Tɔn-Fɔɛ-Fila-Nyɔgɛ 28:65 - ALLALA KUMƐ

^65-66 Wo tara wo sigi kan-bo-kan, wo ti yisi-kimɛ sɔrɔn nyɔ. Wo si ma yilan-yilantoenu na bawo wo ti wo sigi-tina-latelennɛ sɔrɔn wo nyɛrɛ ma. Mari si a ma, wo ni to hɔnna yigi-tɛgɛ bolo. Wo yisi si tinya bawo wo ye masibɛ kɔrɔ tuma-wo-tuma. Wo kumakɔnɛ si to kilan bolo su-ni-tele.

Tɔn-Fɔɛ-Fila-Nyɔgɛ 28:65 ပူးပေါင်းရင်းမြစ်များ

Ko-Dabirɛnu 8:9

Kɔnɔ purulan ma a sigi tina sɔrɔn, woletɔ a sɛgira Nowa wara kulɔn rɔ kamasɔrɔn yi ye dugu-kole bɛɛ kuma fɔlɔn. Nowa ya a bole labɔ ka purulan wo bira ka a ladon kulɔn rɔ.

Yobu 11:20

Karagbɛlɛnu si anu taya ka anu bɔ-tinɛ nyini tɔrɔyɛ kɔrɔ kɔnɔ anu ti anu bɔ-tina fenfen sɔrɔn. Yigi-wo-yigi sa anu bolo fɔ sayɛ.

Aiseya 51:17

Ile Yerusalɛm soe, kunden. I rasagan ka i lawuli. Mari fonde bɔnɛ ya tɔrɔya-yi-lafɛ min di i ma, i wara i min wo la. I ya i min a la tumɛ min, i ya yi-lafɛ ragbala todo! Wo ya a ma, i tora tonko-tankanna.

Aiseya 57:21

Alla ko karagbɛlɛnu ti yisi-kimɛ sɔrɔn.

Aiseya 65:14

Ata wɔli-kɛlɛnu si to a lawɔyɔla sewɛ bolo ka a tɛgɛ ko-nyimɛ min bi anu sɔndɔmɛ rɔ. Kɔnɔ wole karagbɛlɛnu ya-denkɛnu ta ti gbala yisi-tinya bolo. Wole karagbɛlɛnu si wo dɛ sa-a-rɔ lungbɔn!

Nimisa Koe 1:3

Yuda nyamanita-mɔgɛnu bara don yɔɔnyɛ min tɔ, wo yogo. Anu yogenu ya anu bira ka ta anu nyɛnsɛn sibolo-gbɛrɛkɛnu tɛma wula-yan la, anu ma lafɛrɛ-kunya sɔrɔn. Anu sagarannɛnu ya anu bira, ado anu bɔ-kunya sa wonu bolo.

Nimisa Koe 3:65

Ko-yogomɛ sigi anu na alako anu yisi ni tinya pɔ!

Nimisa Koe 5:17

Ma yisi tinyanɛ bawo mɔgɔ sa Bato-Bɔn la tun. A la ara kolonya filili! Fɔ sulukinu dɔrɔn, wonu denu sigi tina ye Bato-Bon-tiinɛ wo la. Ma yisi la ara fin ma ma wola ko la. Ma ti ke ko ragbɛla ma ya-yi bolo.

Saraka-Masɔlɛnuta Tɔnnu 26:16

n si wo tɔrɔya. N si yakɔrɔ-mamɔɛ lana wo kuma iko kiraya-yogomɛ sufa min ti dandan, anubɛ fɛrɛma-kaliyɛ min si wo fiyonya ka wo bara wao! Wo si wola suginu fui kɔnɔ wo ti fenfen sɔrɔn bawo wo yogenu si bui wo ma ka wola dɔn-fen-sabatinɛnu bi wo bolo ka ta anu na.

Saraka-Masɔlɛnuta Tɔnnu 26:36

“Wo tumɛ wo ye nyɔ rɔ, wo si to yutoyɛ rɔ. Hali fɔnyɔ wa yanba-kunyɛnu namaga, wo si wo buri a kɔrɔ. Wo si to wo burila ka bui kilan bolo. A mani de iko wo yogenu denu bi wo kɔma kilɛ la.

Emɔsi 9:4

Wo yogenu ba ta wo la biralɛ rɔ, a ko a si a ma, wo yogenu ni wo faga. A ko a ye wo kasara-koe le tɔ, wo kisi-ko ma de!

Habakuku 3:16

N ya kɛ damasi lamɔɛn tumɛ min, n kumakɔra. N da-gbole tora yɛrɛyɛrɛnna kumakɔɛ bolo. N kolenu mara yɔrɔyɔrɔ! N kiannu tora yɛrɛyɛrɛnna n kɔrɔ sigisigi! Kɔnɔ n si n tade ka ma yogenu tɔrɔ-tele makɔnɔ Mari bolo.

Matiyu 24:8

Wola tɔrɔyɛnu dabirɛ le kɛnu na dɔrɔn.

Luka 21:26

Min bi nala kɛla duninya bɛɛ rɔ, anu bi wo makɔnɔna. Mɔgɛnu kuma si kɔ ha anu ni kirɔn-a-la bawo san-koleta-sɛnbɛnu ta si maga ka bɔ anu gbɛ rɔ.

Romu 11:10

Alamɛ anu fiyonyara. Alamɛ anu tadunɛ ni to anuna tɔrɔyɛnu kɔrɔ.”