Tɔn-Fɔɛ-Fila-Nyɔgɛ 29:1 - ALLALA KUMƐ

¹ Kuma-kolomɛ le kɛnu na Mari ya minnu lanyiri kiri Musa ye wo tumɛ Isirɛla mɔgɛnu bi Sinayi kɔnkɛ dafɛ. Kaka, a ye nala kumɛ wo le makofuli-kɛla Mohabu nyamanɛ rɔ.

Tɔn-Fɔɛ-Fila-Nyɔgɛ 29:1 ပူးပေါင်းရင်းမြစ်များ

2 Mansɛnu 23:3

A ban, ale mansɛ wo sɔra Bato-Bɔn sɛnbɛrɛn-kɔn fɛ ka lanyiri kiri Mari ye. A ko a si ala tɔn wonu natɔnbagaya a yisi bɛɛ la. A ko a si sereya mumɛ bɛɛsi bira iko sarama-kan sɛbɛnɛ Marita buku rɔ nya min. Ala nyamanita-mɔgɛ wonu damasi sɔnta kumɛ wo ma. Anu ko anu denu fanan si tɔn wo damasi bira.

Yaburi 105:27

Anu ya Marita kabana-koenu nadan ka ko-makilannɛnu nadan Iyipiti nyamanɛ rɔ.

Yɛrɛmaya 11:2

n ni n tole masɔ ala sarama-kan-kumɛ kɛ la. A ko n ni a nya-rakaran Yerusalɛm kɛnu anubɛ Yuda mɔgɛ toe bɛɛ ye.

Yɛrɛmaya 11:6

Mari ya a fɔ n ye ko n ni wɔlɔyiya-kumɛ kɛ fɔ Yerusalɛm soe burɔ anubɛ Yuda nyamanɛ bɛɛ rɔ. A ko anu ni anu tole masɔ sarama-kan-kumɛ kɛnu na ka anu bira anu bolo filɛ la gben!

Yɛrɛmaya 31:32

A ko kɛ ti ma iko anubɛ anu benbanu ya min kiri anu nyɔgɔn tɛma anuna bɔɛ Iyipiti. A ko hali anu biranɛ a bolo iko mɔgɛ si ala musi bira nya min, anu ma sɔn ata sarama-kan birala.

Yɛrɛmaya 34:18

A Yuda mɔgɔ-ba wo, a Yerusalɛm kun-tigi wo, a mansala mɔgɔ-banu wo, a saraka-masɔla wo, a kun-tigi-toenu wo, wonu dama tenbira tura-sɛnsɛnnɛ tɛma sarama-kan-misalayɛ la. Kɔnɔ wole ya sarama-kan wo tinya. Wo ma wo waralɛ latɔnbagaya. Woletɔ a ko a si wole fanan sɛnsɛn iko wo ya turɛ wo sɛnsɛn nya min.

Saraka-Masɔlɛnuta Tɔnnu 26:46

Tɔn kɛnu anubɛ sereya dira Musa ma Sinayi kɔnkɛ kuma Isirɛla mɔgɛnuna ko la.

Saraka-Masɔlɛnuta Tɔnnu 27:34

Tɔn kɛnu anubɛ sereya dira Musa ma Sinayi kɔnkɛ kuma Isirɛla mɔgɛnuna ko la.

Kɛwɔlɛnu 3:25

Alla ya lanyiri minnu kiri ala nɛbinu baraka rɔ, wotɛ le wonu na. Alla ya lanyiri minnu kiri wo benbanu ye, wo ara wo sɔrɔn iko a ya a fɔ Iburayima ye nya min. A ko duninya-mɔgɛ bɛɛ si na duwɛ sɔrɔn ale bɔnsɔn fɛ.

Tɔn-Fɔɛ-Fila-Nyɔgɛ 1:1

Musa kumara Isirɛla mɔgɛnu ye wo tumɛ anu bi yilan-yilanna wulɛ do rɔ Yorodan bɛ tele-bɔɛ wara la min tɔgɛ Paran. Anu bi Paran soe anubɛ Tofɛli, Leban, Hasirɔti, anubɛ Disahabi soenu tɛma Sufi soe da kɔrɔ. Musa ya min fɔ nyɔ rɔ nun, wo le sɛbɛnɛ buku kɛ rɔ.

Tɔn-Fɔɛ-Fila-Nyɔgɛ 28:68

Hali wota Mari ya a fɔ ko wo ti sɛgi Iyipiti tun kɔnɔ wola ko-yogomɛ si a ma, Mari ni wo lasɛgi Iyipiti tun yi-kuma-kulɔn rɔ. Wo wa ke nyɔ tumɛ min, wo si wo nyɛrɛ mayira wo yogenu ma alako wo ni ma yɔɔnnu na anu kɔrɔ kɔnɔ anu ti sɔn wo la.”

Tɔn-Fɔɛ-Fila-Nyɔgɛ 29:12

N bara wo kele bi alako wo ni lanyiri kɛ kiri wole anubɛ wota Mari Alla tɛma. Koe minnu bi lanyiri kɛ rɔ, wo ni sɔn wonu ma.

Tɔn-Fɔɛ-Fila-Nyɔgɛ 29:2

Musa ya Isirɛla mɔgɛnu nadɛn ka a fɔ anu ye ko, “Wo nyɛrɛ-nyɛrɛ ya a yen Mari ya min ma Iyipiti nyamani-tigi la anubɛ ala mɔgɔ-banu anubɛ anuna nyamanɛ.

Tɔn-Fɔɛ-Fila-Nyɔgɛ 29:21

Mari si mɔgɛ wo ma tamasere la Isirɛla mɔgɛnu yala. Iko dankɛ minnu sɛbɛnɛ kitabu kɛ rɔ, Mari si wo dama kasara-dɛgbɛ sigi mɔgɛ wo la.

Tɔn-Fɔɛ-Fila-Nyɔgɛ 29:25

Wo yabilɛ si ma ko, ‘Anu bɔɛ Iyipiti, Mari ya lanyiri kiri ata mɔgɛnu ye kɔnɔ wonu kegeyɛnu ya lanyiri wo tinya ka don bɛsi-kɔ-koenu tɔ, ado anu benbanu ma bɛsɛnu kɔ. Mari ya a fɔ anu ye nun ko anu kana bɛsɛnu kɔ hali!

Tɔn-Fɔɛ-Fila-Nyɔgɛ 4:13

A ya a fɔ wo ye wo si ata sarama-kan bira nya min. A ya ata tɔn tan minnu sɛbɛ kuru-walan fila ma, wo ni wonu natɔnbagaya.

Tɔn-Fɔɛ-Fila-Nyɔgɛ 4:23

Wo ni a ma wo fɛrɛma, wo kana nyina wobɛ Mari Alla sarata min na. Wo ni ata kumɛ bira, wo kana bɛsi-wo-bɛsi ladan wo nyɛrɛ ye

Hiburunu 8:9

Mabɛ wo benbanu sarata min ma, a ti ma wo su la tun. N ya anu bole bira tumɛ min ka anu nabɔ Iyipiti nyamanɛ rɔ, sarama-kan-kɔrɛ wo kirita tumɛ wo le tɔ. Ma sarata min ma wulɔn, anu ma sarama-kan wo latɔnbagaya. Woletɔ, nde, Mari ara n kan-kɔ sɔ anu na.

1 Samuwɛli 12:24

Wo ni Marila tɔnnu bira ka ata wɔlɛ kɛ wo yisi bɛɛ la. A ya ko-makawanɛ minnu ma wo ye nun, wo ni wo miri wonu ma.