Tɔn-Fɔɛ-Fila-Nyɔgɛ 28:63 - ALLALA KUMƐ

⁶³ Iko Mari sewanɛ ya wo lasiyaya nya min ka wo ma fen-tiginu na, ni wo ma ala tɔnnu bira, a si sewa wo nya na le fanan ka wo ma bolo-kolɔnnu na ka wo rabunden sinini! A ye nala lanyiri-nyamanɛ min dila wo ma, a si wo wurun nyɔ rɔ.

Tɔn-Fɔɛ-Fila-Nyɔgɛ 28:63 ပူးပေါင်းရင်းမြစ်များ

Ko-Dabirɛnu 6:7

Mari ko, “N bara mɔgɛ minnu dan duninya rɔ, anu kɛ-nya ara a ma, n bara nimisa anu dan-koe la. N si anu dama halaki dugu-kole kuma, mɔgɔ wo, sogo wo, sagan-fen wo, anubɛ konanu.”

Yaburi 119:68

Ila nyimayɛ da-rakolo min kɛ, n karan ita sereyanu ma.

Hɛnkilimaya-Kumɛnu 1:26

Woletɔ ni wo ye yakɔrɔ-mamɔɛ rɔ, fɔ ni n tora yɛlɛnna wo ma.

Hɛnkilimaya-Kumɛnu 2:22

Kɔnɔ minnu karagbɛlɛ, Alla si wonu wurun burutu, iko mɔgɛ si binyɛ wurun nya min sɛnɛ rɔ.

Aiseya 1:24

Woletɔ Isirɛlata Mari Alla Sɛnbɛ-Bɛɛ-Tigi ye nala min fɔla, wo ni wo tole masɔ wo la. A ko a si a tayili sara wo la, wole, a yogenu, kɔni. A ko wo ti nanparan-wo-nanparan di a ma tun!

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Aiseya 62:5

Iko keminɛ ye a wasila kɔɛn-kura-biyi la nya min, Mari ye a wasila wo biyi la wo nya na le. Iko kei ye sewala ala musu-kurɛ la nya min, ale Mari fanan bi sewala wo la wo nya na le.

Yɛrɛmaya 18:7

A ko wo tumɛ ye nala, a si sibolo doi wara-koe fɔ. Tumado a si sibole wo wurun ka a fɛrɛn dugi la alako a si tinya pɔ!

Yɛrɛmaya 24:6

A ko a si anu fɛ-bira ka anu nasɛgi nyamanɛ kɛ rɔ tun. A ko a si to anu wara-koe mayɛlɛla, a ti anu wara-koe mayigi. A si anu nama-a-la, a ti anu bɔ nyɔ iko mɔgɛ wa fen ki, a ti anu wurun tun.

Yɛrɛmaya 31:28

Iko a ye wole wurunna nya min ka wo labui ka wo kasara ka wo bunden, a ko a ye wo wara-koe sɔla fanka rɔ wo nya na le.

Yɛrɛmaya 31:40

Anu bi furinu togonna lɛɛ min tɔ, ado a manɛ anu bolo sundu-kunyɛ la, ale soe si ta tele-bɔɛ wara la ha nyɔ. Anuna soe wo le ye bɔla sɔla nyɔ ma ka ta furr, ha Kidirɔn yi kɔgɔma. Soe wo le si ta fanan ka ta a labɔ Yerusalɛm don-dɛ la min tɔgɛ, “Soee.” Tɛngbɛnya wo dama si ma Marita so-sɛnimɛ la. A ko nyɔ ti kasara tun!

Yɛrɛmaya 32:41

A ko ko-nyima-kɛ si a diya don a rɔ anu ye. A si anu banban nyamanɛ wo rɔ gben!

Yɛrɛmaya 42:10

ni wo ye a fɛ wo ni to nyamanɛ kɛ rɔ, a si wo ma mɔgɛ la, a ti wo tinya tun. A ko a si wo ki, ado a ti wo wurun tun. A ko a nara kasarɛ min na wo ma fɔlɔ, wo ya a ma, a kinikinita wo ma.

