Tɔn-Fɔɛ-Fila-Nyɔgɛ 28:48 - ALLALA KUMƐ

⁴⁸ woletɔ Mari ye wo yogenu natuntunna wo ma. Wo si tɔrɔ anu ye, wo kannu na si gbala, wo si ma kɔnkɔtoenu na, fɛriyɛ si wo bira, wo si to bolo-kolonyɛ rɔ. Mari si a ma, wo yogenu ni yɔlɔkɛnu sɔ wo kannu na. Ha wo si faga, yɔlɔkɛ wo ye wo kannu na.

Tɔn-Fɔɛ-Fila-Nyɔgɛ 28:48 ပူးပေါင်းရင်းမြစ်များ

1 Mansɛnu 8:33

“Isirɛla mɔgɛnu ba hakɛ kɛ i la tumɛ min, ni wo ya a ma, anu yogenu ni nɔ-ko sɔrɔn anu ma, ni anu nara bɔn kɛ la tumɛ min ka anu famayigi i ye i matara tinɛ anuna hakɛla ko la,

2 Ko-Kɔrɔta-Karan 12:8

kɔnɔ anu si to Sisaki kɔrɔ. Ka wɔli nde ye wo, ka wɔli mansɛnu ye duninya rɔ wo, anu si dan-nafarɛ yen wonu tɛma.”

Aiseya 47:6

Mari ko ale diminyanɛ male ata Isirɛla mɔgɛnu ma nun. Ma biranɛ a bolo iko ata ma ma la. A ko a ara ma kunyɛ don Babilɔn kɛnu bolo, ado anu ma kinikini ma ma. A ko hali mala kɛmɔgɛnu, anu bi wonu natofi-tafila.

Yɛrɛmaya 17:4

A ko a ara nyamanɛ min di wo ma, wo si foo wo la, ado wo gbɛ le wo la. A ko a si a ma, wo yogenu ni wo ma yɔɔn la. Wo si taran yɔɔnyɛ wo rɔ nyamanɛ do rɔ wo ma min lɔn mumɛ! Ni wo ara a yen wo ye mala, wo mara bawo a fonde kaliyanɛ iko tɛ min si to mintanna kudai!

Yɛrɛmaya 44:22

Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Yɛrɛmaya 44:27

A ko a si a ma, wo ti ma-a-la tun! Wo si to kasarɛ rɔ. A ko wo dama si faga. Ni minnu kunyɛ ma to kɛlɛ rɔ, wonu tɔgɛ si to kɔnkɔ-fitinɛ la. Anu dama la si to.

Yɛrɛmaya 5:19

Wole Yuda mɔgɛnu si to nyinikalɛnu kɛla ko nfenna wota Mari Alla ye karagbɛlɛya-su kɛ sigila wo ma. Mari ko nde, Yɛrɛmaya ni wo yabi ko a ye wo mala le bawo wo ara ale Mari boloka ka sibolo-gbɛrɛnuna bɛsɛnu kɔ wo halala-nyamanɛ rɔ. Woletɔ wo si wɔli sibolo-gbɛrɛnu ye nyamanɛ do rɔ, wo halala ma min na.

Nimisa Koe 1:14

“Mari ara n hakɛ bɛɛ ladɛn ka anu kiri anu nyɔgɔn ma. A ban, a ya wonu kiri n kan ma. A ya wo ma min kɛ, n tafagara kuluba! N Tigi Mari ya a ma, n yogenu ya n nɔ. Wo wati ya n taran, n ti ke anu kɛlɛla mumɛ!

Nimisa Koe 1:3

Yuda nyamanita-mɔgɛnu bara don yɔɔnyɛ min tɔ, wo yogo. Anu yogenu ya anu bira ka ta anu nyɛnsɛn sibolo-gbɛrɛkɛnu tɛma wula-yan la, anu ma lafɛrɛ-kunya sɔrɔn. Anu sagarannɛnu ya anu bira, ado anu bɔ-kunya sa wonu bolo.

Nimisa Koe 4:4

Ka a tɛgɛ kan-nagbalɛ ma, wola dannu nagan si gbaran anu naganagannu na. Hali anuna dannu bi anu tarala kɔnɔ anu ti anu kɔ bawo dɔn-fen-koe ma anu tabɔ.

Isikiyɛli 17:12

“Mɔgɔ-murutiyanɛnu manyinika, wa, ni anu ya tili kɛ kɔrɛ lɔn. A fɔ anu ye ko Babilɔn mansɛ nara Yerusalɛm soe burɔ. A tara Yuda mansɛ anubɛ a mɔgɔ-banu dununa a bolo Babilɔn nyamanɛ rɔ.

Isikiyɛli 17:3

alako anu ni a lɔn nde, wo Tigi Mari ye min fɔla wo ye. Kokɛ-belebele do ye nyɔ nun min kanban tafulennɛ. A kanban-tiyi wonu kin dɔgɔma-ma-de! A kanban wonu tagbɛlɛ. A gbanta ka ta Lɛbanan kɔnkɛnu kuma. A ke nyɔ, a ya sida-kɔn-sungban do keri.

Isikiyɛli 17:7

“N ya kokɛ-gbɛrɛ yen min ma ke a fɔlɔtɛ rɔ. A kanbannu kolo, ado a tiyinu siya a ma. Ki-fan wo ya a suli donu nata kokɛ doi kɛ wara la. A yanba-kunyɛ bɛɛ telennɛ kokɛ kɛ la alako wo si a yi sa nya min ka tenbi a kinɛ kan min.

Isikiyɛli 23:29

Bawo i gboyanɛ anu ye, i wara tɔrɔ min bɛɛ la, anu si wo bɛɛ bi i bolo. Anu si i mɛlɛn bolokanɛ to ila yɛlɛnyɛ rɔ. Ila kei-koyɛ anubɛ ila yɛlɛnyɛ,

Maika 2:3

“Woletɔ Mari ko minnu bi kɛ sufa mala, a si nyankankantan lana anu kuma ka anu tɔrɔ, anu ti ke anu bɔla min kɔrɔ. Anu si tɔrɔyɛ sɔrɔn. Anu kɔmakɔmɛ si belenna tagamana.

Matiyu 11:29

Wo ni nta dunɛ bi ka wo sa wo kuma. Wo ni karan nde fɛ bawo n dinyanɛ, n famayiginɛ. Nba, wo si wo sulen worɔ.

Tɔn-Fɔɛ-Fila-Nyɔgɛ 32:24

Kɔnkɔ-fitinɛ anubɛ kiraya-yogomɛnu si wo faga. Mari si sogo-feremɛnu nana wo kan ma minnu si wo dɔn. A si duguma-fen-maralamɛnu natuntun wo ma minnu si wo kin.