Tɔn-Fɔɛ-Fila-Nyɔgɛ 29:9 - ALLALA KUMƐ

⁹ “Wo si tɔn bɛɛ bira lanyiri kɛ rɔ, woletɔ koe bɛɛ si ta a kilɛ fɛ wo bolo.

Tɔn-Fɔɛ-Fila-Nyɔgɛ 29:9 ပူးပေါင်းရင်းမြစ်များ

1 Mansɛnu 2:3

Ita Mari Alla ya tɔn minnu di Nɛbi Musa ma, i ni wonubɛ ata kumɛ bɛɛsi bira, woletɔ i wara-koe si sabati.

2 Ko-Kɔrɔta-Karan 20:13

Yuda nyamanita-mɔgɛnu, a keimɛ wo, a musumɛ wo, anubɛ dennɛnu, anu bɛɛ sɔra Bato-Bɔn yarɔ.

2 Ko-Kɔrɔta-Karan 31:21

A wara-koe tara yarɔ bawo a ya min bɛɛsi ma Bato-Bɔn mabɛn-koe rɔ anubɛ ka tɔn bira a kilɛ fɛ, a ya wo bɛɛsi ma a yisi bɛɛ la Alla ye.

Yaburi 25:10

Minnu bi ata sarama-kan birala, a si ala telenbagayɛ anubɛ keninteyɛ yira wonu na.

Yɛrɛmaya 50:5

Anu si Yerusalɛm kilɛ manyinika alako anu ni bɔ nyɔ-kilɛ la. Anu denubɛ Mari si sarama-kan kiri anu nyɔgɔn tɛma min ti tinya muk!

Luka 11:28

Kɔnɔ Yisa ya a fɔ a ye ko, “Minnu sewanɛ ka tenbi wo la, wo le, minnu bi Allala kumɛ lamɔɛnna ka a bira gben!”

Tɔn-Fɔɛ-Fila-Nyɔgɛ 29:1

Kuma-kolomɛ le kɛnu na Mari ya minnu lanyiri kiri Musa ye wo tumɛ Isirɛla mɔgɛnu bi Sinayi kɔnkɛ dafɛ. Kaka, a ye nala kumɛ wo le makofuli-kɛla Mohabu nyamanɛ rɔ.

Tɔn-Fɔɛ-Fila-Nyɔgɛ 29:10

Wola kun-tiginu wo, wola mɔgɔ-banu wo, keinu

Tɔn-Fɔɛ-Fila-Nyɔgɛ 31:12

Wo ni mɔgɛ bɛɛ kele kan-tina-kelen, kei wo, musi wo, dennɛnu wo, anubɛ sundan minnu siginɛ wo tɛma. Mɔgɛ bɛɛsi ni bɛn a karan rɔ woletɔ anu si wota Mari Alla gbiliya ka ata kumɛ bira.

Tɔn-Fɔɛ-Fila-Nyɔgɛ 4:6

Ni wo ya tɔn kɛnu bira, wo si a yira sibolo-gbɛrɛnu na ko hɛnkilimɛ le wole la. Anu ba wola tɔn kɛnu wara-koe lamɔɛn, fɔ anu ba a fɔ ko, ‘Mɔgɛ kɛnu kusan ko ladanna, anu hɛnkili kolo.’ ”

Tɔn-Fɔɛ-Fila-Nyɔgɛ 5:3

A ma lanyiri kiri ma benbanu dɔrɔn ye de! A ya a kiri male fanan ye, male min bi yan bi, kɔni.

Yasowa 1:7

I ni i yisi gbɛlɛya ka i wakila. I ni nna kumɛ bira iko n ya tɔnnu fɔ Musa ye nya min. Hali tɔn kelen, i kana nyina wo ko. I wa ta kan-bo-kan wo rɔ, n si to i fɛ ka i wara-koe sabati.

Yasowa 1:8

I ni i miri nta tɔnnu ma ka i hɛnkili to wonu ko su-ni-tele. Minnu sɛbɛnɛ tɔn kɛ rɔ, i ni a ma i fɛrɛma wo bɛɛla ko la. Ni i ya wo ma, i wara-koe si sabati.

Yasowa 24:1

Yasowa ya Isirɛla bɔnsɔn bɛɛsi kele Sɛkɛm soe rɔ, katarala a kina wo, a mɔgɔ-ba wo, a kun-tigi wo, anubɛ a kiti-tɛgɛlɛnu ma. Wonu dama nara anu sɔ anu nyɔgɔn fɛ Marila Bɔn yakɔrɔ.

Yasowa 8:35

Yasowa ya tɔn wo bɛɛ karan min sɛbɛnɛ Musa bolo mɔgɛ bɛɛ yala, hali musinu anubɛ dennɛnu anubɛ anuna sundan minnu bi anu tɛma.