Tɔn-Fɔɛ-Fila-Nyɔgɛ 29:23 - ALLALA KUMƐ

²³ Wola sɛni sa tinɛnu si ma kɔgɔ-dugi la. Fenfen ti ma-a-la wo bolo. Hali binyɛ ti ma-a-la nyɔ. Wola nyamanɛ si ma iko Sɔdɔm wo, Kɔmɔra wo, Adima wo, anubɛ Sebom mara nya min. Marita fondo-bɔ-belebele kɛra min kɛ, a ya soe wonu tinya.

Tɔn-Fɔɛ-Fila-Nyɔgɛ 29:23 ပူးပေါင်းရင်းမြစ်များ

Ko-Dabirɛnu 14:2

Anu bi so loli minnu kɛlɛla Dalɛ Faganɛ dafɛ wonu tɔgɛ le kɛnu na, Sɔdɔm soe wo, Kɔmɔra soe wo, Adima soe wo, Sebom soe wo, anubɛ Bela soe min tɔgɛ fanan Sowa. Sɔdɔm so-tigi-tɔgɛ le Bera. Kɔmɔra so-tigi-tɔgɛ le Birisa. Adima so-tigi-tɔgɛ le Sinabu. Sebom so-tigi-tɔgɛ le Sɛmɛbɛri.

1 Mansɛnu 9:8

Bato-Bon-nyimɛ kɛ si tinya ka ma bon-gbarɛ la. Mɔgɔ-wo-mɔgɔ wa tenbi nyɔ, wo si kawa ka a bole sa a dɛ la. A si a fɔ ko, ‘Nfenna ko la Mari ara ko sufa kɛ ma ala nyamanɛ anubɛ ala Bato-Bɔn kɛ la?’

1 Mansɛnu 9:9

Mɔgɛnu si wo yabi ko, ‘Mari ya kasarɛ kɛ bɛɛ lana anu kuma kamasɔrɔn anu bara bɛsɛnu kɔ ka anuta Mari Alla boloka min ya anu nabɔ Iyipiti.’ ”

2 Mansɛnu 22:13

“Wo ta Mari manyinika mabɛ nta nyamanita-mɔgɛnu ye ka a tɛgɛ buku kɛ karanla ko ma. Mari ara diminya ma ma bawo ma fanu ma tagama iko a sɛbɛnɛ buku kɛ rɔ nya min.”

Yobu 18:15

Anu si munku-gbɛ nyɛnsɛn ala fani-bɔnla foolɛ rɔ alako ala kirayɛ ra kana nyɛnsɛn. A ara bɔn min to, nyɔ wa diya min ye, wo si ta sigi nyɔ.

Aiseya 1:7

Wole Isirɛla mɔgɛnu, wola nyamanɛ kasaranɛ. Wola soenu bara mintan gburr! Sibolo-gbɛrɛnu bi wola sɛnita-fannu dɔnna wo yala ka wo kasaranɛ to.

Aiseya 13:19

Hali Babilɔn kɛ kin so-siyaman ko, a mɔgɛnu wasinɛ wola ko la, Mari ko a si Babilɔn tii mɛmɛ, iko a ya Sɔdɔm anubɛ Kɔmɔra tii nya min.

Aiseya 34:9

Idɔm bɛnu si ma nagatikali, iko kolota. Nyɔ-dugi si yɛlɛma munku-gbɛ la. Nyamanɛ wo mumɛ si mintan iko ta-yi le rawuyanɛ a ma.

Aiseya 64:11

Ma benbanu taranta i batola ita bon-sɛnimɛ la kɔnɔ nyɔ ara mintan tɛ la gburr! Mala fen-kolomɛnu bara halaki pɔ!

Yɛrɛmaya 17:6

Mɔgɛ wo mani de iko fan min kinɛ dugu-ragbalanɛ rɔ, ado a ye kan min, mɔgɛ ti ke sigila nyɔ. Nyɔ kaliyanɛ kodokodo, ado dugu-karakasɛ le. Alla ye ko-nyimɛ minnu niyi la, ale ti wo nya-yen.

