Tɔn-Fɔɛ-Fila-Nyɔgɛ 27:13 - ALLALA KUMƐ

¹³ Bɔnsɔn-mɔgɛ doi kɛnu si ta anu sɔ Ebali kɔnkɛ bu la ka dankɛ labira, Rubɛn bɔnsɔn wo, Kadi bɔnsɔn wo, Asɛra bɔnsɔn wo, Sɛbulɔn bɔnsɔn wo, Dan bɔnsɔn wo, anubɛ Nafatali bɔnsɔn.

Tɔn-Fɔɛ-Fila-Nyɔgɛ 27:13 ပူးပေါင်းရင်းမြစ်များ

Ko-Dabirɛnu 29:32

Liya ya buyi bi ka den-kei-sarɛ sɔrɔn. A ya a tɔgɔ sa Rubɛn bawo tɔgɛ wo kɔrɛ le iko mɔgɔ wa a fɔ ko, “Mari ara nna tɔrɔyɛ yen.” Liya ya a fɔ ko, “Tumado nna den-sɔrɔn si a ma, nna kei ni n keni.”

Ko-Dabirɛnu 30:20

Liya ko, “Alla ara kɔ-fen-hakikɛ di n ma. Nna kei si n gbiliya gbɛ kamasɔrɔn n bara den mɔgɔ wɔrɔ sɔrɔn a ye.” Woletɔ a ya ala dan wo tɔgɔ sa Sɛbulɔn bawo tɔgɛ wo kɔrɛ le iko mɔgɔ wa a fɔ ko, “Gbiliyɛ.”

Tɔn-Fɔɛ-Fila-Nyɔgɛ 11:29

Mari wa ta wo la wo sigi tinɛ wo rɔ tumɛ min, Mari ya duwɛ min kɛ wo ye kɛ la, wo si wo labira Kɛrisim kɔnkɛ bu la. Mari ya dankɛ min kɛ kɛ la, wo si wo labira Ebali kɔnkɛ bu la.

Tɔn-Fɔɛ-Fila-Nyɔgɛ 27:12

“Wo wa ban Yorodan bɛ tɛgɛla tumɛ min, wo bɔnsɔn-mɔgɛ kɛnu si ta anu sɔ Kɛrisim kɔnkɛ bu la ka duwɛ labira, Simiyɔn bɔnsɔn wo, Lifayi bɔnsɔn wo, Yuda bɔnsɔn wo, Isakari bɔnsɔn wo, Yusufu bɔnsɔn wo, anubɛ Bɛnyamɛ bɔnsɔn.

Tɔn-Fɔɛ-Fila-Nyɔgɛ 27:14

Lifayi bɔnsɔn-mɔgɛnu si dankɛ kɛnu kɛ anu kulu-mayɛlɛnɛ la. Anu si a fɔ ko,

Yasowa 8:33

A mɔgɔ-ba wo, a kun-tigi wo, a kiti-tɛgɛla wo, a sundan minnu bi anu tɛma wo, Isirɛla mɔgɛ bɛɛ sɔra kɔnkɔ filɛ tɛma. Donu kan-kɔ sɔnɛ Kɛrisim kɔnkɛ la, donu kan-kɔ sɔnɛ Ebali kɔnkɛ la. Anu yɛ lamununnɛ tɔn-kenkirɛ la anubɛ saraka-masɔlɛ minnu nara a la. Mɔgɛnuna duwa-bole le kɛ la iko Musa ya a fɔ nya min nun.