Yɛrɛmaya 42:2

Anu ya a fɔ n ye ko, “I yandi, ma ye i manyinikala min na, wo kɛ ma ye. Male min tonɛ, i ni mata Mari Alla madiya ma ye. I ma a yen, fɔlɔ nun ma siya kɔnɔ kaka, ma ara dɔgɔya.

Yɛrɛmaya 45:4

Kɔnɔ Mari ko ale ara min sɔ, a si wo labui. A ara min ki, a si wo wurun. A ko a si wo sigi duninya bɛɛ ma.

Nimisa Koe 2:9

Tarɛ wo don-da-wɛnu tora sani yefe-gbalɛ rɔ. A dɛ-balan-kɔnnu ta ara kerikeri. Nna mansɛ anubɛ nna mɔgɔ-banu bi biralɛ rɔ nyamani-gbɛrɛkɛnu tɔ. Nta saraka-masɔlɛnu sa mɔgɛnu karanna tɔn ma tun. Mari sa wɔlɔyiya-kumɛnu yirala nta nɛbinu ma tun.

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?

Isikiyɛli 5:13

“Wo si nna yisi-bɔɛ sɛnbɛ-dan lɔn ha wo tɔrɔya-nya ni n hɛnɛ. Wo wa ma, wo ti tɛrɛna wo la ko nde, Mari le wara kuma. N yisi ara bɔ ka a tɛgɛ wola telenbɛlitayɛ ma.

Daniyɛli 7:8

N bi n mirila kere wonu bara-koe ma tumɛ min, n ya kere-nɛ do yen yɛlɛla kere doi wonu tɛma. A yɛlɛmatoe ya kere sawa tuntun kere kɛnu tɛma ka wonu nabɔ. Hadama-den-yɛ ye kere nɛ wo bolo, ado mankan-tugu-dɛ ye a bolo.

Emɔsi 5:3

“I ma a yen, Allatala ko, ‘Ni wole Isirɛla mɔgɛnuna kɛlɛ-dan waga kelen tara kɛlɛ rɔ, mɔgɔ kɛmɛ dɔrɔn si sɛgi. Ni soe min ya mɔgɔ kɛmɛ lata, mɔgɔ tan dɔrɔn si sɛgi.’ ”

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Sɛfanaya 3:17

Wota Mari Alla ye wo fɛ. Ata sɛnbɛ si nɔlɛ di wo ma. Mari si nyagalen wo la. A si ni-kurɛ di wo ma bawo wo di a ye. A si nyagalen wo la ka sigi sa.

Luka 15:32

Kɔnɔ a bɛnta ma sewanɛ ni ladiyɛ kɛ bawo i dɔgɔ faganɛ le nun kɔnɔ kaka, a ye a niyi la. A tonɛ-a-rɔ nun kɔnɔ kaka, ma ara a yen tun.’ ”

Tɔn-Fɔɛ-Fila-Nyɔgɛ 30:9

Wota Mari si ata duwɛ layigi wo kuma koe bɛɛ rɔ. Wo si den-siyaman sɔrɔn, wola kolo-fannu si siyaya, wola ki-fannu si sabati wo bolo kosɛbɛ! Fɔlɔ nun, wota Mari Alla sewara ka fen-siyaman di wo benbanu ma. A sewanɛ fanan si fen-siyaman di wole fanan ma wo nya na le.

Tɔn-Fɔɛ-Fila-Nyɔgɛ 4:27

Wo kɔma, Mari si wo ranyɛnsɛn. Wo si basan sibolo-gbɛrɛkɛnu na. Wo siyaman si faga. Wo ma ni dɔgɔya.

Tɔn-Fɔɛ-Fila-Nyɔgɛ 7:22

A si to sibole wonu gbenna wo yarɔ doni-doninyɛ ma. A ti mɔgɛ wonu faga wo yarɔ latiriya-bole ma. Ni a ya wo ma, sogo-feremɛnu si siyaya nyamanɛ wo rɔ ka ma setanɛ la wo ye.