Tɔn-Fɔɛ-Fila-Nyɔgɛ 29:28 - ALLALA KUMƐ

²⁸ Marita fondo-belebele bɔra anu kuma ka anu wurun ka anu nabui nyamani-gbɛrɛnu tɔ fugbu! Anu bi nyɔ ha bi.’

Tɔn-Fɔɛ-Fila-Nyɔgɛ 29:28 ပူးပေါင်းရင်းမြစ်များ

1 Mansɛnu 14:15

Mari ko a si Isirɛla mɔgɛnu tɔrɔ. Anu ni to magala tɔrɔyɛ bolo iko binyɛ min bi yi rɔ. Mari ko bawo anu bara Asura bɛsɛ ladan musila muninyɛ la, wo ara a ladiminya. Wo le ye a mala, a ya ata dugu-hakikɛ min di anu benbanu ma, a si anu gben nyɔ rɔ. A si anu gben ka anu fui Yufereti bɛ-kɔgɔmɛ rɔ.

2 Mansɛnu 17:18

Mari diminyara Isirɛla mɔgɛnu ma ha a ya anu gben ka a kan-kɔ sɔ anu na. Fɔ Yuda nyamanɛ dɔrɔn, wo le tora.

2 Mansɛnu 17:23

Anu tora wo le la ha Mari ya a kan-kɔ sɔ anu na, ado a ara nɛbinu nata anu makawandi tinɛ nun. Wo le ya a ma, Asiriyanu nara anu bira ka ta anu na pon! Anu bi nyɔ ha bi.

2 Mansɛnu 17:6

Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Ko-Kɔrɔta-Karan 7:20

wo si a ma, n ni wo bɔ nyamanɛ kɛ rɔ. Wo kɔma, n ni n ban bɔn kɛ la min dantɛgɛnɛ n bato-koela ko la. Duninya-mɔgɛ bɛɛ si Bato-Bɔn wo ma mayɛlɛnma-fan la.

Ɛsira 9:7

Ka a bi ma benbanuta wati ma ha kaka, male, ita mɔgɛnu, ma hakɛ dan na ara tenbi. Ka a tɛgɛ ma hakɛnuna ko ma, mabɛ mala mansɛnu anubɛ mala saraka-masɔlɛnu kunyɛ ara don sibolo-gbɛrɛnu bolo. Anu bara ma mafaga ka ta mabɛ ma bolo-fannu na biralɛ rɔ pon! Anu bara ma layarabi kosɛbɛ, ado ha bi, ma ye yarabi kelan wo le kɔrɔ.

Yaburi 52:5

Woletɔ fɔ Alla wa i kasara pɔ! A si i gbɔrɔndo ila bɔn la. A si i wurun mɔgɛnu tɛma.

Yaburi 78:2

N bi nala hɛnkilimaya-kumɛnu fɔla minnu bi ko-dogonni-kɔrɛnu takaranna wo ye.

Hɛnkilimaya-Kumɛnu 2:22

Kɔnɔ minnu karagbɛlɛ, Alla si wonu wurun burutu, iko mɔgɛ si binyɛ wurun nya min sɛnɛ rɔ.

Hɛnkilimaya-Kumɛnu 25:2

Ma si Alla gbiliya bawo a sa-koe bɛɛsi sala ma ye gbɛ ma. Ma si mansɛnu fanan gbiliya bawo anu si koenu fɛsɛfɛsɛ a kilɛ fɛ.

Yɛrɛmaya 42:10

ni wo ye a fɛ wo ni to nyamanɛ kɛ rɔ, a si wo ma mɔgɛ la, a ti wo tinya tun. A ko a si wo ki, ado a ti wo wurun tun. A ko a nara kasarɛ min na wo ma fɔlɔ, wo ya a ma, a kinikinita wo ma.

Isikiyɛli 19:12

Kɔnɔ yisi-bɔɛ le ya a ma, anu ya a wurun ka a gbesi dugu la. Fɔn-kalamɛ ya a gbɔɛnu gbala ha a bolɔnnu kara a ma. Minnu gbalata, tɛ ya wonu mintan.

Isikiyɛli 19:13

Kaka, a kinɛ kɛnkɛn le tɔ dugu-gbalanɛ rɔ yi sa kan min.

