Tɔn-Fɔɛ-Fila-Nyɔgɛ 28:8 - ALLALA KUMƐ

⁸ “Marita duwɛ si taran wola wɔlɛnu tɔ, hali wola bondɔnnu ta ti kolonya dɔn-fannu na. Wota Mari Alla ye nala nyamanɛ min dila wo ma, ata duwɛ si taran nyɔ rɔ.

Tɔn-Fɔɛ-Fila-Nyɔgɛ 28:8 ပူးပေါင်းရင်းမြစ်များ

2 Mansɛnu 6:27

Ale mansɛ ya a fɔ musi wo ye ko, “Ni Mari ma ile dɛnbɛ, nde si i dɛnbɛ kama? Dɔn-fan do le nde bolo anubɛ minni-fan?

Yaburi 1:3

Mɔgɔ-sufa wo mani de iko kɔlɔma-kuri min kinɛ yi da la. A si gbɔ a tumɛ rɔ. A yanba-kunyɛ fanan ti gbala mumɛ! Mɔgɛ wo wa a bole don fenfen tɔ, wo ti sɛgi kɔma.

Yaburi 128:2

Ala wɔlɛ si a makoe bɛɛ nyinya. A sewanɛ si ta yarɔ.

Yaburi 133:3

Kan kelan wo mani de iko duri tenbi yigila Hɛrɔman kɔnkɛ ma, ni wo ma, duri min bi yigila Yerusalɛm kɔnkɛ ma. Mari ara ma yili-madiya habadan-nimayɛ la nyɔ le.

Yaburi 144:13

Alamɛ mala bondɔnnu nafara fui-fen-su bɛɛ la. Alamɛ mala sagɛnu yirita bui, ka dannu sɔrɔn waga-wagayɛ ma.

Yaburi 42:8

Alamɛ Mari ya ata keninteya-dannatɛgɛbɛlɛ yira n na tele rɔ woletɔ n si to bɛti bɔla n yisi rɔ suyi rɔ. N niyi ye Alla min bolo, bɛti wo mani de ale ye iko madiyalɛ.

Yaburi 44:4

Nta mansɛ anubɛ nta Alla le ile la. Ile le ye a mala, ita mɔgɛnu bi nɔ-ko sɔrɔnna.

Saraka-Masɔlɛnuta Tɔnnu 25:21

San wɔrɔ nyɔgɛ wo ma, nde, Mari si dɔnta siyaman natasakara wo ma min si wo wasa san sawa kɔrɔ.

Saraka-Masɔlɛnuta Tɔnnu 26:10

Wo tenbi wola dɔn-fen-kurɛnu tɛgɛla, wo si a kɔrɔmɛnu nabɔ bɔn la ka a kurɛnu nadon.

Hegayi 2:19

Wo ma a yen? Dɔn-fen sa wo bolo. Hali wola nɔnbɔ-kurinu anubɛ wola toro-kurinu anubɛ wola ɔlifi-kurinu sa gbɔla. Kɔnɔ ka a dabira kaka ma, Mari si ata duwɛ layigi wo kuma.”

Matiyu 13:30

Wo ni a to fɔlɔn. Anu filɛ ni koloya anu nyɔgɔn fɛ ha a tɛgɛ-tumɛ. Nba, n si a fɔ nna wɔli-kɛlɛnu ye worɔ ko anu ni binyɛ fɔlɔn dɛn ka a lakiri. Anu ni a lakɛ tɛ rɔ. Wo kɔma, anu ni ki-fen-bɛrɛ tɛgɛ ka a sa nna birɛ rɔ.’ ”

Matiyu 6:26

Wo ni konanu mafɛlɛn. Anu ti sugi fui. Anu ti a tɛgɛ. Anu ti a sa birɛ la. Kɔnɔ wo Fa min bi Arinyɛni tɔ, wo le ye anu dama kandanna! Wole ma tenbi konanu na, wa?

Luka 12:18

A ya a fɔ a nyɛrɛ ye ko, ‘N si min ma, wo le kɛ la. N si nna fen-namara-bɔnnu wayan ka a kinama-wɛnu sɔ. N si nna fui-fan anubɛ nna bolo-fen-toe bɛɛ mara nyɔ rɔ.

Tɔn-Fɔɛ-Fila-Nyɔgɛ 14:29

Yaka wonu, Lifayi mɔgɛnutɛ le wonu na bawo dugi sa anu bolo anu si wɔli kan min. Sundannu wo, kelennɛnu wo, anubɛ kɛɛ-musi minnu bi wola soenu tɔ, wo ni wonu fanan nahina yaka kɛ rɔ kamasɔrɔn anu dɛnbɛna-gbɛrɛkɛ sa. Ni wo ya wo ma, wota Mari Alla si ata duwɛ layigi wo kuma koe bɛɛ rɔ.”

Tɔn-Fɔɛ-Fila-Nyɔgɛ 15:10

Ni wo ya wo ta-nyɔgɛnu makoe nyinya foninsereyɛ la, Mari Allata duwɛ si taran wo fɛ koe bɛɛ rɔ.

Tɔn-Fɔɛ-Fila-Nyɔgɛ 15:4

“Mari Alla ko a si ata duwɛ layigi wo kuma lanyiri-nyamanɛ wo rɔ wo ye nala min sɔrɔnna kaka. Ni wo ya Marita tɔn kɛnu bira, mɔgɔ-wo-mɔgɔ ti ma bolo-kolɔn la nyamanɛ wo rɔ.

Tɔn-Fɔɛ-Fila-Nyɔgɛ 28:20

“Ni wo ya wo ban Mari la ka ko-yogomɛ ma, Mari si yakɔrɔ-mamɔ-belebele lana wo kuma. Tɔ-a-la, wo si kasara pɔɔ!

Tɔn-Fɔɛ-Fila-Nyɔgɛ 28:7

“Wo yogenu ba na wo kɛlɛ tinɛ tumɛ min, anu si bɔ kila kelen fɛ kɔnɔ wota Mari si anu tanyɛnsɛn wo ma. Anu bɛɛ si belenna anu burila wo kɔrɔ kila-siyamɛnu fɛ.