Yɛrɛmaya 20:16

Alamɛ mɔgɛ wo mara iko soe wonu, Mari ya minnu tinya a fondo-bɔnɛ la. Alamɛ anu ni kɛlɛ-na-kan lamɔɛn subaga ma biribiri! Alamɛ a ni to kɛlɛ-sɔnkɛ lamɔɛnna burubukai!

Yɛrɛmaya 49:18

Kasarɛ min nyɔgɔn sigira Sɔdɔm anubɛ Kɔmɔra anubɛ anu dafɛ-soenu ma, wo nyɔgɔn si na sigi Idɔm kɛnu fanan ma. Hadama-den fenfen ti sigi nyɔ tun! Mari kan le kɛ la.

Yɛrɛmaya 9:11

Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Isikiyɛli 47:11

Dala kuma-kinɔgɔnɛ anubɛ yi-nɛ minnu bi ale Dalɛ Faganɛ dafɛ, anu si to kɔgɔ-yiyɛ la. Nyɔ si to mala mɔgɛnuna kɔgɔ bi tinɛ la.

Saraka-Masɔlɛnuta Tɔnnu 26:32

N si wola nyamanɛ duginu tinya, hali wo yogo minnu bi nala anu sigila wo gbɛ rɔ, wola dugi wo tinya-nya si ma latɛrɛna-koe la anu fanan bolo.

Emɔsi 4:11

Mari ko ale le ya wole, Isirɛla mɔgɛ donu kasara iko a ya Sɔdɔm anubɛ Kɔmɔra soenu tɔrɔ nya min. Mɔgɔ-toe minnu tora anu niyi la, wonu mani de iko ta ma sɔgɔ kundi. Kɔnɔ hali wo, wo ma sɔn sɛgila Mari ma.

Sɛfanaya 2:9

Isirɛlata Mari Sɛnbɛ-Bɛɛ-Tigi ya a keli ko a si Mohabunu anubɛ Amonnu kasara iko a ya Sɔdɔm kɛnu anubɛ Kɔmɔra kɛnu kasara nya min. A ko a si a ma, dɔn-fen ti ma-a-la anuna nyamanɛ wo rɔ muk, fɔ wɔnɛ anubɛ kɔgɛ gbansan! A ko ata mɔgɛ minnu bi tola anu niyi la, wonu si ta bui Mohabunu anubɛ Amonnu ma ka anu bolo-fannu anubɛ anuna nyamanɛ bi anu bolo.

Luka 17:29

Lɔti bɔra Sɔdɔm soe burɔ lunyɛ min, tɛ anubɛ munku-gbɛ yigira ka bɔ san-kole rɔ ka anu dama halaki.

Romu 9:29

Iko Aiseya ya a fɔ nya min fɔlɔ-nun, a ko, “Ni Mari Sɛnbɛ-Bɛɛ-Tigi ma mɔgɛ donu to anu kɛndɛ la nun, ma si kasara nun pɔ iko Sodom anubɛ Kɔmɔra soenu mara nya min.”

Yude 1:7

Wo ni wo hɛnkili to Sɔdɔm anubɛ Kɔmɔra anubɛ anu dafɛ-soenu ko. Nyɔ-mɔgɛnu ya a ma iko melikanu ya a ma nya min. Anu ya yɛlɛnya-su kɛ min ma daga mumɛ! Anu bi tɔrɔla habadan-tɛ le tɔ alako anu ni ma misali-bɛrɛ la mɔgɛ bɛɛ ye.

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.

Kɛlɛ-Kurugbɛnu 9:45

Anu telenta kɛlɛla gbɛn! Anu ya mɔgɛ bɛɛ faga ka anuna soe tinya. Wo kɔma, anu ya kɔgɛ fui nyɔ-dugi rɔ.