Daniyɛli 2:22

Koe minnu nya-yen ma di anubɛ koe minnu dogonnɛ, ale le ye wonu nabɔla gbɛ ma mɔgɛ ye. Hali pinpirɔ-koenu, wonu bi gbɛ ma ale bolo bawo ale mayiginɛ wan-takanɛ rɔ.

Daniyɛli 9:7

Ile n Tigi, i ya ko-wo-ko ma, wo telennɛ kɔnɔ male waralɛ, ma ara koe min bɛɛsi ma, fenfen sa wo kɔma fɔ miliya-koe gbansan! A mara Yuda nyamanita-mɔgɔ la wo, a mara Yerusalɛm so-burɔ-mɔgɔ la wo, a Isirɛla mɔgɔ to wo, kɛlɛ tara minnu na wo, kɛlɛ ma ta minnu na wo, ma damasi ye kɛ yilikiyi kɔrɔ.

Tɔn-Fɔɛ-Fila-Nyɔgɛ 28:25

“Mari si a ma, wo yogenu si wo nɔ. Wo wa ta wo yogenu kɛlɛ tinɛ tumɛ min, wo si ta kila kelen fɛ kɔnɔ wonu si wo ranyɛnsɛn. Wole si belenna wo burila anu kɔrɔ kila-siyamɛnu fɛ. Ni mɔgɔ-gbɛrɛkɛnu ya wo tɔrɔya-nya yen, anu si kilan kati!

Tɔn-Fɔɛ-Fila-Nyɔgɛ 28:36

“Mari si wole anubɛ wola mansɛ lagbengben ka wo labɔ wola nyamanɛ rɔ ka ta wo don wo yogenu bolo anuna nyamanɛ rɔ. Wo yogenu si to wo gbenna ka ta wo la nyamanɛ do rɔ, wo ma wo kian sɔ wɛ kan min nun, hali wo benbanu. Wo wa ke wonu bole tɔ tumɛ min, wo si anuna bɛsɛnu kɔ. Kɔlɔma anubɛ kuru-malɛsɛnɛ le wonu na.

Tɔn-Fɔɛ-Fila-Nyɔgɛ 28:64

“Ka a fɔlɔ duninya-tonko kelan ma ha ka a sigi a tonko-doi la, Mari si wo ranyɛnsɛn sibolo-gbɛrɛkɛ-mɔgɛnu tɛma. Wo tenbi anu tɛma, hali wo benbanu ma bɛsɛ minnu kɔ, wole si wonu kɔ. Kɔlɔma-malɛsɛnɛ anubɛ kuru-malɛsɛnɛ le wonu na.

Tɔn-Fɔɛ-Fila-Nyɔgɛ 30:1

“Wota Mari Alla si wo ranyɛnsɛn wo yogenu tɛma. Hali wo ye tɔrɔyɛ kɛnu tɔ, wo hɛnkili si to wota bi-koe ko duwɛ anubɛ dankɛ tɛma.

Tɔn-Fɔɛ-Fila-Nyɔgɛ 32:34

“Mari ya a lɔn wo yogenu ya min ma. A ya anuna ko sigi a burɔ ha anu tɔrɔ-wati ni ke tumɛ min.

Tɔn-Fɔɛ-Fila-Nyɔgɛ 4:27

Wo kɔma, Mari si wo ranyɛnsɛn. Wo si basan sibolo-gbɛrɛkɛnu na. Wo siyaman si faga. Wo ma ni dɔgɔya.

Tɔn-Fɔɛ-Fila-Nyɔgɛ 6:24

Mata Mari Alla ya a fɔ ma ye ko ma ni tɔn kɛnu bira ka ale Mari gbiliya. Ni ma ya wo ma, a si ma kandan ka ma makoenu nyinya iko a ye wo mala nya min kaka.

Tɔn-Fɔɛ-Fila-Nyɔgɛ 8:18

Wo ni wo miri yati, ko wota Mari Alla le ya fan wonu di wo ma. A ye wonu mala wo ye bawo a ya lanyiri min kiri wo benbanu ye, wo kanbali-sɔgɛ ye a la.