Tɔn-Fɔɛ-Fila-Nyɔgɛ 28:13 - ALLALA KUMƐ

¹³ Wota Mari Alla si a ma, wo si ma kun-tiginu na koe bɛɛ rɔ, ado wo ti to kɔma ko-wo-ko rɔ. Ni wo ya tɔn kɛnu bira, wo si to fan bɛɛsi kuma kɔnɔ wo ti to fenfen kɔrɔ.

Tɔn-Fɔɛ-Fila-Nyɔgɛ 28:13 ပူးပေါင်းရင်းမြစ်များ

Bɔ-Koe-Iyipiti 15:26

Mari ko, “Wo ni wo tole masɔ n kuman-kan la a kin na! Koe minnu telennɛ nde, Mari Alla yala, wo ni wonu ma ka nta tɔn bɛɛ bira. Ni wo ya wo ma, n ya kirayɛ minnu sigi Iyipiti kɛnu ma nun, n ti wo fenfen sigi wole ma bawo nde, Mari le wo rakɛndɛyalɛ la.”

Yɛrɛmaya 31:7

Mari ko bɛɛ ni sewa ka sigi sa wole, Isirɛla mɔgɛnuna ko la. Anu ni anu kuli mayɛlɛ Isirɛla nyamanɛla ko la min makawanɛ nyamanɛ bɛɛ ko. Anu ni matɔgɔ-bɛtinu bɔ ko, “Mari ara ala mɔgɛnu nakisi. A toe min tonɛ, a ara wo bɛɛ kunka.”

Tɔn-Fɔɛ-Fila-Nyɔgɛ 15:6

Mari si ata duwɛ layigi wo kuma iko a ya lanyiri kiri wo ye nya min. Nyamani-gbɛrɛkɛ-mɔgɛnu si na dɔndɔlɛ sa wo ma kɔnɔ wole ti ta yili tɛgɛ nyamani-gbɛrɛkɛ-mɔgɛnu ma. Wole si ke anu marala ka to yili-yɔɔnyɛ kɔrɔ wo bolo kɔnɔ anu denu ti ke wole marala.

Tɔn-Fɔɛ-Fila-Nyɔgɛ 26:19

A si sɛnbɛ di wole Isirɛla bɔnsɔn ma. A si a ma, wole Isirɛla bɔnsɔn si tɔgɔ-nyimɛ sɔrɔn duninya ma ka matɔgɔlɛ anubɛ gbiliyɛ di wo ma ka tenbi bɔnsɔn doinu na. A si wo ma mɔgɔ-sɛnimɛnu na ka wo ma a halala-mɔgɛnu na iko a ara lanyiri kiri wo ye nya min.”

Tɔn-Fɔɛ-Fila-Nyɔgɛ 28:1

Musa ya a fɔ Isirɛla mɔgɛnu ye ko, “Ni wo ya wota Mari Alla kuman-kan latɔnbagaya ka ata tɔnnu bira iko n bara min di wo ma kɛ la bi, a si a ma, wo ni sɛnbɛ sɔrɔn ka tenbi sibolo-toenu na duninya rɔ.

Tɔn-Fɔɛ-Fila-Nyɔgɛ 28:43

“Sundan minnu bi wo tɛma, wonu fanka si koloya wotɛ ko, wole fanka ma si to yigila doni-doni!

Tɔn-Fɔɛ-Fila-Nyɔgɛ 28:44

Wole si ta anu denu bara dɔndɔ sa tinɛ kɔnɔ anu denu ti ta wole wara yili tɛgɛ tinɛ. Wonu si ma kun-tiginu na wole kuma koe bɛɛ rɔ. Wole si to anu kɔrɔ.

Filipai 1:27

Nba, ko-wɛ ye min na, wo le kɛ la. Wo tagama-nya ni bɛn Kirasitila kibara-nyimɛ ma. Woletɔ ni n ya fɛrɛ sɔrɔn ka ta wo yen, ni n ma ta, n si to a lamɔɛnna ko wo sɔnɛ yiri! Wo si a taran, wo ye wɔlila wo nyɔgɔn fɛ kan kelen tɔ kibara-nyimɛla ko la wo dɛnkɛninyanɛ min ma.