Tɔn-Fɔɛ-Fila-Nyɔgɛ 28:15 - ALLALA KUMƐ

¹⁵ “N bara Allata tɔn min di wo ma kɛ la bi, ni wo ya wo ban wo bira-koe ma, dankɛ kɛnu si wo bira.

Tɔn-Fɔɛ-Fila-Nyɔgɛ 28:15 ပူးပေါင်းရင်းမြစ်များ

Ko-Dabirɛnu 3:14

Woletɔ Mari Alla ya a fɔ duguma-fan wo ye ko, “Bawo i wara ko-yogomɛ kɛ min kɛ, i wara ma dankatoe la gbɛ ka tenbi nima-fan bɛɛsi la. I si i sagan i bu-gbole la. I ti fenfen dɔn i siyi-tele-bɛɛ kɔrɔ ni bɔnkɛ sa min ma.

Ko-Dabirɛnu 4:11

Ile min bara i dɔgɛ faga, i si dankɛ sɔrɔn ka tenbi dugi wo la min bara a dɛ laka ka i dɔgɛ yele lakunu i bolo, ado i ti tɔnɔ sɔrɔn dugi rɔ tun.

Ko-Dabirɛnu 4:12

Ni i ya i tui ka dugi wɔli, i ti fen sɔrɔn a rɔ muk! I si ma yilan-yilantoe la dugu-kole kuma.”

2 Ko-Kɔrɔta-Karan 12:5

Wo le ya a ma, Nɛbi Sɛmaya tara Mansa Rihobowami anubɛ Yuda bɔnsɔn-kun-tiginu bara Yerusalɛm soe burɔ. Kɛlɛ nanɛ, mɔgɔ-ba wonu ya anu buri tala nyɔ rɔ bawo anu kilannɛ Iyipiti mansɛ anubɛ ala kɛlɛ-dannu na. Nɛbi Sɛmaya ya a fɔ anu ye ko, “Marita kilayɛ le kɛ la. A ko bawo wo ara wo ban ale la, woletɔ a ara a ban wole la ka wo kunyɛ don Iyipiti Mansa Sisaki bolo.”

2 Ko-Kɔrɔta-Karan 7:19

“Kɔnɔ ni wolebɛ ila mɔgɛnu ya nna tɔnnu tinya n bara min di wo ma nun ka a tɛgɛ bɛsi-kɔɛ ma,

Aiseya 3:11

Kɔnɔ ko-yogoma-kɛlɛnu tinya-koe ara to a ma. Anu ya koe min sigi mɔgɛnu na fɔ wo wa sigi anu denu fanan ma.

Yɛrɛmaya 11:8

A ko kɔn-gbalɛ kerinɛ wo benbanu tole rɔ. Anu tole gbɛlɛ gben! Min ba diya anu ye, anu bi wo le mala, ado sarama-kan wo ko ni min ma ata kumɛ bira, wo tigi si dankɛ sɔrɔn. Woletɔ a ko a ya a ma, anu ya dankɛ wo su bɛɛ sɔrɔn. A ya sarama-kan kɛ bira-koe fɔ anu ye kɔnɔ anu ma anu sɛbɛ don a ma hali!

Yɛrɛmaya 26:4

Mari ya a fɔ wole, ala mɔgɛnu ye ko wo ni ala kumɛ bira tɔn-birɛ fɛ iko a ya wo labila nya min.

Yɛrɛmaya 32:23

Nyamanɛ kɛ sɔrɔn anu bolo, anu ma ita tɔnnu bira. Anu ma i kan-wo-kan bira. Wo le ya a ma, i ya kasarɛ latugun anu ma.

Yɛrɛmaya 36:31

Ale mansɛ wo, a kegeyɛ wo, ala mɔgɔ-ba wo, Mari ko a si anu dama tɔrɔ tɛrr ka a tɛgɛ anu hakɛ ma. Ale mansɛ wo, a Yerusalɛm ka wo, anubɛ a Yuda kɛ toe wo, a ko anu do-wo-do ma anu tole masɔ ata kawandili-kan la. Woletɔ a ara kasarɛ min wara-koe fɔ tɛrr, a ye nala wo sigila anu ma.

Yɛrɛmaya 36:7

Bawo Mari ara anu tagbɛrɛn ata fondo-bɔɛ la, tumado anu si Mari madiya ka anu bɔ anu gbɛ da la.”

Yɛrɛmaya 40:2

Kɛlɛ-den-kunyɛ wo tara n na n dan na, a ko, “Wota Mari Alla ara a fɔ nun ko kasarɛ si na wola nyamanɛ kɛ ma,

Nimisa Koe 2:17

Mari ara a fɔ ko a ye min mala nun, a ara wo le ma kɛ la. A ara ban Yerusalɛm soe kasara-koe latɛgɛla nun, ado a ara wo le ma kɛ la gbɛ! A ara a ma, ma yogenu bara sewa bawo soe ara tinya.

