Tɔn-Fɔɛ-Fila-Nyɔgɛ 27:18 - ALLALA KUMƐ

¹⁸ “ ‘Alamɛ Allata dankɛ taranta wo mɔgɛnu kuma minnu si fiyɔnnu bila kila-yogomɛ fɛ.’ “Anu si a labira ko, ‘Amina.’

Tɔn-Fɔɛ-Fila-Nyɔgɛ 27:18 ပူးပေါင်းရင်းမြစ်များ

Ko-Dabirɛnu 27:12

Tumado, n fa si a bole tugu n na kɔrɛ. A si a miri ko n bi yanfanteyɛ le la. N si dankɛ lana n nyɛrɛ kuma. N ti ata duwɛ sɔrɔn.”

Yobu 29:15

Fiyɔnnu yɛ le nde la. Namarɛnu kian le nde la.

Hɛnkilimaya-Kumɛnu 28:10

Mɔgɛ min bi mɔgɔ-latelennɛ labuila hakɛ rɔ, wo tigi si bira a nyɛrɛta gbɛrɛ-lasiginɛ la. Kɔnɔ fɛɛ sa mɔgɛ min na, wo si sabati.

Aiseya 56:10

Kun-tigi minnu bɛnta ka mɔgɛnu kandan, wonu fiyonyanɛ. Anu ma a lɔn anu bi min kun na. Anu dama manɛ iko wuli min ti ke gbongbonna. Anu ti ke wonwonna mɔgɛnu ma. Kinɔgɛ di anu ye ha! Anu sa fenfen kun na fɔ kiyo-kunba-sɛ.

Saraka-Masɔlɛnuta Tɔnnu 19:14

Mɔgɔ kana tolo-gbere lafɛya wa ka fen sa fiyɔn yarɔ min si a ma, a ni bui. Wo ni nde, wota Alla gbiliya. Nde, wota Mari Alla ya kɛ le fɔ wo ye.

Matiyu 15:14

Wo kana hɔn Farisi wonuna ko la! Fiyɔn le anu na, ado anu bi fiyɔn bole birala. Fiyɔn wa fiyɔn bolo bira, anu filɛ bɛɛ si bui denkɛ rɔ.”

Tɔn-Fɔɛ-Fila-Nyɔgɛ 27:19

“ ‘Alamɛ Allata dankɛ taranta wo mɔgɛnu kuma minnu si mɔgɔ-tɔrɔnɛnuna saratiyi tinya anu bolo, a mara sundan na wo, a mara kelenni na wo, a mara kɛɛ-musu la wo.’ “Anu si a labira ko, ‘Amina.’

Lankɛnimayɛ 2:14

Kɔnɔ minnu bi n kɔntɔ wo kan ma, wo le kɛ la. Donu bi wola chɔchi burɔ nyɔ minnu bara bila Belamta karan fɛ. Dɔn-fan min dinɛ bɛsɛnu ma, Balaki ya a ma, Isirɛla mɔgɛnu ya wo dɔn. Belamta karan le ya a ma, Balaki ya kɛ ma. Min tenbira wo bɛɛ la, a ya anu karan yɛlɛnyɛ la.