Tɔn-Fɔɛ-Fila-Nyɔgɛ 28:20 - ALLALA KUMƐ

²⁰ “Ni wo ya wo ban Mari la ka ko-yogomɛ ma, Mari si yakɔrɔ-mamɔ-belebele lana wo kuma. Tɔ-a-la, wo si kasara pɔɔ!

Tɔn-Fɔɛ-Fila-Nyɔgɛ 28:20 ပူးပေါင်းရင်းမြစ်များ

Yobu 24:18

Wole ko, “Yi ye tugula karagbɛlɛnu kun na ka ta anu na pon!” Wo ye a fɔla tun ko, “Karagbɛlɛla dugi ye Allata dankɛ kɔrɔ woletɔ mɔgɔ sa tala nyɔ tun dɔn-fen tɛgɛ tinɛ.”

Yaburi 7:11

Kiti-tɛgɛla-telenbagɛ le ile la. I ye karagbɛlɛyɛ yilikila le burubukai!

Aiseya 28:19

Sɔgɔma-wo-sɔgɔma, kasarɛ si to nala wo kuma. Su-ni-tele, wo ye kasarɛ kɔrɔ. Wo ya sarakani-kura wo sarakani-kura sɔrɔn Alla bolo, wonu si na kilan kumɛ do la.

Aiseya 30:17

Wo wa kɛlɛ-den kelen yen, wole mɔgɔ waga kelen si a buri wo kɔrɔ. Kɛlɛ-dan mɔgɔ loli si a ma, wo dama ni a kɔ a rɔ. Wole kɛlɛ-den fenfen ti to nyɔ fɔ wola gbaran min sɔnɛ kɔnkɛ kuma.

Aiseya 51:20

Mɔgɛnu mɔlɔkɔn-mɔlɔkɔnnɛ ye belenna buila. Anu sanɛ belenna soe lu-kunyɛnu na dinkirɛ bɛɛ. Anu mani de iko soge wa bira gbɛrɛ la. Anu bara banna Allata fondo-bɔɛ lɔnna.

Aiseya 66:15

I ma Mari yen nala tɛ la a bolo? Marita kɛlɛ-dannu bi nala kirindi la anu bolo iko fɔn-digidigi-wɛ. A si a yogenu tɔrɔ ata fondo-bɔ-belebele la. A si anu tɔrɔ ta-mɛlan la.

Yɛrɛmaya 1:16

N bi nna mɔgɛnu tɔrɔla nya min, n si wo ragbɛ anu ye. N si anu tɔrɔ bawo anu bara hakɛ kɛ ka anu kan-kɔ sɔ n na. Anu bi bɛsɛnu nadanna ka nta sarakɛnu di anu ma, ado anu bi bɛsɛ wonu nadanna anu bole nyɛrɛ-nyɛrɛ le la.”

Yɛrɛmaya 19:4

A ko a ye wo mala le bawo wole, Yuda mɔgɛnu bara wo kan-kɔ sɔ a la. A ko wo ara kan-tinɛ kɛ ma bɛsi-kɔ-tinɛ la ka saraka-mintantɛnu mintan wola bɛsɛnu ye nyɔ, ado wo benbanu wo, wola Yuda mansɛnu wo, wole wo, fɔlɔ nun wo do-wo-do ma bɛsɛ wonu kɔ. A ko a ya a ma, kan-tinɛ kɛ la ara fa mɔgɔ-yele la minnu ma ko tinya.

Saraka-Masɔlɛnuta Tɔnnu 26:38

Wo si to fagala nyamani-gbɛrɛkɛnu tɔ wo yogenu bolo. Wonu si wo ki iko bɛniki-kalɛnu.

Malakayi 2:2

A ko fɔ wo ni a gbiliya wola ko-ladan-bolenu fɛ. Ni wo ma ata kumɛ bira, a si wo danka. A ko hali wo ye wo nilɛ minnu sɔrɔnna sarakɛ wonu tɔ, a si wo bɛɛ danka. Ado nfan, a ara ban wo bɛɛsi dankala gbuyɛ bawo wo ma ala tɔn bira wo sɛbɛ la.

Yɔni 3:36

Ni min dɛnkɛninyara nde, Allala dan ma, habadan-nimayɛ ye wo bolo. Ni min ti to ala danta kumɛ birala, wo tigi ti niyi sɔrɔn fɔ Allala diminyɛ min si to a kuma tɛban!”

Tɔn-Fɔɛ-Fila-Nyɔgɛ 28:8

“Marita duwɛ si taran wola wɔlɛnu tɔ, hali wola bondɔnnu ta ti kolonya dɔn-fannu na. Wota Mari Alla ye nala nyamanɛ min dila wo ma, ata duwɛ si taran nyɔ rɔ.

Tɔn-Fɔɛ-Fila-Nyɔgɛ 4:26

“San-kole anubɛ dugu-kole si ma n sereyɛ la bi. Ni wo ma nna kumɛ bira, wo wa Yorodan bɛ tɛgɛ tumɛ min ka ta lanyiri-nyamanɛ wo rɔ, wo ti mɛ nyamanɛ wo rɔ! Wo si tunu yen!

1 Tɛsalonaika 2:16

Anu bi anu tayala nun ka male lakala alako ma kana kisi-ko-kuma-kawandili bɔ sibolo-gbɛrɛnu ye. Anu bi hakɛ min kɛla tumɛ bɛɛ, wo dan-natenbi le, ado Allala fondo-bɔɛ ara a laban anu kuma!

Yasowa 23:16

Ni wo ya bɛsɛnu kɔ, Marita diminya-wɛ si wo tɔrɔ, ado a si wo bɔ nyamani-hakikɛ kɛ rɔ.”

Kɛlɛ-Kurugbɛnu 2:15

Isirɛla mɔgɛnu ba ta kɛlɛ-kɛ-tinɛ tuma-wo-tuma, Mari fɔlɔn bi anu kan ma iko a ara a dakan don anu ye nya min nun. Isirɛla mɔgɛnu kɔndɔfilita pirikali!

1 Samuwɛli 14:20

Tiriyante wo rɔ, Mansa Sɔli anubɛ ala kɛlɛ-dannu tara Filisitinu kan ma. Kɔndɔfili kelan kɛ ya a ma, Filisitinu donta anu nyɔgɔn kɛlɛ rɔ.