnbɛ ye wɔlila ma rɔ nya min.

Tɔn-Fɔɛ-Fila-Nyɔgɛ 3:20

N ko anu ni anu ta-nyɔgɛnu dɛnbɛ ha anu fanan ni anu sigi-bole rabɛn yisi-kimɛ rɔ Yorodan bɛ kɔgɔma tele-yigi wara la, Mari ya lanyiri kiri anu ye nyamanɛ minna ko la nun. Mari ara ban anutɛ rabɛnna anu ye. N ko anu ba ban anu na-kelen-nyɔgɛnu dɛnbɛna kɛlɛ la, anu denu fanan si sɛgi anu kɔma-kilɛ la ka na anu sigi anuta nyamanɛ kɛ rɔ yan.

Tɔn-Fɔɛ-Fila-Nyɔgɛ 3:22

Wo kana kilan anu na. Wota Mari Alla nyɛrɛ si kɛlɛ kɛ wo ye.’

Tɔn-Fɔɛ-Fila-Nyɔgɛ 7:19

Wo ni wo miri tɔrɔya siyamɛ wonu ma Mari ya min sigi anu ma wo fanu yala. Wota Mari Alla ya ata kabana-koenu anubɛ ata fanka mayira ka wo kunka. A ya Iyipiti mɔgɛnu kasara nya min, wo kilannɛ Kenan nyamanita-mɔgɛ minnu na, a si wonu fanan kasara wo nya na le.

Yasowa 10:25

Yasowa ya a fɔ ala kɛlɛ-den-kun-tiginu ye tun ko, “Wo kana kilan. Wo yisi kana tinya. Wo ni wo yisi gbɛlɛya ka kerinteya bawo wola Mari si wo yoge bɛɛ don wo bolo.”