Tɔn-Fɔɛ-Fila-Nyɔgɛ 3:16 - ALLALA KUMƐ

¹⁶ Ka a dabira Kaliyadi nyamanɛ ma ha ka ta ke Anɔn bɛ ma, n ya wonu di Rubɛn anubɛ Kadi bɔnsɔnnu ma. Dan min bi tala dugu la, wo dan le Anɔn bɛ tɛmɛ la. Dan min bi tala kan tɔ, wo fanan dan le Yabɔki bɛ la min bi anubɛ Amonnu dan la.

Tɔn-Fɔɛ-Fila-Nyɔgɛ 3:16 ပူးပေါင်းရင်းမြစ်များ

Ko-Dabirɛnu 32:22

Suyi wo nyɛrɛ rɔ, Yakoba ya a lasɔ ka ala musu filɛ anubɛ wonuna solo-dununa filɛ bi. A ya ala den mɔgɔ tan-ni-kelan fanan bi. A ya anu natɛgɛ yi do la min tɔgɛ Yabɔki.

2 Samuwɛli 24:5

Anu ya Yorodan bɛ tɛgɛ tumɛ min, anu ya anu daga makɛ Arɔra soe dugu la. Arɔra soe wo sɔnɛ lɛɛ tɛma Kadi bɔnsɔn-mɔgɛnuna nyamanɛ rɔ. Anu bɔra nyɔ ka yɛlɛ kan tɔ ka ta Yasa soe burɔ.

Yilan-Yilan Koe 21:24

Kɔnɔ hali Amora kɛlɛ-dannu nara fanka la anu kan ma, Isirɛla mɔgɛnu ya mansɛ anubɛ ata mɔgɛnu nɔ. Isirɛla mɔgɛnu ya anuna nyamanɛ bi ka bɔ Anɔn bɛ ma ha ka ke Yabɔki bɛ ma ha tele-bɔɛ ma Amon mɔgɛnu bi kan min. Anu ma ke donna Amonnuna nyamanɛ rɔ bawo wonuna dan fɛ-biranɛ anu bolo gben!

Tɔn-Fɔɛ-Fila-Nyɔgɛ 2:37

Kɔnɔ ma ma gbɛrɛn Amonnuna nyamanɛ ma anubɛ Yabɔki bɛ ma. Ma ma gbɛrɛn soe wonu ma minnu bi kɔnkɔ-nyamanɛ rɔ anubɛ kan tinɛ wonu tɔ ma Mari Alla ma sɔn ma ni ke kan min.”