Tɔn-Fɔɛ-Fila-Nyɔgɛ 27:24 - ALLALA KUMƐ

²⁴ “ ‘Alamɛ Allata dankɛ taranta wo mɔgɛnu kuma minnu si mɔgɛnu faga hali dogɔn rɔ.’ “Anu si a labira ko, ‘Amina.’

Tɔn-Fɔɛ-Fila-Nyɔgɛ 27:24 ပူးပေါင်းရင်းမြစ်များ

2 Samuwɛli 13:28

Ale Abasalɔm ya a fɔ ala wɔli-kɛlɛnu ye ko, “Wo ni wo yɛ bɛn Aminɔ ma. Gbɛɛ wa a bira tumɛ min, n ba a fɔ wo ye, wo ni a faga. Hali wo ma kilan. Dunu sa wole kuma. Dunɛ ye nde le kuma. Wo ni wo kerinteya, hali wo ma sika.”

2 Samuwɛli 3:27

Abina ke soe tarɛ dɛ ma, Yohabu ya a bi. Anu ya anu mata doni. Yohabu ya a nyɛrɛ ma iko a ye gbundu-kumɛ do le fɔla a ye. A ya Abina buyi punsɔgɔ. A ya Abina faga bawo wo le fɔlɔn ya ale dɔgɛ Asahɛli faga.

1 Mansɛnu 2:5

“Sɛruya Yohabu ara min ma n na, i ni i yili to wo ko. A ya nna kɛlɛ-den-kun fila faga yisi-kima-wati le tɔ, Nɛrila den Abina anubɛ Yɛtala den Amasa, kɔni. Wonu bara mɔgɔ-fagɛ kɛ nun kɛlɛ rɔ kɔnɔ ale Yohabu ya a tayili sara anu na wola ko la ka anu denu faga yisi-kima-wati le tɔ. A ara mɔgɔ filɛ minnu faga kɛ la, wonu ma ko tinya. Kaka, wonu dunɛ ara to nde kuma. N yisi tɔrɔnɛ wola ko la.

Bɔ-Koe-Iyipiti 20:13

“Wo kana mɔgɛ faga.

Saraka-Masɔlɛnuta Tɔnnu 24:17

“Min sanɛ wo kuma fanani, ni min ya mɔgɔ faga, wo ni wo fanan faga.

Yilan-Yilan Koe 35:30

“Ni anu nara mɔgɛ do maburi ko ale ara mɔgɔ-fagɛ kɛ, anu ti ke a yilikila mɔgɔ kelanta sereyɛ ma, fɔ sereyɛ wa tenbi mɔgɔ kelen na.

Yilan-Yilan Koe 35:31

“Ni min ya mɔgɛ do faga ka a lawuli a ma, wo tigi ti to a niyi la mumɛ! A ti wodi bɔ mɔgɛ wo niyila ko la alako ale ni kisi. Fɔ wo ni a nyɛrɛ faga le serr!