Hoseya 7:12

Kɔnɔ wole minnu bi ta-ni-sɛgi kɛla wo dɛnbɛn-koe la, nde, Mari si wo bira yalɛ la iko mɔgɛ si kona bira yalɛ la nya min. N si wo tɔrɔ ka a tɛgɛ wola karagbɛlɛyɛ ma.

Malakayi 2:2

A ko fɔ wo ni a gbiliya wola ko-ladan-bolenu fɛ. Ni wo ma ata kumɛ bira, a si wo danka. A ko hali wo ye wo nilɛ minnu sɔrɔnna sarakɛ wonu tɔ, a si wo bɛɛ danka. Ado nfan, a ara ban wo bɛɛsi dankala gbuyɛ bawo wo ma ala tɔn bira wo sɛbɛ la.

Kalesiya 3:10

Kɔnɔ minnu yigi sanɛ anuna tɔn-birɛ kuma, wonu bi dankɛ kɔrɔ bawo a sɛbɛnɛ Allala kitabu rɔ ko, “Ni min ti tɔn bɛɛsi bira, wo tigi ye Allata dankɛ kɔrɔ!”

Tɔn-Fɔɛ-Fila-Nyɔgɛ 11:28

Ni wo don ya tɔn kɛnu tinya ka wo kan-kɔ sɔ Alla la ka ta bɛsɛnu kɔ tinɛ, dankɛ kɛ si wo bira.

Tɔn-Fɔɛ-Fila-Nyɔgɛ 28:2

Ni wo ya Marita kuman-kan bira, duwɛ kɛ bɛɛ si ma wotɛ la.

Tɔn-Fɔɛ-Fila-Nyɔgɛ 28:45

“Bawo wo ma wota Mari Alla kuman-kan bira min kɛ, woletɔ tɔrɔya-dɛgbɛ kɛ bɛɛ si sigi wo ma ha wo si ban fagala.

Tɔn-Fɔɛ-Fila-Nyɔgɛ 29:19

“Ni mɔgɔ-sufa wo ya lanyiri-kumɛ kɛ lamɔɛn, a ni duwa-kumɛ wo labira a nyɛrɛ ye kɔnɔ a yisi rɔ, a ye a fɔla ko, ‘Sɔ de, n bi min mala, n ni wo ma n ye. N ti nanparan mumɛ sɔrɔn.’ Ni min ya a tui ka wo ma, wo tigi si nanparan lana wo bɛɛsi kuma. Mɔgɔ-nyima wo, mɔgɔ-koron wo, wo bɛɛ si faga.

Tɔn-Fɔɛ-Fila-Nyɔgɛ 29:20

Mari ti mɔgɔ-sufa wo to nyɔ rɔ. Wo si a ma, Mari fonde si bɔ ka sisi lugbu-lugbu! Tɔrɔyɛ min bɛɛsi sɛbɛnɛ kitabu kɛ rɔ, wonu si sigi ale mɔgɛ wo kuma ha Mari si a kasara pɔɔ!

Tɔn-Fɔɛ-Fila-Nyɔgɛ 5:1

Musa ya Isirɛla mɔgɛnu nadɛn anu nyɔgɔn fɛ ka a fɔ anu ye ko, “Wole Isirɛla mɔgɛnu, n bi nala tɔn minnu karanna wo ye bi, wo ni wo tole masɔ wonu na. Wo si anu karan a kila-bɛrɛbɛrɛ fɛ. Wo ni la anu na serr, ka anu bira gben!

Yasowa 23:15

Kɔnɔ mata Mari Alla ya a tanɛ min sigi wo ye, ni wo ma ata tɔnnu bira, a si wo tɔrɔ.

Yasowa 23:16

Ni wo ya bɛsɛnu kɔ, Marita diminya-wɛ si wo tɔrɔ, ado a si wo bɔ nyamani-hakikɛ kɛ rɔ.”

Kɛlɛ-Kurugbɛnu 2:15

Isirɛla mɔgɛnu ba ta kɛlɛ-kɛ-tinɛ tuma-wo-tuma, Mari fɔlɔn bi anu kan ma iko a ara a dakan don anu ye nya min nun. Isirɛla mɔgɛnu kɔndɔfilita pirikali!

1 Samuwɛli 4:10

Filisitinu ya Isirɛla mɔgɛnu nɔ kɛlɛ-kɛ-tinɛ. Isirɛla mɔgɛnu burimatoe sɛgira anu barɛnu tɔ. Isirɛla kɛlɛ-dan minnu fagara wulɔn, mɔgɔ waga bi-sawa (30,000).