Tɔn-Fɔɛ-Fila-Nyɔgɛ 28:45 - ALLALA KUMƐ

⁴⁵ “Bawo wo ma wota Mari Alla kuman-kan bira min kɛ, woletɔ tɔrɔya-dɛgbɛ kɛ bɛɛ si sigi wo ma ha wo si ban fagala.

Tɔn-Fɔɛ-Fila-Nyɔgɛ 28:45 ပူးပေါင်းရင်းမြစ်များ

Ko-Dabirɛnu 19:13

kamasɔrɔn ma si Sɔdɔm soe kɛ halaki bawo anuna ko-yogomɛ ara wara Mari yala. Mari ya ma sɔ alako ma ni na soe kɛ lato dogbe!”

2 Mansɛnu 17:20

Wo le ya a ma, Mari ya a ban Yakoba kegeyɛ bɛɛ la Isirɛla mɔgɛnu, kɔni. Tɔ-a-la, a ya a kan-kɔ sɔ anu na ka anu don anu yogenu bolo minnu bi anu bira boloko-yogomɛ-kɛla.

Yaburi 119:21

I ye wasintenu makumala tolon! Minnu bi ita sereyanu masangbala, wonu bi dankɛ kɔrɔ.

Hɛnkilimaya-Kumɛnu 13:21

Kasarɛ si bila ko-yogoma-kɛlɛnu fɛ kɔnɔ mɔgɔ-latelennɛ si hɛrɛ sɔrɔn.

Aiseya 1:20

Kɔnɔ ni wo bilara a la, fɔ wo kunyɛ wa to kɛlɛ rɔ serr! Ale Mari kan le kɛ la.

Isikiyɛli 14:21

Ma Tigi Mari kan le kɛ la ko, “N si nta tɔrɔya-su nanɛ kɛnu nana Yerusalɛm kɛnu ma min tenbira tɔrɔyɛ bɛɛ la, kɛlɛ wo, kɔnkɔ-fitina wo, sogo-feremɛnu wo, anubɛ wuka. Wonu si mɔgɛnu anubɛ sogenu nato dogbe!

Isikiyɛli 7:15

Mari ya a fɔ nde, Isikiyɛli ye ko, “Kɛlɛ ye belenna soe kɔma. Kirayɛ anubɛ kɔnkɛ ye soe burɔ. Minnu bi binyɛ rɔ, wonu kunyɛ ye tola kɛlɛ rɔ. Minnu bi soe tɛma, kirayɛ anubɛ kɔnkɛ ye wonu maforongbanna.

Saraka-Masɔlɛnuta Tɔnnu 26:28

n fonde si bɔ wo kuma ka tenbi a nani nyɔgɛ wo la.

Tɔn-Fɔɛ-Fila-Nyɔgɛ 28:15

“N bara Allata tɔn min di wo ma kɛ la bi, ni wo ya wo ban wo bira-koe ma, dankɛ kɛnu si wo bira.

Tɔn-Fɔɛ-Fila-Nyɔgɛ 28:5

“Wola dɔn-fen-namara-sagɛnu anubɛ wola dɛgɛ-ramaga-mirannu si duwɛ sɔrɔn. Anu ta ti kolonya.

Tɔn-Fɔɛ-Fila-Nyɔgɛ 4:25

“Wo mɛra nyɔ nya-wo-nya, wo ni dannu sɔrɔn anubɛ wo mamanɛnu, wo kana bɛsi-wo-bɛsi ladan. Bɛsi-yogomɛ-ladan-koe kana wo don hakɛ rɔ. Ko-yogomɛ le wo la Mari yala. Wo si a ma, a fonde ni bɔ wo kuma.

Tɔn-Fɔɛ-Fila-Nyɔgɛ 4:26

“San-kole anubɛ dugu-kole si ma n sereyɛ la bi. Ni wo ma nna kumɛ bira, wo wa Yorodan bɛ tɛgɛ tumɛ min ka ta lanyiri-nyamanɛ wo rɔ, wo ti mɛ nyamanɛ wo rɔ! Wo si tunu yen!