Tɔn-Fɔɛ-Fila-Nyɔgɛ 28:32 - ALLALA KUMƐ

³² Sibolo-gbɛrɛkɛ-mɔgɛnu si wola dannu bi ka ta anu ma yɔɔnnu na wo yala kɔnɔ sɛ sa wole ye. Wo yɛ ti bɔ kilɛ la wola dan wonu nasɛgi-koe rɔ kɔnɔ fufafu le wo la.

Tɔn-Fɔɛ-Fila-Nyɔgɛ 28:32 ပူးပေါင်းရင်းမြစ်များ

2 Ko-Kɔrɔta-Karan 29:9

Ka a tɛgɛ ma benbanu ya min ma, ma fanu kunyɛ tora kɛlɛ rɔ. Kɛlɛ tara mala dannu anubɛ mala musinu na.

Yobu 11:20

Karagbɛlɛnu si anu taya ka anu bɔ-tinɛ nyini tɔrɔyɛ kɔrɔ kɔnɔ anu ti anu bɔ-tina fenfen sɔrɔn. Yigi-wo-yigi sa anu bolo fɔ sayɛ.

Yobu 17:5

Mɔgɛ min ya a diyana-mɔgɛ mayira wodi-koe rɔ, wola dannu si tɔrɔya ala ko la. Alamɛ n yogenu mara iko mɔgɛ wo.

Yobu 31:8

ado ni wo ara ma nun, alamɛ Alla ya a ma, nna ki-fannu ni tinya pɔsɔkɔ! Ni wo ma, alamɛ mɔgɔ-gbɛrɛkɛ ya nna ki-fannu dɔn n kɔma.

Yaburi 119:123

N yɛ ara mɛ kilɛ la, ado n yɛ ma ara bira kisi-koe makɔnɔna iko i ya n yili-madiya nya min.

Yaburi 119:82

N yɛ ara mɛ gbalani kilɛ la, ado a ma ara bira ita lanyirila ko la woletɔ n ya i manyinika ko, “I si n dɛnbɛ muntuma?”

Yaburi 69:3

N bara bandan dila n dɛnbɛn-koe rɔ. N kan la ara sa diyi kɛ bolo. N yɛ ma ara gbala kila-mafɛlan rɔ n dɛnbɛn-koe la kasa!

Aiseya 38:14

N kan ma ara dɔgɔya. N kan mani de iko kangbo-kan. N yɛ ara bandan san-mafɛlan la. Mari, i ni n kunyɛ bɔ tɔrɔyɛ kɛ rɔ.

Nimisa Koe 1:18

“Kɔnɔ kɛ dama rɔ, Mari ye a yoe rɔ bawo n bara ata kuman-kan tinya. Duninya-mɔgɛ bɛɛ ni a tole masɔ n na. Wo ma n tɔrɔ-bole yen? Ma yogenu bara ma fonike bɛɛ bira ka ta anu na nyamani-gbɛrɛnu tɔ.

Nimisa Koe 2:11

N yɛ wulennɛ puipui, di-kɛ bolo. N yisi tinyanta feu! N tora ma yogenu yenna ma fagala min kɛ, n bandanta di-kɛ bolo. Dennɛnu bi belenna kirɔnna-a-la da-wo-da kɔnkɛ bolo soe burɔ.

Nimisa Koe 4:17

Ma ya ma yɛ lakalan ma dɛnbɛn-koe ma furr, kɔnɔ ma ma a sɔrɔn. Ma mɛra makɔnɛ kɛla. Ma ko, “Tumado sibolo-gbɛrɛ do si na ma dɛnbɛ” kɔnɔ ko-wo-ko ma bɔ wo rɔ.

Nimisa Koe 5:17

Ma yisi tinyanɛ bawo mɔgɔ sa Bato-Bɔn la tun. A la ara kolonya filili! Fɔ sulukinu dɔrɔn, wonu denu sigi tina ye Bato-Bon-tiinɛ wo la. Ma yisi la ara fin ma ma wola ko la. Ma ti ke ko ragbɛla ma ya-yi bolo.

Isikiyɛli 24:25

Mari ko, “Nba, ile hadama-dan, anu wasinɛ Bato-Bɔn tagbɛlɛ min tɔ, n si wo bi anu bolo, ado nyɔ di anu ye ka ta a mafɛlɛn. N si anuna dannu toronde anu na.

Yowɛli 3:6

A ko wo ara ata mɔgɛnu bira Yuda nyamanɛ anubɛ Yerusalɛm soe burɔ ka ta anu mayira Kirisi kɛnu ma pon!

Emɔsi 5:27

a si wo don yɔɔnyɛ rɔ wo yogenu bolo Damasika soe kɔma. Mari Sɛnbɛ-Bɛɛ-Tigi kuman-kan le kɛ la.”

Maika 2:1

“Gbalo si taran wo mɔgɛnu ma minnu si anu miri ko-yogomɛ ma anu ta-nyɔgɛnuna ko ma suyi rɔ. Anu bi duwala le ko banda ni ka. Bandɛ wa ka tumɛ min, anu si anu nawuli anuna karagbɛlɛyɛnu na anu bolo iko anu ya anu miri a ma suyi rɔ nya min.

Maika 4:10

Nfen bi a tola, wole Yerusalɛm mɔgɛnu bi wo forongbesila iko musi buyi wa a lamaga. Bawo fɔ wo wa wo buri ka Yerusalɛm takolonya ka ta wo sigi kan-tina-rakolɔn do rɔ. Wo yogenu si ta wo la Babilɔn kɔnɔ wati wa tenbi wota Mari si wo kunyɛ bɔ wo rɔ.

Yilan-Yilan Koe 21:29

A ara gbɛlɛya wole Mohabu mɔgɛnu kuma gben! Wole min bi wota bɛsɛ Kimasi kɔla, wole damasi la ara to dogbe! Kei minnu bi ile Kimasi batola, wonu bara anu buri. Musi minnu bi i batola, wonu bara bira Mansa Saihɔn ye.

Tɔn-Fɔɛ-Fila-Nyɔgɛ 28:18

“Mari si a ma, wo ti den-siyaman sɔrɔn. A si a ma, wo ra ni bunden iko kɔrɔdagɛ. A si a ma, wola kolo-fannu si kasara.

Tɔn-Fɔɛ-Fila-Nyɔgɛ 28:31

Wo yogenu si wola ninkinu boso wo yala kɔnɔ hali a kundunɛ, wo ti a bila wo dɛ rɔ. Anu si wola sofɛlɛnu bi ka ta anu na pon, fɔ ni wo tora anu mafɛlɛnna. Anu ti anu nasɛgi wo ma muk! Wo yogenu si wola sagɛnu tala anu nyɔgɔn tɛma. Mɔgɔ-wo-mɔgɔ ti taran nyɔ min si wo dɛnbɛ.

Tɔn-Fɔɛ-Fila-Nyɔgɛ 28:41

Dannu si taran wo bolo kɔnɔ wo si foo anu na bawo wo yogenu si wonu bira yɔɔnyɛ rɔ.

Tɔn-Fɔɛ-Fila-Nyɔgɛ 28:65

Wo tara wo sigi kan-bo-kan, wo ti yisi-kimɛ sɔrɔn nyɔ. Wo si ma yilan-yilantoenu na bawo wo ti wo sigi-tina-latelennɛ sɔrɔn wo nyɛrɛ ma. Mari si a ma, wo ni to hɔnna yigi-tɛgɛ bolo. Wo yisi si tinya bawo wo ye masibɛ kɔrɔ tuma-wo-tuma. Wo kumakɔnɛ si to kilan bolo su-ni-tele.