Tɔn-Fɔɛ-Fila-Nyɔgɛ 29:22 - ALLALA KUMƐ

²² “Ni wo ma lanyiri kɛ tɔnnu bira, wo kegeyɛnu anubɛ sibolo-gbɛrɛkɛ-mɔgɛnu ba sɔ wula-yan la ka sɛgi wola nyamani-kɔrɛ mafɛlɛn tinɛ tumɛ min, anu si wola nyamanɛ kasara-nya yen Mari bolo.

Tɔn-Fɔɛ-Fila-Nyɔgɛ 29:22 ပူးပေါင်းရင်းမြစ်များ

Ko-Dabirɛnu 19:24

Mari ya munku-gbɛ anubɛ tɛ layigi iko bandɛ ka bɔ san-kole rɔ Sɔdɔm anubɛ Kɔmɔra kuma.

Yɛrɛmaya 19:8

A ko a si so-karantan kɛ rade dogbe! So-karantan kɛ si ma yɛlɛnma-fan la mɔgɛnu ye. Mɔgɛnu tenbi tenbila, anu si anu kunyɛ firifiri. Anu ba so-karantan kɛ tinya-bole mafɛlɛn, anu si kawa.

Yɛrɛmaya 20:16

Alamɛ mɔgɛ wo mara iko soe wonu, Mari ya minnu tinya a fondo-bɔnɛ la. Alamɛ anu ni kɛlɛ-na-kan lamɔɛn subaga ma biribiri! Alamɛ a ni to kɛlɛ-sɔnkɛ lamɔɛnna burubukai!

Yɛrɛmaya 49:17

Mari ko kasarɛ min bi sigila Idɔm kɛnu na, wo ma si kilan. Hali min tenbi tenbila nyɔ, anu yigi si tɛgɛ kumakɔɛ bolo gbat!

Yɛrɛmaya 49:18

Kasarɛ min nyɔgɔn sigira Sɔdɔm anubɛ Kɔmɔra anubɛ anu dafɛ-soenu ma, wo nyɔgɔn si na sigi Idɔm kɛnu fanan ma. Hadama-den fenfen ti sigi nyɔ tun! Mari kan le kɛ la.

Yɛrɛmaya 50:13

Mari ko ka a tɛgɛ ata fondo-bɔɛ ma, mɔgɔ-wo-mɔgɔ ti to sigini Babilɔn tun. Nyɔ si to tonbonyɛ la. Min tenbimatoe wa a yen, wo si kawa ka a bole sa a dɛ la.

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Sɛfanaya 2:9

Isirɛlata Mari Sɛnbɛ-Bɛɛ-Tigi ya a keli ko a si Mohabunu anubɛ Amonnu kasara iko a ya Sɔdɔm kɛnu anubɛ Kɔmɔra kɛnu kasara nya min. A ko a si a ma, dɔn-fen ti ma-a-la anuna nyamanɛ wo rɔ muk, fɔ wɔnɛ anubɛ kɔgɛ gbansan! A ko ata mɔgɛ minnu bi tola anu niyi la, wonu si ta bui Mohabunu anubɛ Amonnu ma ka anu bolo-fannu anubɛ anuna nyamanɛ bi anu bolo.

Hiburunu 6:8

Kɔnɔ ni wɔnɛ anubɛ binyɛ gbansan wulita a rɔ, a ti ko-wo-ko nyinya mɔgɔ ma. Tumado lunyɛ do, Alla si a danka, ado tɛ si a halaki.