Tɔn-Fɔɛ-Fila-Nyɔgɛ 3:11 - ALLALA KUMƐ

¹¹ (Mansa Ɔku kelen pe le tonɛ a niyi la nun Rɛfɛnnu tɔ. Kɔnɔ tɔ-a-la, anu ya a faga. A ya ala nɛgɛ-sofa min nadan, wola yanyɛ, nunkan-nya kɔnɔntɔ. A kɔnɛ, nunkan-nya nani. Ha kaka, ala nɛgɛ-sofa ye Raba soe burɔ Amonnuna nyamanɛ rɔ.)

Tɔn-Fɔɛ-Fila-Nyɔgɛ 3:11 ပူးပေါင်းရင်းမြစ်များ

Ko-Dabirɛnu 14:5

A san tan-ni-nani nyɔgɛ ma, Mansa Kɛdolama anubɛ mansɛ minnu bi a dafɛ tele bɔɛ wara la, wonu tara sibolo-gbɛrɛkɛ-mɔgɛnu kɛlɛ tinɛ. Anu ya mɔgɔ-layan-bɛnu kɛlɛ Asirokanam soe burɔ. Anu ya Susinnu kɛlɛ Hama soe burɔ. Anu ya Eminnu kɛlɛ Kiriyateyim lɛɛ rɔ.

Ko-Dabirɛnu 6:15

I ni a suma nya min, wo le kɛ la. Kulɔn wo yanyɛ ni ma nunkan-nya kɛmɛ sawa la. A kɔnɛ ni ma nunkan-nya bi-loli la. A sɔɛ ni ma nunkan-nya bi-sawa la.

2 Samuwɛli 11:1

Mansɛnuna kɛlɛ-kɛ-wati kenɛ, Mansa Dawuda ya Yohabu anubɛ ala mɔgɔ-banu anubɛ ala kɛlɛ-dan bɛɛsi lata. Anu ya Amonnu nɔ ha ka ta anuna so-karantan Raba soe lafoo ka ta bui anu ma. Kɔnɔ Mansa Dawuda tora Yerusalɛm soe burɔ.

2 Samuwɛli 12:26

Wati wo mumɛ kɔrɔ, Yohabu ye Amonnu kɛlɛla anuna so-karantan, Raba soe burɔ. A ara anu tagbɛrɛn. A ara to sɛ, a ni anuna mansa soe wo bi anu bolo.

Yɛrɛmaya 49:2

Wati ye nala, mɔgɛ minnu siginɛ Amonnuna so-karantan Raba burɔ, Mari ko a si a ma, wonu ni kɛlɛ-sɔnkɛ lamɔɛn. Soe wo si to tonbonyɛ la. A dafɛ-so-mɛsɛnu si mintan gburr! Minnu ya kan-tinɛ wonu bi Isirɛla mɔgɛnu bolo nun, Isirɛla mɔgɛnu fanan si anu gben nyɔ.

Isikiyɛli 21:20

min si Amonnuna soe Raba yira mansɛ la. Mandan wo si Yuda kɛnuna so-latankanɛ Yerusalɛm yira ale mansɛ fanan na.

Isikiyɛli 25:5

N si anuna so-karantan Raba ma nyomɛnu namara-tinɛ la, ado n si ale Amon nyamanɛ bɛɛ ma sagɛnu namara-tinɛ la. Ka a tɛgɛ wo ma, anu si a lɔn wo le ma ko Mari le nde la.

Emɔsi 1:14

Wo sɔn, wonu denu bi a mala, a ye tɛ layigila wola soe kuma, Raba, kɔni, ka anubɛ a tarɛ mintan gburr! Wo wati rɔ, sɔnkɔ-sɔnkɔ anubɛ kɛlɛ si taran nyɔ rɔ. Kɛlɛ si gbɛlɛya wo kuma iko banda-fin-fɔnyɔ.

Emɔsi 2:9

“Mari ko hali wo, wo ni la a la ko ale le nara wo la ka bɔ Iyipiti nyamanɛ rɔ. San bi-nani, a sɔnɛ wo yarɔ wulɛ rɔ. Wo ni wo miri wo yogenu ma, Amoranu, kɔni. Anu yan, anu kolo, anu tagbɛlɛ kɔnɔ Mari ya anu halaki wolela ko la. A ya anuta nyamanɛ di wo ma ka a ma wo halalɛ la.

Tɔn-Fɔɛ-Fila-Nyɔgɛ 2:11

Anu si kɛnubɛ Anakim mɔgɛnu kele ko Rɛfɛnnu kɔnɔ Mohabu kɛnu bi anu kelela ko mɔgɔ-makilannɛnu.

Tɔn-Fɔɛ-Fila-Nyɔgɛ 2:20

(Fɔlɔfɔlɔ nun, Rɛfɛnnu siginɛ Amonnuna nyamanɛ rɔ. Amonnuna nyamanɛ kɛ tɔgɛ le nun ko Rɛfɛn nyamanɛ kɔnɔ Amon wonu bi Rɛfɛn kɛnu kelela ko Samisuminu.

Yasowa 12:4

Mansa fila nyɔgɔn le Mansa Ɔku la. Wo ye Basan nyamanɛ rɔ, ado a siginɛ Asitɔra anubɛ Ɛdiriya soenu tɔ. A bɔra Rɛfayim bɔnsɔn-mɔgɛnu tɔ kɔnɔ ata kebilɛ ma ara dɔgɔya.

Yasowa 13:12

Mansa Ɔku min taranta sigini Asitɔra anubɛ Ɛdiriya soenu tɔ fɔlɔ nun, wota nyamanɛ fanan bi nyamanɛ wo rɔ. Musa ya nyamanɛ kɛ nɔ Isirɛla mɔgɛnu ye fɔlɔn.

Lankɛnimayɛ 21:17

Melika ya tarɛ fanan suman. Ala yanyɛ nunkan-nya kɛmɛ kelen, nunkan bi-nani ani nunkan nani (144) iko mɔgɛ wola fen-suman-fan wola yanyɛ ye nya min.

1 Samuwɛli 17:4

Filisitinuna kɛlɛ-kurugbɛ min bɔra Kati soe burɔ, a tɔgɛ Kolati. Wo nara Isirɛla mɔgɛnu kan ma. A sɔra anu yakɔrɔ ka a kɔgɛ raka anu telen tɔ. Ala yanyɛ, nunkan-nya wɔrɔ.