Tɔn-Fɔɛ-Fila-Nyɔgɛ 3:14 - ALLALA KUMƐ

¹⁴ Manasa kegeyɛ do min tɔgɛ Yeya, wo tara bui Agabi sigisɔn-mɔgɛnu ma ka soe wonu bi min bi Basan nyamanɛ rɔ ha ka ta ke Kɛsɔra anubɛ Meyaka nyamanɛnu da kɔrɔ. A ya a tɔgɛ sa soe wonu kuma ka wonu kele ko Yeyaya. Ha bi, anu bi soe wonu kelela wo nya na le.

Tɔn-Fɔɛ-Fila-Nyɔgɛ 3:14 ပူးပေါင်းရင်းမြစ်များ

2 Samuwɛli 10:6

Amonnu ya a lɔn min kɛ ko anu bara Mansa Dawuda ma anu yoge la, anu tara Siriya kɛlɛ-dan mɔgɔ waga mogan (20,000) masan Soba soe anubɛ Bɛti-Rihobu soe burɔ. Anu tara mɔgɔ waga tan-ni-fila masan Tɔbu nyamanɛ rɔ fanan. Anu tara Meyaka nyamanita mansɛ wara ka ale anubɛ ala kɛlɛ-dan mɔgɔ waga kelen (1,000) masan.

2 Samuwɛli 13:37

Abasalɔm ya a buri. A tara a sigi Amihudila den Mansa Talamayi warɛ min bi Kesa nyamanɛ kun na. San sawa a ye nyɔ. Mansa Dawuda mɛra ala den Aminɔ dila.

2 Samuwɛli 14:23

Ale Yohabu ya a lasɔ. Mansɛ ya a fɔ a ye ko, “N kana Abasalɔm yen n yɛ la. A ni ta a halala-bɔn la.” A tara Abasalɔm bi tinɛ Kesa nyamanɛ rɔ ka na a la Yerusalɛm soe burɔ. Abasalɔm nanɛ, a tara sigi a halala-bɔn la. A ma mansɛ yen a yɛ la.

2 Samuwɛli 20:26

Aira min bɔra Yeyaya soe burɔ, saraka-masɔlɛ do le wo fanan na.

2 Samuwɛli 23:34

Ahasabayila den Ilifɛlɛti ka bɔ Meyaka soe burɔ, Ahitafɛlila den Ɛliyamu ka bɔ Kailo soe burɔ,

2 Samuwɛli 3:3

Ala dan fila nyɔgɛ tɔgɛ le Keleyabu. Wo na le Abigɛli la, Nebalila musu-tonɛ, kɔni min bɔra Kamɛli soe burɔ. Ala dan sawa nyɔgɛ tɔgɛ le Abasalɔm. Wo na le Meyaka la. Mansa Talamayi min bi Kesa nyamanɛ kun na, wola dunmusi le kɛ la.

Yaburi 49:11

Anuna kaburu si ma anu barɛ la tɛban! Hali dugi ye anu bolo kɔrɔma la, anu ya a laban kanbɛ le tɔ.

Yɛrɛmaya 40:8

Nɛtanayala den Sumanyila wo, Kareyala dannu Yohenan anubɛ Yonatan wo, Tanhumɛtila den Sɛraya wo, Ifayila dan minnu bɔra Nɛtofa soe burɔ wo, anubɛ Yeyasanaya min bɔra Meyaka soe burɔ wo, wonubɛ anuna kɛlɛ-dannu tara kofu Kɛdalaya ma Misipa soe burɔ.

Yilan-Yilan Koe 32:41

Makiri kegeyɛ min tɔgɛ Yeya, wo fanan tara bui soe donu ma Kaliyadi nyamanɛ rɔ ka soe wonu tɔgɔ sa Yeyaya.

Tɔn-Fɔɛ-Fila-Nyɔgɛ 3:13

Kaliyadi nyamani-toe anubɛ Basan nyamanɛ, Mansa Ɔku ye kan min nun, kɔni, n ya wonu di Manasa bɔnsɔn-talɛ ma. (Agabi sigisɔn min bi Basan nyamanɛ rɔ, anu bi nyɔ kelela nun ko Rɛfɛnnuna nyamanɛ.)

Tɔn-Fɔɛ-Fila-Nyɔgɛ 3:4

Ma ya anuna so-kun bi-wɔrɛ mumɛ bɛɛsi bira-a-la minnu bi Agabi sigisɔn rɔ Basan nyamanɛ rɔ, Mansa Ɔkuta nyamanɛ, kɔni.

Yasowa 12:5

Ɔkula nyamani-dabirɛ le Hɛrɔman kɔnkɛ ma ha ka ke Salaka soe ma ha ka ke Mansa Saihɔnta nyamani-dan ma Kaliyadi nyamanɛ rɔ anubɛ Basan nyamanɛ bɛɛ ha ka ke Kesa anubɛ Meyaka nyamani-dannu ma.

Yasowa 13:13

Hali wo bɛɛ rɔ, Isirɛla mɔgɛnu ma Kesa anubɛ Meyaka mɔgɛnu gben. Wonu siginɛ tora anu tɛma ha kaka.