Tɔn-Fɔɛ-Fila-Nyɔgɛ 29:5 - ALLALA KUMƐ

⁵ San bi-nani kɔrɔ, Mari ye wo yarɔ wula-da-rakolɔn rɔ, wola kurɛnu ta ma fara anubɛ wola sanbarɛnu.

Tɔn-Fɔɛ-Fila-Nyɔgɛ 29:5 ပူးပေါင်းရင်းမြစ်များ

Nihɛmaya 9:21

San bi-nanɛ wo bɛɛ kɔrɔ, i ye anu makoe nyinyala. Anuna kurɛnu ta ma fara. Anu kiannu ma yiri.”

Yaburi 78:24

A ya Arinyɛnɛta biredi labɔ san-kole rɔ iko bandɛ. Ale dɔn-fan wo min tɔgɛ mana, a ya wo le ma anuna dɔn-fan la.

Bɔ-Koe-Iyipiti 6:7

N si Isirɛla mɔgɛ wonu ma nta mɔgɛnu na. Nde si ma anuta Alla la. N ba anu nabɔ yɔɔnyɛ rɔ Iyipiti kɛnu kɔrɔ tumɛ min, anu si n lɔn anuta Mari Alla la.

Bɔ-Koe-Iyipiti 7:7

Wo wati rɔ, Musa sɔrɔn ara san bi-segin bɔ. A kɔrɔ Aruna wo ara san bi-segin ani san sawa bɔ.

Yilan-Yilan Koe 14:33

Wola dannu si yilan-yilan wo fɛ wulɛ rɔ san bi-nani kɔrɔ. Anu si tɔrɔyɛ sɔrɔn wola dɛnkɛninyabɛlitayɛla ko la ha kina wo dama ni faga.

Matiyu 10:10

Bɔrɔ wo, duruku fila nyɔgɔ wo, sanbara wo, hali sewuri, wo kana ta wo fenfen na wo bolo tagama wo rɔ. Wo makoe taranta fan minnu na, wo ye tala minnu bara, wonu si wo di wo ma.

Tɔn-Fɔɛ-Fila-Nyɔgɛ 1:3

Mansa filɛ min bi Amora mɔgɛnu kun na nun, mansa kelan wo tɔgɛ le Saihɔn. Wo siginɛ soe do rɔ min tɔgɛ Hɛsibɔn. Doi min tɔgɛ Ɔku, wo le ye Basan nyamanɛ kun na. A siginɛ soe do rɔ min tɔgɛ Asitɔra. Isirɛla mɔgɛnu ya Mansa Ɔku faga Ɛdiriya soe burɔ. Anu ya Mansa Saihɔn fanan faga wulɔn. Wo kɔma, Isirɛla mɔgɛnu tara anu sigi Mohabu nyamanɛ rɔ Yorodan bɛ dafɛ tele-bɔɛ wara la. Anu bɔɛ Iyipiti san bi-nani, karɛ tan-ni-kelan, a tele fɔlɔtɛ ma, Musa ya Marita kumɛ faranfasi anu ye nyɔ.

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.

Tɔn-Fɔɛ-Fila-Nyɔgɛ 8:3

A ya a yira wo la ko wo makoe ye ale la woletɔ a ya wo lakɔnkɔ. Wo kɔma, a ya biredi-su do di wo ma hali wo benbanu ma min dɔn nun. A ya wo ma alako wo kana wo to dɔntɛ dɔrɔn ma, fɔ ale Allata kumɛ, wo ni ma wola dɔn-fan la.

Tɔn-Fɔɛ-Fila-Nyɔgɛ 8:4

San bi-nanɛ kɛ kɔrɔ, wola kurɛnu ma gbasa-gbasan wo ma, ado wo kiannu ma yiri.

Yasowa 9:13

Ma ya gbolo-bɔrɛ kɛnu nafa yi la tumɛ min, anu kurɛ le nun kɔnɔ kaka, anu mafɛlɛn, bɔrɛ bɛɛsi ara tinya. Mala kurɛnu anubɛ mala sanbarɛ bɛɛsi ara tinya tagama kɛ rɔ.”

Yasowa 9:5

Anu ya duruku-kore don anu kan na anubɛ sanbara-bɛtɛrɛnɛnu. Anu ya biredi-findikinɛnu fanan bi.