Tɔn-Fɔɛ-Fila-Nyɔgɛ 27:12 - ALLALA KUMƐ

¹² “Wo wa ban Yorodan bɛ tɛgɛla tumɛ min, wo bɔnsɔn-mɔgɛ kɛnu si ta anu sɔ Kɛrisim kɔnkɛ bu la ka duwɛ labira, Simiyɔn bɔnsɔn wo, Lifayi bɔnsɔn wo, Yuda bɔnsɔn wo, Isakari bɔnsɔn wo, Yusufu bɔnsɔn wo, anubɛ Bɛnyamɛ bɔnsɔn.

Tɔn-Fɔɛ-Fila-Nyɔgɛ 27:12 ပူးပေါင်းရင်းမြစ်များ

Ko-Dabirɛnu 30:18

Liya ko, “Alla ara n sarɛ di n ma kamasɔrɔn n bara nna solo-dununɛ di nna kei ma.” Woletɔ a ya dan wo tɔgɔ sa Isakari bawo tɔgɛ wo kɔrɛ le iko mɔgɔ wa a fɔ ko, “Alla ara n sara.”

Ko-Dabirɛnu 30:24

Alamɛ Mari ya den-kei-dogbɛrɛ sa kɛ kuma n ye.” Woletɔ a ya dan wo tɔgɔ sa Yusufu bawo tɔgɛ wo kɔrɛ le iko mɔgɔ wa a fɔ ko, “Do di n ma tun.”

Ko-Dabirɛnu 35:18

Hali wo, Resɛli ma beli. Kɔnɔ a niyi ye bɔla tumɛ min, a ya ala dan wo tɔgɔ sa Bɛn-Oni. Kɔnɔ ala kei Yakoba fanan ya dan wo tɔgɔ sa Bɛnyamɛ. Resɛli fagara. Anu ya a togon Ɛfarati kilɛ la. (Ɛfarati soe wo tɔgɛ le fanan Bɛtalehɛm.)

Tɔn-Fɔɛ-Fila-Nyɔgɛ 27:11

Wo tele nyɛrɛ rɔ, Mari ya a fɔ Isirɛla mɔgɛnu ye ko,

Tɔn-Fɔɛ-Fila-Nyɔgɛ 27:13

Bɔnsɔn-mɔgɛ doi kɛnu si ta anu sɔ Ebali kɔnkɛ bu la ka dankɛ labira, Rubɛn bɔnsɔn wo, Kadi bɔnsɔn wo, Asɛra bɔnsɔn wo, Sɛbulɔn bɔnsɔn wo, Dan bɔnsɔn wo, anubɛ Nafatali bɔnsɔn.

Kɛlɛ-Kurugbɛnu 9:7

Abimɛlɛki dɔgɛ Yɔtam min ya a buri a kɔrɔ nun, wo ya wo kumɛ lamɔɛn min kɛ, a yɛlɛta Kɛrisim kɔnkɛ kuma. A nyɛɛra Sɛkɛm mɔgɛnu ma a kulu-mayɛlɛnɛ la, a ko, “Wole Sɛkɛm mɔgɛnu, wo ni wo tole masɔ n na woletɔ Alla si a wɔlɔ matɔlɔ wo la.