Tɔn-Fɔɛ-Fila-Nyɔgɛ 29:18 - ALLALA KUMƐ

¹⁸ Kei wo, musu wo, kebila wo, bɔnsɔn wo, wo ni a ma wo fɛrɛma, wo kana sibolo-gbɛrɛnuna bɛsɛnu kɔ ka wo kan-kɔ sɔ wota Mari Alla la. Ni min ya wo ma, wo si ma wo tɛma iko kulu-dalamɛ min bi mɔgɔ nyinina a kin-gbɛ ma.

Tɔn-Fɔɛ-Fila-Nyɔgɛ 29:18 ပူးပေါင်းရင်းမြစ်များ

Yaburi 10:13

Nfenna karagbɛlɛ si a ban Alla la? Nfenna a ye a fɔla a nyɛrɛ ma ko, “Alla ti nde tɔrɔ?”

Yaburi 69:21

Kɔnkɛ ye n na tumɛ min, anu ya mɔgɔ-faga-fan le di n ma. N kan lagbalata wati min, anu ya kotuli le di n ma.

Yɛrɛmaya 23:15

Woletɔ Mari Sɛnbɛ-Bɛɛ-Tigi ye kɛ fɔla ka a tɛgɛ Yerusalɛm nɛbinuna ko la. A si dɔn-fen-kunanɛnu di anu ma. Wo kɔma, a si dawara-yi di anu ma. A ko a ye wo mala le bawo anu bara nyamanɛ mumɛ bɛɛ latinya anuna wunduyogoyɛ la.

Yɛrɛmaya 23:17

Wole minnu ya wo ban wo tolo-masɔ-koe ma ale Mari kan la, nɛbinu bi a fɔla wo ye ko, “Koe bɛɛ ye tala a kilɛ fɛ.” Wole minnu tolo-gbɛlɛ, nɛbinu kɛnɛna a fɔla mɔgɛ wonu ye ko kasara-sumɛ ti sigi wo ma.

Yɛrɛmaya 8:14

Wole Yuda mɔgɛnu ko, “Nfenna ma siginɛ yan? Ma ni ma kundɛn wona. Tarɛ mininɛ soe minnu ma, ma ni ta faga nyɔ. Mata Mari Alla ara ma halaki-koe fɔ de! A ara ma dawari-yi-lafɛ rɔ bawo ma ara hakɛ kɛ ka bila a la.

Yɛrɛmaya 9:15

Nba, Mari Sɛnbɛ-Bɛɛ-Tigi, Isirɛlata Alla ko a ti mɛ tun, wole Yuda kɛnu ni dɔn-fen-kunanɛ dɔn ka wo min dawara-yi la.

Hoseya 10:4

Wole ye kuma-fuyinu fɔla ka foninya-lanyirinu kiri ka to wo da le fɔla kɛlɛ-makima-koe rɔ. Latelan ara a laban wo bolo ko-raduyi ma kiti-fɔ-tinɛ. Wo mani de iko mɔgɛ wa fui-fan fui, fen-gbɛrɛkɛ ma fɛrɛn nyɔ fɔ dawurɛ.

Emɔsi 6:12

Soeenu si ke anu burila kuru-gbɔgɔsa-gbagasɛnu kuma, wa? Sara-ninkinu si ke fara-gbaran rasinna, wa? Hali koe kɛnu min ma daga mala, wole Isirɛla mɔgɛnu bara ko-latelennɛnu yɛlɛma ko-yogomɛnu na.

Kɛwɔlɛnu 8:23

N bara a yen ko i fanɛ keliyɛ la kati! I hɔrɔyani ma hakɛ bolo.”

Tɔn-Fɔɛ-Fila-Nyɔgɛ 29:19

“Ni mɔgɔ-sufa wo ya lanyiri-kumɛ kɛ lamɔɛn, a ni duwa-kumɛ wo labira a nyɛrɛ ye kɔnɔ a yisi rɔ, a ye a fɔla ko, ‘Sɔ de, n bi min mala, n ni wo ma n ye. N ti nanparan mumɛ sɔrɔn.’ Ni min ya a tui ka wo ma, wo tigi si nanparan lana wo bɛɛsi kuma. Mɔgɔ-nyima wo, mɔgɔ-koron wo, wo bɛɛ si faga.

Tɔn-Fɔɛ-Fila-Nyɔgɛ 32:32

Wo yogenuna wunduyogoyɛ bɔra kan-tina-yogomɛnu tɔ iko wunduyogoyɛ min bɔra Sɔdɔm anubɛ Kɔmɔra so-yogomɛnu tɔ. Anu fere iko kulu-dalamɛ.

Hiburunu 12:15

Wo ni a ma wo fɛrɛma ko mɔgɔ-wo-mɔgɔ kana a kan-kɔ sɔ Allala hinɛ la. Wo tigi kana ma iko kɔn-suli-kunayanɛ bawo a si a matii ka a marɛ ranyɛnsɛn mɔgɛ bɛɛ tɛma min si anu sɔndɔmɛ latinya.

Hiburunu 3:12

Woletɔ n na-kelen-nyɔgɛnu, wo ni a ma wo fɛrɛma. Ni-yogoyɛ wo, dɛnkɛninyabɛlitayɛ wo, wo fenfen kana taran wo tɛma min si a ma, wo ni wo kan-kɔ sɔ Alla nimɛ la.